ನೀಲೇಶ್ವರ ಕ್ಯಾಂಪಸ್‍ನಲ್ಲಿ ಪ್ರಿಯಾ ವರ್ಗೀಸ್ ಗೆ ನೇಮಕ ಆದೇಶ: 15 ದಿನಗಳಲ್ಲಿ ಅಧಿಕಾರ ವಹಿಸಿಕೊಳ್ಳಲು ಸೂಚನೆ

              ಕಣ್ಣೂರು: ಮುಖ್ಯಮಂತ್ರಿಗಳ ಮಾಜಿ ಆಪ್ತ ಕಾರ್ಯದರ್ಶಿ ಕೆ.ಕೆ. ರಾಗೇಶ್ ಅವರ ಪತ್ನಿ ಪ್ರಿಯಾ ವರ್ಗೀಸ್ ನೇಮಕಾತಿ ಆದೇಶವನ್ನು ಸ್ವೀಕರಿಸಿರುವÀರು.

              ಕಣ್ಣೂರು ವಿಶ್ವವಿದ್ಯಾಲಯ ನೀಲೇಶ್ವರ ಕ್ಯಾಂಪಸ್‍ನಲ್ಲಿ ನೇಮಕಾತಿ ನಡೆಯಲಿದೆ. 15 ದಿನಗಳಲ್ಲಿ ಅಧಿಕಾರ ವಹಿಸಿಕೊಳ್ಳುವಂತೆ ವಿಶ್ವವಿದ್ಯಾಲಯ ಸೂಚನೆ ನೀಡಿದೆ.

             ಪ್ರಿಯಾ ಅವರಿಗೆ ಸಾಕಷ್ಟು ವಿದ್ಯಾರ್ಹತೆ ಇದೆ ಎಂದು ನಿನ್ನೆ ಹೈಕೋರ್ಟ್ ಆದೇಶ ನೀಡಿತ್ತು. ಈ ಹಿನ್ನೆಲೆಯಲ್ಲಿ ಕಣ್ಣೂರು ವಿವಿ ನೇಮಕಾತಿ ಆದೇಶ ಹೊರಡಿಸಲಾಗಿದೆ. ಅಸೋಸಿಯೇಟ್ ಪ್ರೊಫೆಸರ್ ಹುದ್ದೆಯ ಮೇಲೆ ನೇಮಕಾತಿಯಾಗಿದೆ.

            ಏತನ್ಮಧ್ಯೆ, ಕಣ್ಣೂರು ವಿವಿ ಸಹಾಯಕ ಪ್ರಾಧ್ಯಾಪಕರಾಗಿ ಪ್ರಿಯಾ ವರ್ಗೀಸ್ ಅವರ ನೇಮಕಾತಿಯನ್ನು ಎತ್ತಿಹಿಡಿದ ಹೈಕೋರ್ಟ್ ತೀರ್ಪಿನ ವಿರುದ್ಧ ಯುಜಿಸಿ ಸುಪ್ರೀಂ ಕೋರ್ಟ್‍ಗೆ ಮೊರೆ ಹೋಗಲಿದೆ. ಇದಕ್ಕಾಗಿ ಯುಜಿಸಿ ಕಾನೂನು ಸಲಹೆ ಕೇಳಿತ್ತು. ವಿಭಾಗೀಯ ಪೀಠದ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸುವುದು ಯುಜಿಸಿ ಪಡೆದಿರುವ ಕಾನೂನು ಸಲಹೆ.

          ಹೈಕೋರ್ಟಿನ ವಿಭಾಗೀಯ ಪೀಠವು ಸಂಶೋಧನಾ ಅವಧಿ ಮತ್ತು ಎನ್‍ಎಸ್‍ಎಸ್ ಕೆಲಸದ ಅವಧಿಯನ್ನು ಬೋಧನಾ ಅವಧಿ ಎಂದು ಪರಿಗಣಿಸಿ ಪ್ರಿಯಾ ವರ್ಗೀಸ್ ಪರವಾಗಿ ತೀರ್ಪು ನೀಡಿತು. ಇದು 2018 ರ ಸಹ ಪ್ರಾಧ್ಯಾಪಕರ ನೇಮಕಾತಿಗೆ ಸಂಬಂಧಿಸಿದ ಯುಜಿಸಿ ನಿಯಮಗಳ ವಿಭಾಗವನ್ನು ಅಪ್ರಸ್ತುತಗೊಳಿಸುತ್ತದೆ ಎಂಬುದು ಕಾನೂನು ಸಲಹೆಯಾಗಿದೆ. ಈ ಹಿನ್ನೆಲೆಯಲ್ಲಿ ಯುಜಿಸಿ ಮೇಲ್ಮನವಿ ಸಲ್ಲಿಸಲು ನಿರ್ಧರಿಸಿದೆ.