ಯಕ್ಷಗಾನವು ಭಾಷೆ, ಗಡಿಯನ್ನು ಮೀರಿ ನಿಂತ ಕಲೆ- ಸಿರಿಬಾಗಿಲು ವೆಂಕಪ್ಪಯ್ಯ : ಸಾಂಸ್ಕೃತಿಕ ಭವನದಲ್ಲಿ 'ಗಡಿನಾಡ ಕಲಾ ಸಾಂಸ್ಕೃತಿಕ ವೈಭವ'ಉದ್ಘಾಟಿಸಿ ಎಡನೀರುಶ್ರೀ ಅಭಿಪ್ರಾಯ

             ಕಾಸರಗೋಡು: ಸಿರಿಬಾಗಿಲು ವೆಂಕಪ್ಪಯ್ಯ ಸಾಂಸ್ಕೃತಿಕ ಭವನ ನೇತೃತ್ವ ಹಾಗೂ ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಪ್ರಾಯೋಜಕತ್ವದಲ್ಲಿ 'ಗಡಿನಾಡ ಕಲಾ ಸಾಂಸ್ಕೃತಿಕ ವೈಭವ ಕಾರ್ಯಕ್ರಮ ಶನಿವಾರ ಆರಂಭಗೊಂಡಿತು.  

       ಸಿರಿಬಾಗಿಲು ವೆಂಕಪ್ಪಯ್ಯ ಸಾಂಸ್ಕೃತಿಕ ಭವನದಲ್ಲಿ ನಡೆದ ಸಮಾರಂಭವನ್ನು ಎಡನೀರು ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿ ಉದ್ಘಾಟಿಸಿ ಆಶೀರ್ವಚನ ನೀಡಿ, ಯಕ್ಷಗಾನವು ಭಾಷೆ, ಗಡಿಯನ್ನು ಮೀರಿ ನಿಂತ ಕಲೆಯಾಗಿದ್ದು, ಸಂಸ್ಕøತಿಯ ಪೋಷಣೆಗೆ ಮಹತ್ವದ ಕೊಡುಗೆ ನೀಡಿದೆ. ಯಕ್ಷಗಾನದ ವೇಷಭೂಷಣ, ಯಕ್ಷಗಾನದಲ್ಲಿ ಬರುವ ಪಾತ್ರಗಳು, ಯಕ್ಷಗಾನ ಕಲಾವಿದರ ಬಗ್ಗೆ ಸಮಗ್ರ ಮಾಹಿತಿಯನ್ನು ಒದಗಿಸಿಕೊಡುವ ಹಾಗೂ ಸಮಗ್ರ ಅಧ್ಯಯನಕ್ಕೆ ನಾಂಧಿಹಾಡಿರುವ ಸಿರಿಬಾಗಿಲು ವೆಂಕಪ್ಪಯ್ಯ ಸಾಂಸ್ಕೃತಿಕ ಭವನದ ಕಾರ್ಯಚಟುವಟಿಕೆ ಶ್ಲಾಘನೀಯ ಎಂದು ತಿಳಿಸಿದರು.

           ಭವನದ ಕೋಶಾಧಿಕಾರಿ ಲಕ್ಷ್ಮೀನಾರಯಣ ಪಟ್ಟೇರಿ ಅಧ್ಯಕ್ಷತೆ ವಹಿಸಿದ್ದರು. ಉಪ್ಪಳ ಕೊಂಡೆವೂರು ಶ್ರೀ ನಿತ್ಯಾನಂದ ಯೋಗಾಶ್ರಮದ ಶ್ರೀ ಯೋಗಾನಂದ ಸರಸ್ವತಿ ಸ್ವಾಮೀಜಿ ಆಶೀರ್ವಚನ ನೀಡಿ, ಯಕ್ಷಗಾನ ಸನಾತನ ಸಂಸ್ಕøತಿಯನ್ನು ಪೋಷಿಸುವ ಕಲೆಯಾಗಿರುವುದಲ್ಲದೆ, ಧಾರ್ಮಿಕ ಪರಂಪರೆಗೆ ಶಕ್ತಿ ತುಂಬುವ ಕೆಲಸವನ್ನು ನಡೆಸುತ್ತಿದೆ. ಸಿರಿಬಾಗಿಲು ವೆಂಕಪ್ಪಯ್ಯ ಸಾಂಸ್ಕೃತಿಕ ಭವನವು ಯಕ್ಷಗಾನದ ಹಿನ್ನೆಲೆ, ಮುನ್ನೆಲೆ ಬಗ್ಗೆ ಸಮಗ್ರ ಮಾಹಿತಿ ಒದಗಿಸುವ ಕೇಂದ್ರವಾಗಿ ಅಭಿವೃದ್ಧಿಗೊಳ್ಳಲಿ ಎಂದು ತಿಳಿಸಿದರು. ಎನ್. ವಎಂಕಟ್ರಮಣ ಹೊಳ್ಳ, ಎಡನೀರು ಮಠದ ಪ್ರಬಂಧಕ ರಾಜೇಂದ್ರ ಕಲ್ಲೂರಾಯ ಉಪಸ್ಥಿತರಿದ್ದರು. ಸಿರಿಬಾಗಿಲು ರಾಮಕೃಷ್ಣ ಮಯ್ಯ ಪ್ರಾಸ್ತಾವಿಕ ಮಾತುಗಳನ್ನಾಡಿ ಸವಾಗತಿಸಿದರು. ಜಗದೀಶ್ ಕೂಡ್ಲು ಕಾರ್ಯಕ್ರಮ ನಿರೂಪಿಸಿದರು. ಮೋಹನ್ ಕುಮಾರ್ ರೈ ಸಿರಿಬಾಗಿಲು ವಂದಿಸಿದರು.

          ಈ ಸಂದರ್ಭ ಪುತ್ತಿಗೆ ರಾಮಕೃಷ್ಣ ಜೋಯಿಸ ವಿರಚಿತ ಶ್ರೀ ರಾಮ ನಿಜ ಪಟ್ಟಾಭಿಷೇಕ ಪ್ರಸಂಗದ ಅಗ್ನಿ ಪರೀಕ್ಷೆಯ ಆಯ್ದ ಭಾಗವನ್ನು ಪ್ರಸಿದ್ದ ಕಲಾವಿದರ ಕೂಡುವಿಕೆಯಿಂದ ತಾಳಮದ್ದಳೆ ರೂಪದಲ್ಲಿ ಪ್ರಸ್ತುತಿಪಡಿಸಲಾಯಿತು. ನಂತರ ಶ್ರೀಹರಿ ಭಟ್ ಅವರಿಂದ ಗಮಕ ವಾಚನ, ಕಲಾರತ್ನ ಶಂ.ನಾ. ಅಡಿಗ ಕುಂಬ್ಳೆ ಇವರಿಂದ ಹರಿಕಥೆ,  ನೃತ್ಯೋಪಾಸನಾ ಕಲಾಕೇಂದ್ರ(ರಿ.) ಪುತ್ತೂರು ಅವರು ಪ್ರಸ್ತುತ ಪಡಿಸುವ "ನೃತ್ಯೋsಹಂ" ಕಾರ್ಯಕ್ರಮ ನಡೆಯಿತು.

                            ಇಂದು ಕವಿಗೋಷ್ಠಿ,  ಸಮಾರೋಪ:  

ಜೂ. 4ರಂದು ಬೆಳಗ್ಗೆ ಗಡಿನಾಡ ಕವಿ ರಾಧಾಕೃಷ್ಣ ಕೆ, ಉಳಿಯತ್ತಡ್ಕ ಇವರ ಅಧ್ಯಕ್ಷತೆಯಲ್ಲಿ ಕವಿ ಗೋಷ್ಠಿ, ಕವನ ಗೋಷ್ಠಿ, ಅವಲೋಕನ ನಡೆಯಲಿದೆ.  ಸೀತಾಲಕ್ಷ್ಮಿ ವರ್ಮ, ವಿಟ್ಲ ಗೋಷ್ಠಿ ಉದ್ಘಾಟಿಸುವರು. ಕನ್ನಡ ಸಾಹಿತ್ಯ ಪರಿಷತ್ ಗಡಿನಾಡ ಘಟಕ ಅಧ್ಯಕ್ಷ ಯಸ್.ವಿ.ಭಟ್, ಹಿರಿಯ ಪತ್ರಕರ್ತ ಮಾಲಾರು ಜಯರಾಮ ರೈ  ಮುಖ್ಯ ಅಥಿತಿಗಳಾಗಿ ಭಾಗವಹಿಸುವರು.  ಮಧ್ಯಾಹ್ನ 2ರಿಂದ ಗಡಿನಾಡನ ಕಲೆ-ಸಾಹಿತ್ಯ-ಸಂಸ್ಕೃತಿ ಉಳಿಸಿ, ಬೆಳೆಸುವಲ್ಲಿ ಕೀರ್ತಿಶೇಷರ ಕೊಡುಗೆಗಳ ಬಗ್ಗೆ ವಿಚಾರ ಸಂಕಿರಣ ನಡೆಯುವುದು.  ಪ್ರಸಂಗಕರ್ತ ಶ್ರೀಧರ ಡಿ.ಯಸ್.  ಅಧ್ಯಕ್ಷತೆ ವಹಿಸುವರು.  ಡಾ.ರಾಧಾಕೃಷ್ಣ ಬೆಳ್ಳೂರು, ಜಯಲಕ್ಷ್ಮಿ ಕಾರಂತ, ಯೋಗೀಶ್ ರಾವ್ ಚಿಗುರುಪಾದೆ, ಕಾರ್ತಿಕ್ ಪಡ್ರೆ, ರಾಜಾರಾಮ ರಾವ್ ಮಿಯಪದವು ಇವರು ವಿಚಾರ ಸಂಕಿರಣದಲ್ಲಿ ಭಾಗವಹಿಸಲಿದ್ದಾರೆ. 

             ಸಮಾರೋಪ ಸಮಾರಂಭದಲ್ಲಿ ದರ್ಮದರ್ಶಿ ಹರಿಕೃಷ್ಣ ಪುನರೂರು ಅದ್ಯಕ್ಷತೆ ವಹಿಸುವರು. ಶಾಸಕ ಎನ್.ಎ. ನೆಲ್ಲಿಕ್ಕುನ್ನು, ಕೆನರಾ ಬೇಂಕ್ ನ ಜನರಲ್ ಮೆನೇಜರ್ ಮುರಳಿ ಕೃಷ್ಣಪ್ರಿಯ, ಸಿಂಡಿಕೇಟ್ ಬೇಂಕ್ ನ ವಿಶ್ರಾಂತ ಡಿ.ಜಿ.ಯಂ. ನರಸಿಂಹ ಮೂರ್ತಿ ತೋನ್ಸೆ. ಉದ್ಯಮಿ ಗೋವಿಂದ ಭಟ್ ದಿವಾಣ ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು. ಈ ಸಂದರ್ಭ ವಿದ್ವಾನ್ ಬಾಬು ರೈ, ರಾಧಾಕೃಷ್ಣ ಕೆ.ಉಳಿಯತ್ತಡ್ಕ, ಪೂಕಳ ಲಕ್ಷ್ಮೀನಾರಾಯಣ ಭಟ್ ಇವರಿಗೆ ಗಡಿನಾಡ.ಸಿರಿ- ಸಿರಿಬಾಗಿಲು ಪ್ರಶಸ್ತಿ ನೀಡಿ ಗೌರವಿಸಲಾಗುವುದು. ಸಂಜೆ 6ಕ್ಕೆ ಪ್ರಸಿದ್ದ ಕಲಾವಿದರಿಂದ ಮಧೂರು ಕ್ಷೇತ್ರದ ಚಾರಿತ್ರಿಕ ಕತೆ "ಮಧುಪುರ ಮಹಾತ್ಮೆ "" ಯಕ್ಷಗಾನ ಬಯಲಾಟ ನಡೆಯಲಿದೆ.