ಭಾರತೀಯ ರೂಪಾಯಿ ಬಳಕೆಗೆ ಹಿಂಜರಿಕೆ ಇಲ್ಲ: ಶ್ರೀಲಂಕಾ

                ಕೊಲಂಬೊ: 'ಶ್ರೀಲಂಕಾವು ಭಾರತದ ರೂಪಾಯಿಯನ್ನು ಸಾಮಾನ್ಯ ಕರೆನ್ಸಿಯಾಗಿ ಅಮೆರಿಕದ ಡಾಲರ್‌ನಂತೆ ಬಳಸುವುದನ್ನು ಎದುರು ನೋಡಲು ಬಯಸುತ್ತದೆ' ಎಂದು ಅಧ್ಯಕ್ಷ ರನಿಲ್ ವಿಕ್ರಮಸಿಂಘೆ ಹೇಳಿದ್ದಾರೆ.

               ನವದೆಹಲಿಗೆ ಮೊದಲ ಅಧಿಕೃತ ಭೇಟಿ ಕೈಗೊಳ್ಳಲಿರುವ ಕೆಲವು ದಿನಗಳ ಮೊದಲು, ಈ ವಾರ ಇಲ್ಲಿ ನಡೆದ 'ಇಂಡಿಯನ್ ಸಿಇಒ ಫೋರಂ' ಉದ್ದೇಶಿಸಿ ಮಾತನಾಡಿದ ದೇಶದ ಹಣಕಾಸು ಸಚಿವರೂ ಆದ ರನಿಲ್‌ ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

              'ಜಪಾನ್, ಕೊರಿಯಾ ಮತ್ತು ಚೀನಾದಂತಹ ದೇಶಗಳನ್ನು ಒಳಗೊಂಡಂತೆ ಪೂರ್ವ ಏಷ್ಯಾವು 75 ವರ್ಷಗಳ ಹಿಂದೆ ಗಮನಾರ್ಹ ಬೆಳವಣಿಗೆ ಕಂಡಂತೆಯೇ, ಈಗ ಹಿಂದೂ ಮಹಾಸಾಗರದ ಪ್ರದೇಶದಲ್ಲಿ ಭಾರತದ ಸರದಿ ಇದಾಗಿದೆ' ಎಂದು ವಿಕ್ರಮಸಿಂಘೆ ಬಣ್ಣಿಸಿದರು.

                      ರನಿಲ್‌ ಅವರು ಮುಂದಿನ ವಾರ ನವದೆಹಲಿಗೆ ಭೇಟಿ ನೀಡುವ ನಿರೀಕ್ಷೆ ಇದೆ.