ಕೊಟ್ಟಿಯೂರು ವೈಶಾಖ ಮಹೋತ್ಸವ: ಆಶ್ಲೇಷಾ ಚತುಷ್ಟಂ ಸಂಪನ್ನ

         ಕಣ್ಣೂರು: ಕೊಟ್ಟಿಯೂರು ವೈಶಾಖ ಮಹೋತ್ಸವದ ನಾಲ್ಕು ಚತುಷ್ಠಗಳಲ್ಲಿ ಮೂರನೇ ಆಯಿಲ್ಯಂ ಚತುಷ್ಟಂ ಇಂದು ನಡೆಯಿತು. 

          ಚತುಷ್ಟಂ ಎಂದರೆ ಕೊಟ್ಟಿಯೂರ್ ಪೆರುಮಾಳ್‍ಗೆ ಅರ್ಪಿಸುವ ವಲಿಯವತ್ತಲಂ ಪಾಯಸ ನೈವೇದ್ಯ. ಕೊಟ್ಟಿಯೂರು ವೈಶಾಖ ಮಹೋತ್ಸವದಲ್ಲಿ ರಾಜ್ಯದ ವಿವಿಧ ಭಾಗಗಳಿಂದ ಭಕ್ತರು ಭಾಗವಹಿಸುತ್ತಾರೆ. ಕೊಟ್ಟಿಯೂರು ದೇವಾಲಯವು ಇತರ ದೇವಾಲಯಗಳಿಗಿಂತ ವಿಭಿನ್ನವಾದ ಸಂಪ್ರದಾಯಗಳು ಮತ್ತು ಆಚರಣೆಗಳನ್ನು ಹೊಂದಿದೆ.

       ಚತುಷ್ಟಂ ಅಥವಾ ವಲಿಯವಟ್ಟಲಂ ನೈವೇದ್ಯವನ್ನು ಆದ್ರಾ(ತಿರುವಾತಿರ), ಪುನರ್ವಸು(ಪುನರ್ತಂ), ಆಶ್ಲೇಷಾ(ಆಯಿಲ್ಯಂ) ಮತ್ತು ಹಸ್ತಾ(ಅತ್ತಂ) ದಿನಗಳಲ್ಲಿ ನೀಡಲಾಗುತ್ತದೆ. ಕಳೆದೆರಡು ದಿನಗಳಲ್ಲಿ ಆದ್ರಾ ಹಾಗೂ ಪುನರ್ ವಸು  ಚತುಷ್ಟಂಗಳು ನಡೆದವು. ಜೂನ್ 24 ರಂದು ಮಕಮ್ ಕಳಂ ಆಗಮನ ಸಮಾರಂಭಗಳು ಸಹ ನಡೆಯಲಿವೆ. 27ರಂದು ಕೊನೆಯ ಚತುಷ್ಟಂ, ವಾಲಾಟ್ಟಂ, ಕಲಶಪೂಜೆ ನಡೆಯಲಿದೆ. 28ರಂದು ತ್ರಿಕಲಶ ನಡೆಯಲಿದೆ.

          ಚತುಷ್ಟಂ ದಿನ ರಾತ್ರಿ ಪೂಜೆಯ ನಂತರ ನಾಲ್ಕು ಕುಲದ ಮಹಿಳೆಯರಿಗೆ ಮಣಿತಾರದಲ್ಲಿ ಅನ್ನ, ಏಳು ಕುಲದವರಿಗೆ ಹಣ್ಣು, ಬೆಲ್ಲ ನೀಡಲಾಗುವುದು. ಪಾಯಸ ನೈವೇದ್ಯವು ಆದ್ರಾ ನಕ್ಷತ್ರದಂದು ಪ್ರಾರಂಭವಾಗಿತ್ತು.  100 ಕೆಜಿ ಅಕ್ಕಿ, 100 ತೆಂಗಿನಕಾಯಿ, 100 ಕೆಜಿ ಬೆಲ್ಲ ಮತ್ತು ತುಪ್ಪವನ್ನು ಸೇರಿಸಿ ವಲಿಯವಟ್ಟಲಮ್ ಪಾಯಸ ನೈವೇದ್ಯವನ್ನು ತಯಾರಿಸಲಾಗುತ್ತದೆ.