ಪ್ರಧಾನಿ ಮೋದಿ ನಾಯಕತ್ವದಲ್ಲಿ ಭಾರತಕ್ಕೆ ಹೊಸ ಗುರುತು: ಆದಿತ್ಯನಾಥ್

                ವಾರಾಣಸಿ: ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತಕ್ಕೆ ಹೊಸ ಗುರುತನ್ನು ನೀಡಿದ್ದಾರೆ ಮತ್ತು ಕಳೆದ ಒಂಬತ್ತು ವರ್ಷಗಳಲ್ಲಿ ದೇಶವು ಪ್ರತಿಯೊಂದು ರಂಗದಲ್ಲೂ ಯಶಸ್ಸಿನ ಕಥೆಗಳನ್ನು ಬರೆದಿದೆ ಎಂದು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಶುಕ್ರವಾರ ಹೇಳಿದ್ದಾರೆ.

               ನಗರದ ವಾಜಿದ್‌ಪುರದಲ್ಲಿ ಪ್ರಧಾನಿಯವರು 29 ಯೋಜನೆಗಳಿಗೆ ಶಂಕುಸ್ಥಾಪನೆ ನೆರವೇರಿಸಿದರು. ಈ ವೇಳೆ ಸ್ವಾಗತ ಭಾಷಣ ಮಾಡಿದ ಆದಿತ್ಯನಾಥ್‌, ಅಂತರರಾಷ್ಟ್ರೀಯ ಮಟ್ಟದಲ್ಲಿ ತಮಗೆ ಹೆಚ್ಚಿನ ಜವಾಬ್ದಾರಿಗಳಿದ್ದರೂ, ಪವಿತ್ರ ನಗರ ವಾರಣಾಸಿಗೆ ಭೇಟಿ ನೀಡುವುದನ್ನು ಮೋದಿ ವಿರೋಧಿಸಲು ಸಾಧ್ಯವಿಲ್ಲ ಏಕೆಂದರೆ ಇಲ್ಲಿನ ಜನರು ಅವರ ಹೃದಯದಲ್ಲಿದ್ದಾರೆ ಎಂದು ಹೇಳಿದರು.

              'ಕಳೆದ ಒಂಬತ್ತು ವರ್ಷಗಳಲ್ಲಿ, ಪ್ರಧಾನಿ ದೇಶಕ್ಕೆ ಹೊಸ ಗುರುತನ್ನು ನೀಡುವಲ್ಲಿ ಕೆಲಸ ಮಾಡಿದ್ದಾರೆ, ಇಂದು ಅವರು ಆ ಯಶಸ್ಸನ್ನು ಆಚರಿಸಲು ಕಾಶಿಗೆ ಬಂದಿದ್ದಾರೆ' ಎಂದು ತಿಳಿಸಿದರು.

'ಕಾಶಿ ವಿಶ್ವನಾಥ ಧಾಮ ಇಡೀ ಜಗತ್ತನ್ನು ಆಕರ್ಷಿಸುತ್ತಿದೆ. ದೇವಾಲಯಗಳು ಮತ್ತು ಘಾಟಿಗಳನ್ನು ಅಲಂಕರಿಸಲಾಗುತ್ತಿದೆ. ಶಾಂಘೈ ಸಹಕಾರ ಸಂಸ್ಥೆಯು 2022-23ರಲ್ಲಿ ಕಾಶಿಯನ್ನು ವಿಶ್ವದ ಸಾಂಸ್ಕೃತಿಕ ರಾಜಧಾನಿಯಾಗಿ ಗುರುತಿಸಿದೆ' ಎಂದು ಆದಿತ್ಯನಾಥ್‌ ಹೇಳಿದರು.

               ಭಾರತವು ಪ್ರತಿಯೊಂದು ರಂಗದಲ್ಲೂ ಹೊಚ್ಚಹೊಸ ಯಶೋಗಾಥೆಯನ್ನು ಬರೆದಿದೆ. ಭಾರತ ಮತ್ತು ಉತ್ತರ ಪ್ರದೇಶದ ಕಡೆಗೆ ಪ್ರಪಂಚದ ದೃಷ್ಟಿಕೋನವು ಪ್ರಧಾನಿ ಮೋದಿಯವರ ನಾಯಕತ್ವದಲ್ಲಿ ಬದಲಾಗಿದೆ ಎಂದು ಅವರು ತಿಳಿಸಿದರು.

                ಕೇಂದ್ರ ಸಚಿವರಾದ ಮಹೇಂದ್ರ ನಾಥ್‌ ಪಾಂಡೆ ಮತ್ತು ಎಸ್‌ಪಿ ಸಿಂಗ್‌ ಬಘೇಲ್‌, ಉತ್ತರ ಪ್ರದೇಶದ ಉಪ ಮುಖ್ಯಮಂತ್ರಿಗಳಾದ ಕೇಶವ್‌ ಪ್ರಸಾದ್‌ ಮೌರ್ಯ ಮತ್ತು ಬ್ರಿಜೇಶ್‌ ಪಾಠಕ್‌, ರಾಜ್ಯದ ನಗರಾಭಿವೃದ್ದಿ ಮತ್ತು ಇಂಧನ ಸಚಿವ ಎ. ಕೆ ಶರ್ಮಾ, ಸಚಿವರಾದ ರವೀಂದ್ರ ಜೈಸ್ವಾಲ್‌, ದಯಾಶಂಕರ್‌ ಮಿಶ್ರಾ ದಯಾಳು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.