ನ್ಯಾಯ ಕೇಳುವವರಿಗೆ ಧರ್ಮ ಅಡ್ಡಿಯಾಗಬಾರದು: ತ್ರಿವಳಿ ತಲಾಖ್ ನಿಷೇಧದ ಬಳಿಕ ಮುಸ್ಲಿಮರಲ್ಲಿ ವಿಚ್ಛೇದನ ಪ್ರಮಾಣ 96 ಪ್ರತಿಶತದಷ್ಟು ಕಡಿಮೆಯಾಗಿದೆ: ಆರಿಫ್ ಮುಹಮ್ಮದ್ ಖಾನ್

                     ನವದೆಹಲಿ: ನ್ಯಾಯ ಕೇಳುವಾಗ ಮೊದಲು ಧರ್ಮ ಹೇಳಬೇಕಾದ ವಿಚಿತ್ರ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಹೇಳಿರುವರು.

                     ಏಕರೂಪ ನಾಗರಿಕ ಸಂಹಿತೆಗೆ ಸಂಬಂಧಿಸಿದ ಸಮಾವೇಶವನ್ನು ಉದ್ದೇಶಿಸಿ ಅವರು ಮಾತನಾಡಿದರು.

                      2019 ರಲ್ಲಿ ತ್ರಿವಳಿ ತಲಾಖ್ ಅನ್ನು ಶಿಕ್ಷಾರ್ಹ ಅಪರಾಧವನ್ನಾಗಿ ಮಾಡಿದ ನಂತರ ಮುಸ್ಲಿಮರಲ್ಲಿ ವಿಚ್ಛೇದನ ಪ್ರಮಾಣವು 96 ಪ್ರತಿಶತದಷ್ಟು ಕಡಿಮೆಯಾಗಿದೆ. ಮತ್ತು ಇದು ಮಹಿಳೆಯರಿಗೆ ಮತ್ತು ಮಕ್ಕಳಿಗೆ ಪ್ರಯೋಜನವನ್ನು ನೀಡಿದೆ. ಪ್ರತಿಯೊಬ್ಬರಿಗೂ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸುವ ಹಕ್ಕಿದೆ. ಕಾನೂನು ಆಯೋಗ ಸಲಹೆಗಳನ್ನು ಕೇಳಿದೆ. ಅಲ್ಲದೆ, ಬರುವ ಎಲ್ಲಾ ಪ್ರಸ್ತಾವನೆಗಳು ಕಾನೂನು ಆಯೋಗ ಮತ್ತು ಸರ್ಕಾರದಿಂದ ಸಂಪೂರ್ಣ ಗಮನ ಸೆಳೆಯುತ್ತವೆ. ಬ್ರಿಟಿಷ್ ಆಡಳಿತಗಾರರು ತಮ್ಮ ತಮ್ಮ ಧರ್ಮಗಳಿಗೆ ಸಂಬಂಧಿಸಿದ ಕಾನೂನುಗಳನ್ನು ಜಾರಿಗೆ ತರಲು ನಿರ್ಧರಿಸಿದರು ಎಂದು ಅವರು ಹೇಳಿದರು.

                       "ಒಬ್ಬ ನ್ಯಾಯ ಕೇಳಿದಾಗ ಮೊದಲು ಹೇಳುವುದು ಅವನ ಧರ್ಮ ಮತ್ತು ಅವನು ಯಾವ ಸಮುದಾಯಕ್ಕೆ ಸೇರಿದವನು ಎಂಬುದು. ಹಾಗಾದರೆ ಕಾನೂನಿನ ಮುಂದೆ ಸಮಾನತೆ? ಕಾನೂನಿನ ಸಮಾನ ರಕ್ಷಣೆ? ಎಂದಿಗೂ ಇಲ್ಲ. ಇಬ್ಬರು ಮಹಿಳೆಯರು ನ್ಯಾಯಾಲಯಕ್ಕೆ ಹೋಗುತ್ತಾರೆ, ಇದೇ ಪ್ರಕರಣದಲ್ಲಿ ಇಬ್ಬರಿಗೂ ವಿಭಿನ್ನ ನ್ಯಾಯ ಸಿಗುತ್ತದೆ. ಏಕೆಂದರೆ ಅವರು ಬೇರೆ ಬೇರೆ ಧಾರ್ಮಿಕ ಹಿನ್ನೆಲೆಗೆ ಸೇರಿದವರಾಗಿದ್ದಾರೆ.ಇಂದಿನ ಯುಗದಲ್ಲಿ ಇದನ್ನು ಹೇಗೆ ಒಪ್ಪಿಕೊಳ್ಳಲು ಸಾಧ್ಯ ಎಂದು ಆರಿಫ್ ಮುಹಮ್ಮದ್ ಖಾನ್ ಕೇಳಿರುವರು. ಈ ನಿಟ್ಟಿನಲ್ಲಿ ಸಮಾನ ನಾಗರಿಕ ಸಂಹಿತೆ ತುರ್ತು ಅಗತ್ಯ" ಎಂದವರು ತಿಳಿಸಿದರು.