ದಾರಿಯಲ್ಲಿ ಅಗ್ನಿಶಾಮಕ ವಾಹನ ನೋಡಿ ಗಾಬರಿ: ಬಳಿಕ ಸ್ವಂತ ಮನೆ ಸುಟ್ಟು ಕರಕಲಾಗುತ್ತಿರುವುದನ್ನು ಕಂಡು ಕಂಗಾಲಾದ ವೃದ್ದ ದಂಪತಿಗಳು

                ತಿರುವನಂತಪುರಂ: ರಸ್ತೆಯಲ್ಲಿ ಹಾದು ಹೋಗುತ್ತಿದ್ದ ಅಗ್ನಿಶಾಮಕ ವಾಹನವು ಕೋವಳಂನಲ್ಲಿ ತಮ್ಮ ಮನೆಯತ್ತ ತಿರುಗುತ್ತಿರುವುದನ್ನು ನೋಡಿದ ವೃದ್ಧ ದಂಪತಿಗಳು ಆತಂಕದಿಂದ ಅದರ ಹಿಂದೆ ಓಡಿದ್ದು, ಬಳಿಕ ಅವರು ನೋಡಿದ್ದು ತನ್ನ ಸ್ವಂತ ಮನೆ ಉರಿಯುವುದನ್ನು.

            ಕೋವಳಂನ ಪಚಲ್ಲೂರಿನ ಉತ್ತರದಲ್ಲಿರುವ ಕೂನಮತುರ್ತಿಯಲ್ಲಿ ಅರವಿಂದಾಕ್ಷನ್ ವಿಜಯಮ್ಮ ದಂಪತಿಯ ಹುಲ್ಲಿನ ಮನೆಗೆ ನಿನ್ನೆ ಬೆಳಗ್ಗೆ ಬೆಂಕಿ ಹತ್ತಿಕೊಂಡಿತ್ತು. ಬೆಳಗ್ಗೆ ಇಬ್ಬರು ಮನೆ ಸಮೀಪದ ಮುಖ್ಯರಸ್ತೆಗೆ ಹೋದಾಗ ಈ ಘಟನೆ ನಡೆದಿದೆ. ಮನೆಗೆ ಬೆಂಕಿ ಹೊತ್ತಿಕೊಂಡಿರುವುದನ್ನು ನೋಡಿದ ನೆರೆಹೊರೆಯವರು ಎಚ್ಚರಿಸಿದ ನಂತರ ವಿಜಿಂಜಂ ಅಗ್ನಿಶಾಮಕ ದಳ ಸ್ಥಳಕ್ಕೆ ಧಾವಿಸಿದೆ.

              ಮನೆಗೆ ತೆರಳುತ್ತಿದ್ದ ಅಗ್ನಿಶಾಮಕ ದಳದ ವಾಹನ ಎದುರಿಗೆ ತಿರುಗುತ್ತಿದ್ದುದನ್ನು ಕಂಡು ದಂಪತಿ ಕ್ಷಣಕಾಲ ಬೆಚ್ಚಿಬಿದ್ದರು. ನಂತರ ಇಬ್ಬರೂ ಮನೆ ಬಳಿ ಬಂದಾಗ ತಮ್ಮ ಹಾಸಿಗೆಗೆ ಬೆಂಕಿ ಬಿದ್ದಿರುವುದು ಕಂಡಿತು. ಕೊಠಡಿಯ ಒಳಗಿದ್ದ ಬಟ್ಟೆ, ಸಾಮಾನುಗಳು ಮೇಲ್ಛಾವಣಿ ಸಹಿತ ನಾಶವಾಗಿವೆ. ಶಾರ್ಟ್ ಸಕ್ರ್ಯೂಟ್‍ನಿಂದ ಬೆಂಕಿ ಕಾಣಿಸಿಕೊಂಡಿದೆ ಎಂದು ತೀರ್ಮಾನಿಸಲಾಗಿದೆ. ಸುಮಾರು 2 ಲಕ್ಷ ರೂಪಾಯಿ ಹಾನಿಯಾಗಿದೆ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ. ತಿರುವಳ್ಳಂ ಗ್ರಾಮ ಕಚೇರಿ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಮಾಹಿತಿ ಸಂಗ್ರಹಿಸಿದ್ದಾರೆ.