ಚಿತ್ರ ಕಲಾವಿದ ನಂಬೂದರಿ ನಿಧನ

                 ಮಲಪ್ಪುರಂ: 'ಖ್ಯಾತ ಕಲಾವಿದ ಕೆ.ಎಂ.ವಾಸುದೇವನ್‌ ನಂಬೂದರಿ (98) ಅವರು ಗುರುವಾರ ರಾತ್ರಿ ನಿಧನರಾಗಿದ್ದಾರೆ' ಎಂದು ಅವರ ಕುಟುಂಬದ ಮೂಲಗಳು ತಿಳಿಸಿವೆ.

                   ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರು ಕೊಟ್ಟಕ್ಕಲ್‌ ಬಳಿಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ದಾಖಲಾಗಿದ್ದರು.

                 ನಂಬೂದರಿ ಅವರು ಕೇವಲ ಚಿತ್ರ ಕಲಾವಿದ ಅಷ್ಟೇ ಅಲ್ಲದೆ, ದಶಕಗಳ ಕಾಲ ಸಾಹಿತ್ಯ, ರೇಖಾ ಚಿತ್ರ ಕ್ಷೇತ್ರದಲ್ಲೂ ಕೆಲಸ ಮಾಡಿ ಉತ್ತಮ ಕಲಾವಿದರೆಂದು ಗುರುತಿಸಿಕೊಂಡಿದ್ದರು. ಶಿಲ್ಪಕಲೆಯಲ್ಲೂ ಪರಿಣಿತರಾಗಿದ್ದ ಅವರು, ಚಲನಚಿತ್ರಗಳ ಕಲಾ ನಿರ್ದೇಶಕರಾಗಿಯೂ ಕೆಲಸ ಮಾಡಿದ್ದರು.