ಕೋಟೂರು ಕೆ ಎ ಯಲ್ ಪಿ ಶಾಲೆಯ ವಜ್ರಮಹೋತ್ಸವ ಆಚರಣೆ: ಕಾರ್ಯಕಾರೀ ಸಮಿತಿ ಸಭೆ

          ಮುಳ್ಳೇರಿಯ: ಮುಳಿಯಾರು ಕೋಟೂರು ಕಾರ್ತಿಕೇಯ ಕಿರಿಯ ಪ್ರಾಥಮಿಕ ಶಾಲೆಯ ವಜ್ರಮಹೋತ್ಸವ ಆಚರಣೆಯ ಕಾರ್ಯಕಾರೀ ಸಮಿತಿ ಸಭೆ ಶಾಲೆಯಲ್ಲಿ ಜರಗಿತು. 

ಪಿ ಬಾಲಕೃಷ್ಣನ್ ಅಧ್ಯಕ್ಷತೆ ವಹಿಸಿದ್ದರು. ಗ್ರಾಮ ಪಂಚಾಯತಿ ಸದಸ್ಯೆ ಶ್ಯಾಮಲಾ, ಪ್ರಮುಖರಾದ ಮಾಧವನ್ ಸಿ,  ಪಿ ಕುಂಜಿಕಣ್ಣನ್, ಕೇಳು ಮಾಸ್ತರ್ ಸಲಹೆ ಸೂಚನೆ ನೀಡಿದರು. ಗೋಪಾಲನ್ ಕೆ, ಗೋವಿಂದ ಬಳ್ಳಮೂಲೆ, ಅಚ್ಚುತನ್, ಟಿ ಬಾಲಕೃಷ್ಣನ್ ಇವರು ಸಾಂದರ್ಭಿಕ ಮಾತುಗಳನ್ನಾಡಿದರು.

           2023 ಆಗಸ್ಟ್ 20 ರಿಂದ ಡಿಸೆಂಬರ್ 31 ರತನಕ ವಿವಿಧ ಕಾರ್ಯಕ್ರಮಗಳೊಂದಿಗೆ  ವಜ್ರಮಹೋತ್ಸವವನ್ನು ವಿವಿಧ ಕಾರ್ಯಕ್ರಮಗಳೊಮದಿಗೆ ಆಚರಿಸಲು ತೀರ್ಮಾನಿಸಲಾಯಿತು.   

            ಸಭೆಯಲ್ಲಿ ವಿವಿಧ ವಿಭಾಗ ಸಮಿತಿಗಳ ಕಾರ್ಯಗಳನ್ನು ನಡೆಸುವುದು, ಸ್ಮರಣ ಸಂಚಿಕೆ ತಯಾರಿ, ವಿವಿಧ ಆಟೋಟ ಚಟುವಟಿಕೆ, ಸಾಂಸ್ಕøತಿಕ ಕಾರ್ಯಕ್ರಮ, ಶಿಕ್ಷಣ ವಿಚಾರಗೋಷ್ಠಿ, ಹಳೆವಿದ್ಯಾರ್ಥಿ ಸಂಗಮ, ರಂಗಮಂದಿರ ನಿರ್ಮಾಣ ಮೊದಲಾದ ವಿಷಯಗಳ ಬಗ್ಗೆ ಸಮಾಲೋಚಿಸಿ ತೀರ್ಮಾನ ಕೈಗೊಳ್ಳಲಾಯಿತು. ಶಾಲಾ ಮುಖ್ಯೋಪಾಧ್ಯಾಯಿನಿ ಸುಕುಮಾರಿ ಪ್ರಾಸ್ತಾವಿಕವಾಗಿ ಮಾತನಾಡಿ ಸ್ವಾಗತಿಸಿದರು. ಶಿವಶಂಕರನ್ ವಂದಿಸಿದರು.