ಹರಿಯಾಣದಲ್ಲಿ ಅವಿವಾಹಿತರಿಗೆ ಮಾಸಿಕ ₹2750 ಭತ್ಯೆ

               ಚಂಡೀಗಢ: ಹರಿಯಾಣ ಸರ್ಕಾರವು ಅವಿವಾಹಿತರಿಗೆ ಮಾಸಿಕ ₹ 2750 ಭತ್ಯೆ ನೀಡುವ ಯೋಜನೆಯನ್ನು ಜಾರಿಗೆ ತಂದಿದೆ.

                ವಾರ್ಷಿಕ ₹ 1.80 ಲಕ್ಷಕ್ಕಿಂತ ಕಡಿಮೆ ಆದಾಯ ಇರುವ 45 -60 ವಯಸ್ಸಿನ ಅವಿವಾಹಿತರಿಗೆ ಈ ಯೋಜನೆ ಅನ್ವಯವಾಗಲಿದೆ.

                 ಈ ಯೋಜನೆಯನ್ನು ಗುರುವಾರ ಮುಖ್ಯಮಂತ್ರಿ ಮನೋಹರ ಲಾಲ್‌ ಖಟ್ಟರ್‌ ಅವರು ಘೋಷಣೆ ಮಾಡಿದ್ದು, 'ವಾರ್ಷಿಕ ₹ 1.80 ಲಕ್ಷಕ್ಕಿಂತ ಕಡಿಮೆ ಆದಾಯ ಹೊಂದಿರುವ, 45-60 ವರ್ಷದ ಅವಿವಾಹಿತ ಮಹಿಳೆಯರು ಹಾಗೂ ಪುರುಷರಿಗೆ ಮಾಸಿಕವಾಗಿ ₹ 2,750 ನೀಡಲಾಗುತ್ತದೆ ಎಂದು ಹೇಳಿದರು.

                ಅಲ್ಲದೇ ವಾರ್ಷಿಕ ಆದಾಯ ₹ 3 ಲಕ್ಷಕ್ಕಿಂತ ಕಡಿಮೆ ಇರುವ ಇರುವ 40-60 ವರ್ಷದೊಳಗಿನ ವಿಧವೆಯರೂ ಕೂಡ ಇಷ್ಟೇ ಮೊತ್ತದ ಭತ್ಯೆ ಪಡೆಯಲಿದ್ದಾರೆ.

ಈ ಹೊಸ ಯೋಜನೆಯಿಂದಾಗಿ ಸರ್ಕಾರಕ್ಕೆ ಹೆಚ್ಚುವರಿ ₹ 240 ಕೋಟಿ ಹೊರೆಯಾಗಲಿದೆ.

ಈ ಯೋಜನೆಯಿಂದಾಗಿ ಸುಮಾರು 65,000 ಅವಿವಾಹಿತರಿಗೆ ಹಾಗೂ 5,687 ವಿಧವೆಯರಿಗೆ ಈ ಯೋಜನೆಯಿಂದ ಲಾಭವಾಗಲಿದೆ.

                    'ಈ ಹಣದಿಂದ ಅವರಿಗೆ ತಮ್ಮ ವೈಯಕ್ತಿಕ ಖರ್ಚುಗಳು ನಿಭಾಯಿಸಲು ಉಪಯೋಗವಾಗಲಿದೆ. ಕಡಿಮೆ ಆದಾಯ ಇರುವವರಿಗೆ ಘನತೆಯುಕ್ತ ಬದುಕು ಸಾಗಿಸಲು ನೆರವಾಗಲಿದೆ' ಎಂದು ಖಟ್ಟರ್‌ ಹೇಳಿದ್ದಾರೆ.