ಹೈಕೋರ್ಟ್‍ಗೆ ಹಾಜರಾದ ಕೆ.ಎಸ್.ಆರ್.ಟಿ.ಸಿ. ಸಿಎಂಡಿ ಬಿಜು ಪ್ರಭಾಕರ್: ಟೀಕೆ ತಪ್ಪಿಸಲು 70 ಕೋಟಿ ಮಂಜೂರು ಮಾಡಿದ ಸರ್ಕಾರ

                ತಿರುವನಂತಪುರ: ಕೆಎಸ್‍ಆರ್‍ಟಿಸಿಯಲ್ಲಿ ವೇತನ ಮತ್ತು ಪಿಂಚಣಿ ಸ್ಥಗಿತಗೊಳಿಸಿರುವುದನ್ನು ವಿರೋಧಿಸಿ ಕಾರ್ಮಿಕ ಸಂಘಟನೆಗಳು ಸಲ್ಲಿಸಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಎಂಡಿ ಬಿಜುಪ್ರಭಾಕರ್ ಇಂದು ಹೈಕೋರ್ಟ್‍ಗೆ ಹಾಜರಾದರು. 

                     ನ್ಯಾಯಾಲಯದ ಆದೇಶದಂತೆ ವೇತನ ವಿತರಣೆ ಜಾರಿಯಾಗದಿದ್ದರೆ   20ರೊಳಗೆ(ಇಂದು ಕೊನೇದಿನ) ನ್ಯಾಯಾಲಯಕ್ಕೆ ಹಾಜರಾಗುವಂತೆ ಸಿಎಂಡಿಗೆ ಸೂಚನೆ ನೀಡಿದರು. ಇದರಿಂದಾಗಿ ಇಂದು ಹೈಕೋರ್ಟ್ ಗೆ ಬಿಜು ಪ್ರಭಾಕರ್ ಹಾಜರಾಗಿದ್ದಾರೆ. ಕಳೆದ ತಿಂಗಳ ವೇತನದ ಮೊದಲ ಕಂತನ್ನು ಮಾತ್ರ ಇದೇ 15ರಂದು ವಿತರಿಸಲಾಗಿದೆ. ಎರಡು ತಿಂಗಳ ಪಿಂಚಣಿ ಕೂಡ ಬಾಕಿ ಇದೆ.

             ಪಿಂಚಣಿದಾರರ ಸಂಘ ಸಲ್ಲಿಸಿರುವ ನ್ಯಾಯಾಂಗ ನಿಂದನೆ ಅರ್ಜಿಗೆ ಬಿಜು ಪ್ರಭಾಕರ್ ಇಂದು ಆನ್‍ಲೈನ್‍ನಲ್ಲಿ ಹಾಜರಾದರು.  ವೇತನ ವಿತರಣೆಗೆ ಮುಂಗಡ ಬಾಡಿಗೆ ಸೇರಿದಂತೆ ಹಣಕಾಸು ಇಲಾಖೆಯಿಂದ 80 ಕೋಟಿ ರೂ.ಗಳನ್ನು ಪಾವತಿಸುವಂತೆ ಕೆಎಸ್ ಆರ್ ಟಿಸಿ ಬೇಡಿಕೆ ಇಟ್ಟಿದೆ. ಈ ಪೈಕಿ 40 ಕೋಟಿ ರೂ. ಬಂದರೆ ವೇತನ ವಿತರಣೆ ಪೂರ್ಣಗೊಳಿಸಲು ಸಾಧ್ಯವಾಗುತ್ತದೆ. ಈ ಬಗ್ಗೆ ಹಣಕಾಸು ಇಲಾಖೆ ಇನ್ನೂ ನಿರ್ಧಾರ ಕೈಗೊಂಡಿಲ್ಲ.

                   ಸಹಕಾರಿ ಇಲಾಖೆ ಹಾಗೂ ಹಣಕಾಸು ಇಲಾಖೆ ನಡುವಿನ ವಿವಾದವೇ ಪಿಂಚಣಿ ವಿತರಣೆ ಸಮಸ್ಯೆಗೊಳಗಾಗಲು ಕಾರಣವಾಗಿದೆ. ಪಿಂಚಣಿ ವಿತರಣೆಯನ್ನು ಸಹಕಾರಿ ಬ್ಯಾಂಕ್‍ಗಳು ಮಾಡುತ್ತವೆ. ಇದನ್ನು ಬಡ್ಡಿ ಸಮೇತ ಹಣಕಾಸು ಇಲಾಖೆ ಬ್ಯಾಂಕ್‍ಗಳಿಗೆ ರವಾನಿಸುತ್ತದೆ. ಸಹಕಾರಿ ಇಲಾಖೆ ಬಡ್ಡಿ ದರ ಹೆಚ್ಚಿಸುವಂತೆ ಒತ್ತಾಯಿಸಿದಾಗ ಪಿಂಚಣಿ ವಿತರಣೆ ಸ್ಥಗಿತಗೊಂಡಿತ್ತು. ಈ ನಿಟ್ಟಿನಲ್ಲಿ ಹಣಕಾಸು ಇಲಾಖೆ ಹಾಗೂ ಸಹಕಾರ ಇಲಾಖೆ ನಡುವೆ ಚರ್ಚೆ ನಡೆದು ಯಾವುದೇ ನಿರ್ಧಾರಕ್ಕೆ ಬರದ ಹಿನ್ನೆಲೆಯಲ್ಲಿ ಕೆಎಸ್‍ಆರ್‍ಟಿಸಿ ಮೂಲಕವೇ ಪಿಂಚಣಿ ವಿತರಣೆ ಮಾಡಲು ನಿರ್ಧರಿಸಲಾಯಿತು. ಆದರೆ ಸರ್ಕಾರದ ಆರ್ಥಿಕ ಸಂಕಷ್ಟದಿಂದ ಅದೂ ಸ್ಥಗಿತಗೊಂಡಿತ್ತು. ಪಿಂಚಣಿ ಸಂಘಟನೆಗಳು ಎರಡು ತಿಂಗಳೊಳಗೆ ಸರ್ಕಾರದ ವಿರುದ್ಧ 6 ಅರ್ಜಿಗಳನ್ನು ಸಲ್ಲಿಸಿದವು.

                           ಇಂದು ಸಿಎಂಡಿ ಹೈಕೋರ್ಟ್ ಗೆ  ಹಾಜರಾಗುತ್ತಿರುವ ಮಧ್ಯೆ ನಿನ್ನೆ ಪಿಂಚಣಿ ವಿತರಣೆಗೆ ಸರಕಾರ 70 ಕೋಟಿ ರೂ.ಬಿಡುಗಡೆಗೊಳಿಸಿದೆ. ಇನ್ನೆರಡು ದಿನಗಳಲ್ಲಿ ವಿತರಿಸಲಾಗುವುದು ಎಂದು ಸಿಎಂಡಿ ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ. ಆಗಲೂ ನೌಕರರ ಒಂದು ತಿಂಗಳ ಪಿಂಚಣಿ ಹಾಗೂ ಅರ್ಧ ವೇತನ ತಡೆ ಹಿಡಿಯಲಾಗುವುದು. ಪಿಂಚಣಿದಾರರು ಸಲ್ಲಿಸಿರುವ ಅರ್ಜಿಗೆ ಹಾಜರಾಗುವಂತೆಯೂ ನ್ಯಾಯಾಲಯ ಮುಖ್ಯ ಕಾರ್ಯದರ್ಶಿಗೆ ಸೂಚಿಸಿದೆ.