ಪೆರ್ಮುಖ ದೀಪಶ್ರೀಗೆ ಹಿರಿಯ ನಾಗರಿಕರ ವೇದಿಕೆಯ ವತಿಯಿಂದ ಸನ್ಮಾನ

                 ಬದಿಯಡ್ಕ: ಮಾರ್ಚ್ ತಿಂಗಳಿನಲ್ಲಿ ಜರಗಿದ ಕಣ್ಣೂರು ವಿಶ್ವವಿದ್ಯಾನಿಲಯದ ಬಯೋಕೆಮಿಸ್ಟ್ರಿ ಬಿಎಸ್ಸಿ ಪದವಿ ಪರೀಕ್ಷೆ 6ನೇ ರ್ಯಾಂಕ್ ಗಳಿಸಿದ ದೀಪಶ್ರೀ ಪೆರ್ಮುಖ ಇವರನ್ನು ಹಿರಿಯನಾಗರಿಕ ವೇದಿಕೆ ಬದಿಯಡ್ಕ ಘಟಕದ ವತಿಯಿಂದ ಸನ್ಮಾನಿಸಲಾಯಿತು.

         ಘಟಕಾಧ್ಯಕ್ಷ ಪೆರ್ಮುಖ ಈಶ್ವರ ಭಟ್ ಸ್ವಾಗತಿಸಿ ಗ್ರಾಮೀಣ ಹಿನ್ನೆಲೆಯ ದೀಪಾಳ ಸಾಧನೆಯ ಬಗ್ಗೆ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದರು. ನಿವೃತ್ತ ಮುಖ್ಯೋಪಾಧ್ಯಾಯ ಪಿಲಿಂಗಲ್ಲು ಕೃಷ್ಣ ಭಟ್ ಅಧ್ಯಕ್ಷತೆ ವಹಿಸಿದ್ದರು. ನಿವೃತ್ತ ಉಪಜಿಲ್ಲಾ ವಿದ್ಯಾಧಿಕಾರಿ ವೆಂಕಟ್ರಮಣ ಭಟ್, ಕೇರಳ ಬ್ಯಾಂಕಿನ ನಿವೃತ್ತ ಪ್ರಬಂಧಕ ಕುಞ್ಞಣ್ಣ ಶುಭಾಶಂಸನೆಗೈದರು. ಕಾರ್ಯದರ್ಶಿ ಸಂಪತ್ತಿಲ ಶಂಕರನಾರಾಯಣ ಭಟ್ ವಂದಿಸಿದರು.