‘ಅತಿಥಿ’ಗಳ ದೌರ್ಜನ್ಯ ಸಣ್ಣದಲ್ಲ: ಕೇರಳ ಹತ್ಯೆ ಪ್ರಕರಣಗಳಲ್ಲಿ 159 ರಾಜ್ಯೇತರ ಕಾರ್ಮಿಕರು: ಆರೋಪ

                    ತಿರುವನಂತಪುರಂ: ಸಾಮಾಜಿಕ ಭದ್ರತೆಯ ಕುರಿತು ಚರ್ಚೆ ನಡೆಸಿದಾಗ ಕೇರಳ ಸಮಾಜವು ಉತ್ತರ ಭಾರತದತ್ತ ಬೊಟ್ಟು ಮಾಡುತ್ತದೆ.

                    ಸಾಕ್ಷರತೆಯಿಂದ ಸಮೃದ್ಧವಾಗಿರುವ ಕೇರಳದಲ್ಲಿ ವರದಿಯಾಗಿರುವ ಅಪರಾಧ ಪ್ರಕರಣಗಳಲ್ಲಿ ಸಾವನ್ನಪ್ಪಿದ ಮಕ್ಕಳ ಸಂಖ್ಯೆ ದಿಗ್ಭ್ರಮೆಗೊಳಿಸುವಂತಿದೆ. ಕಳೆದ ಏಳು ವರ್ಷಗಳಲ್ಲಿ ಕೇರಳದಲ್ಲಿ 214 ಮಕ್ಕಳು ಸಾವನ್ನಪ್ಪಿದ್ದಾರೆ ಎಂದು ಅಂಕಿಅಂಶಗಳು ಸೂಚಿಸುತ್ತವೆ. ಕೇರಳ ಪೋಲೀಸರು ಬಿಡುಗಡೆ ಮಾಡಿರುವ ವರದಿಗಳ ಪ್ರಕಾರ ಮಕ್ಕಳ ಮೇಲಿನ ದೌರ್ಜನ್ಯದಲ್ಲಿ ಭಾರೀ ಹೆಚ್ಚಳವಾಗಿದೆ. 2016ರಿಂದ ಮೇ 2023ರವರೆಗೆ ರಾಜ್ಯದಲ್ಲಿ ಮಕ್ಕಳ ಮೇಲಿನ ದೌರ್ಜನ್ಯ ಪ್ರಕರಣಗಳ ಸಂಖ್ಯೆ 31,364 ರಷ್ಟಿದೆ. ಈ ಪೈಕಿ 9,604 ಮಕ್ಕಳು ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗಿದ್ದಾರೆ.

                      ಕೇರಳದ ದಕ್ಷಿಣದ ಗಡಿ ಪಾರಶಾಲಾದಿಂದ ಉತ್ತರ ಗಡಿ ಮಂಜೇಶ್ವರ ವರೆಗೆ ‘ಅತಿಥಿ’ಗಳಾಗಿ ವಾಸಿಸುತ್ತಿರುವ ರಾಜ್ಯೇತರ ಕಾರ್ಮಿಕರು ಸಾಮಾಜಿಕ ಭದ್ರತೆಯ ಮೇಲೆ ಹೆಚ್ಚಿನ ಪ್ರಮಾಣದಲ್ಲಿ ಪರಿಣಾಮ ಬೀರುತ್ತಿದ್ದಾರೆ ಎಂದು ಅಂಕಿಅಂಶಗಳು ಸೂಚಿಸುತ್ತವೆ. 2016ರಿಂದ 2022ರವರೆಗೆ ರಾಜ್ಯದಲ್ಲಿ ನಡೆದ 118 ಕೊಲೆ ಪ್ರಕರಣಗಳಲ್ಲಿ 159 ರಾಜ್ಯೇತರ ಕಾರ್ಮಿಕರು ಆರೋಪಿಗಳಾಗಿದ್ದಾರೆ. ರಾಜ್ಯಕ್ಕೆ ಆಗಮಿಸುವ ಅನ್ಯಭಾಷಿಕರ ಅಪರಾಧ ಹಿನ್ನೆಲೆಯ ತನಿಖೆಯಲ್ಲಿ ಪೋಲೀಸರು ಮತ್ತು ಗೃಹ ಇಲಾಖೆ ಗಣನೀಯ ವೈಫಲ್ಯ ಕಂಡಿದೆ ಎಂದು ಆರೋಪಿಸಲಾಗಿದೆ. ಪೋಲೀಸ್ ಠಾಣೆಗಳಲ್ಲಿ ವಲಸೆ ಕಾರ್ಮಿಕರ ನೋಂದಣಿಗಳಿವೆ ಎಂದು ಹೇಳುತ್ತಿದ್ದರೂ ನಿಖರವಾದ ಅಂಕಿಅಂಶಗಳು ಲಭ್ಯವಿಲ್ಲ.

                     ಕೇರಳದ ಎರ್ನಾಕುಳಂ ಜಿಲ್ಲೆಯಲ್ಲಿ ಅತಿ ಹೆಚ್ಚು ರಾಜ್ಯೇತರ ಕಾರ್ಮಿಕರಿದ್ದಾರೆ. ಇವರಲ್ಲಿ ಬಾಂಗ್ಲಾದೇಶೀಯರೂ ಇದ್ದಾರೆ ಎಂದು ವರದಿಯಾಗಿದೆ. 2016ರಲ್ಲಿ ಪೆರುಂಬಾವೂರಿನಲ್ಲಿ ಹೊರರಾಜ್ಯದ ಕಾರ್ಮಿಕರ ಹಿಂಸಾಚಾರದಿಂದ ಕಾನೂನು ವಿದ್ಯಾರ್ಥಿಯೊಬ್ಬ ಸಾವನ್ನಪ್ಪಿದ್ದ. ಅದೇ ಪೆರುಂಬವೂರ್ ಕೇರಳದ ವಿದೇಶಿ ಕಾರ್ಮಿಕರ ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತದೆ ಎಂಬುದು ಗಮನಾರ್ಹ. ಇತರ ರಾಜ್ಯಗಳಿಂದ ಕೇರಳದಲ್ಲಿ ನೆಲೆಸಿರುವ ಅನೇಕರು ಗಂಭೀರ ಅಪರಾಧಿಗಳು ಎಂದು ಹಲವು ಪ್ರಕರಣಗಳು ಸೂಚಿಸುತ್ತವೆ. ರಾಜ್ಯದಲ್ಲಿ ಅನೇಕರು ನಕಲಿ ಗುರುತಿನ ಚೀಟಿಯೊಂದಿಗೆ ಸೈಬರ್ ವಂಚನೆ ಮೂಲಕ ಆಗಮಿಸುತ್ತಾರೆ ಎಂಬ ಟೀಕೆಯೂ ಇದೆ. ಇದರಿಂದ ಕ್ರಿಮಿನಲ್ ಗಳು, ಡ್ರಗ್ ಮಾಫಿಯಾಗಳಿಗೆ ಕೇರಳ ಸುರಕ್ಷಿತ ತಾಣವಾಗುತ್ತಿದೆ ಎಂಬ ಆರೋಪವೂ ಕೇಳಿ ಬರುತ್ತಿದೆ. ಬೇರೆ ರಾಜ್ಯಗಳಿಂದ ಉದ್ಯೋಗಾಕಾಂಕ್ಷಿಗಳ ನಿಜವಾದ ಗುರುತಿನ ದಾಖಲೆಗಳನ್ನು ಪರಿಶೀಲಿಸಿ ಖಚಿತಪಡಿಸಿಕೊಳ್ಳಲು ಕಠಿಣ ಕಾನೂನು ವ್ಯವಸ್ಥೆಯ ಅಸಮರ್ಪಕತೆ ಇದೆ ಎಂದು ಆರೋಪಿಸಲಾಗಿದೆ.

                ಗುಲಾಟಿ ಇನ್‍ಸ್ಟಿಟ್ಯೂಟ್ ಆಫ್ ಫೈನಾನ್ಸ್ ಅಂಡ್ ಟ್ಯಾಕ್ಸೇಶನ್ 2013ರಲ್ಲಿ ನಡೆಸಿದ ಸಮೀಕ್ಷೆಯ ಪ್ರಕಾರ ಕೇರಳದಲ್ಲಿ 25 ಲಕ್ಷ ರಾಜ್ಯೇತರ ಕಾರ್ಮಿಕರಿದ್ದಾರೆ. 2021 ರ ಯೋಜನಾ ಮಂಡಳಿಯ ಅಂದಾಜಿನ ಪ್ರಕಾರ, ಕೇರಳದಲ್ಲಿ 34 ಲಕ್ಷ ರಾಜ್ಯೇತರ ಕಾರ್ಮಿಕರಿದ್ದಾರೆ. ಕರೋನಾ ಹರಡುವಿಕೆಯಿಂದಾಗಿ, ಅನ್ಯರಾಜ್ಯ ಕಾರ್ಮಿಕರು ತಂಡೋಪತಂಡವಾಗಿ ಮನೆಗೆ ಮರಳಿದರು. ಬಳಿಕ ಅವರಲ್ಲಿ ಬಹಳಷ್ಟು ಮಂದಿ ಮರಳಿದೆ. ಹಲವು ಹೊಸ ಕಾರ್ಮಿಕರು ಸೇರಿಕೊಂಡಿದ್ದರಿಂದ ಸದಸ್ಯರ ಸಂಖ್ಯೆ ಹೆಚ್ಚಿರಬಹುದು ಎಂದು ನಂಬಲಾಗಿದೆ.