ಹವಾಮಾನ ಬದಲಾವಣೆ: ಸಿರಿವಂತ ದೇಶಗಳು ನೀಡಬೇಕಿರುವ ಪರಿಹಾರ ಅಪಾರ

         ನವದೆಹಲಿ : ಇಂಗಾಲದ ಡೈಆಕ್ಸೈಡ್‌ ಹೊರಸೂಸುವಿಕೆ ಪ್ರಮಾಣ ಹೆಚ್ಚುತ್ತಿದೆ. ಇದರಲ್ಲಿ ಅಮೆರಿಕ, ಜರ್ಮನಿಯಂತಹ ಭೂಗೋಳದ ಉತ್ತರ ಭಾಗದಲ್ಲಿರುವ ದೇಶಗಳ ಪಾಲು ಶೇ 90ರಷ್ಟಿದೆ. 2050ರ ವೇಳೆಗೆ ಹವಾಮಾನ ಬದಲಾವಣೆ ಗುರಿ ತಲುಪಲು ಭಾರತದಂತಹ ದೇಶಗಳಿಗೆ ಪರಿಹಾರ ರೂಪದಲ್ಲಿ ಈ ದೇಶಗಳು ₹ 1,403 ಲಕ್ಷ ಕೋಟಿಯನ್ನು ನೀಡಬೇಕಾಗುತ್ತದೆ ಎಂದು ಹೊಸ ಅಧ್ಯಯನ ಹೇಳಿದೆ.

                  ಈ ಬಗ್ಗೆ 'ನೇಚರ್ ಸಸ್ಟೆನೇಬಿಲಿಟಿ' ಎಂಬ ವೈಜ್ಞಾನಿಕ ನಿಯತಕಾಲಿಕದಲ್ಲಿ ಈ ಅಧ್ಯಯನ ವರದಿ ಪ್ರಕಟವಾಗಿದೆ. ಬ್ರಿಟನ್‌ನ ಲೀಡ್ಸ್‌ ವಿಶ್ವವಿದ್ಯಾಲಯದ ಸಂಶೋಧಕರು ಈ ಅಧ್ಯಯನ ನಡೆಸಿದ್ದಾರೆ.