ಚಂದ್ರನ ಅಂಗಳಕ್ಕೆ ನೆಗೆಯಲು ಉಡಾವಣೆಗೆ ಸಜ್ಜಾಗುತ್ತಿದೆ ಮಾರ್ಕ್‌-3

               ಶ್ರೀಹರಿಕೋಟಾ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೊ)ಯ ಮಹತ್ವಾಕಾಂಕ್ಷೆಯ ಚಂದ್ರಯಾನ-3 ಯೋಜನೆಗೆ ಸಿದ್ಧತೆಗಳು ಭರದಿಂದ ಸಾಗಿದ್ದು, ಉಡಾವಣಾ ವಾಹನ ಮಾರ್ಕ್‌-3 (ಜಿಎಸ್‌ಎಲ್‌ವಿ ಎಂಕೆ-3)ದ ಜೋಡಣಾ ಕಾರ್ಯ ನಡೆದಿದೆ.

               ಇಲ್ಲಿನ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಲ್ಲಿ ಬೃಹತ್ ಉಡಾವಣಾ ವಾಹನಕ್ಕೆ ಇಂಧನ ಪೂರೈಸುವ ಭಾಗವನ್ನು ಅಳವಡಿಸುವ ಕಾರ್ಯವನ್ನು ತಂತ್ರಜ್ಞರು ನಡೆಸಿದರು.

                  ಭೂಮಿಯ ಏಕೈಕ ನೈಸರ್ಗಿಕ ಉಪಗ್ರಹ ಚಂದ್ರನ ಮೇಲೆ ನೌಕೆಯನ್ನು ಇಳಿಸುವ ಚಂದ್ರಯಾನ 3 ಜುಲೈ 13ರಂದು ಆರಂಭವಾಗಲಿದೆ. ಇದು ಚಂದ್ರಯಾನ-2ರ ಮುಂದುವರಿದ ಭಾಗವಾಗಿದೆ. ಇದರ ಪ್ರಗತಿಯನ್ನು ಇಸ್ರೊ ತನ್ನ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದೆ.

ಒಟ್ಟು 3900 ಕೆ.ಜಿ. ತೂಕದ ನೌಕೆ ಇದಾಗಿದೆ.