ಮರುನಾಡನ್ ವಿರುದ್ಧ ಪೋಲೀಸ್ ಕ್ರಮ ಟೀಕಿಸಿದ ಹೈಕೋರ್ಟ್: 'ಯಾವ ಆಧಾರದಲ್ಲಿ ಪೋನ್ ವಶಪಡಿಸಿಕೊಳ್ಳಲಾಗಿದೆ, ಪತ್ರಕರ್ತರ ಮೂಲಭೂತ ಹಕ್ಕುಗಳನ್ನು ಉಲ್ಲಂಘನೆ: ಕೇರಳ ಹೈಕೋರ್ಟ್

                ಎರ್ನಾಕುಳಂ: ಮರುನಾಡನ್ ವಿರುದ್ಧ ಪೋಲೀಸ್ ಕ್ರಮವನ್ನು ಹೈಕೋರ್ಟ್ ಟೀಕಿಸಿದೆ. ಪ್ರಕರಣದಲ್ಲಿ ಆರೋಪಿಯಲ್ಲದ ಮಾಧ್ಯಮ ಕಾರ್ಯಕರ್ತರ ಪೋನ್ ವಶಪಡಿಸಿಕೊಳ್ಳುವ ಪ್ರಕ್ರಿಯೆಯನ್ನು ನ್ಯಾಯಾಲಯ ಟೀಕಿಸಿದೆ.

              ಆರೋಪಿಗಳಲ್ಲದವರ ಪೋನ್ ಅನ್ನು ಯಾವ ಆಧಾರದ ಮೇಲೆ ವಶಪಡಿಸಿಕೊಳ್ಳಲಾಗಿದೆ ಎಂದು ನ್ಯಾಯಾಲಯವು ಪೋಲೀಸರನ್ನು ಕೇಳಿದೆ. ಪತ್ರಕರ್ತರ ಮೂಲಭೂತ ಹಕ್ಕುಗಳ ಉಲ್ಲಂಘನೆಯಾಗಿರುವುದನ್ನು ಗಮನಿಸಿದ ನ್ಯಾಯಾಲಯ, ತಕ್ಷಣವೇ ಪೋನ್ ಹಸ್ತಾಂತರಿಸುವಂತೆ ಪೋಲೀಸರಿಗೆ ಸೂಚಿಸಿದೆ.

             ಆರೋಪಿಯಲ್ಲದ ವ್ಯಕ್ತಿಯನ್ನು ಬಂಧಿಸಲು ಹೇಗೆ ಸಾಧ್ಯ ಎಂದು ಹೈಕೋರ್ಟ್ ಪೋಲೀಸರನ್ನು ಪ್ರಶ್ನಿಸಿದೆ. ಕಾರ್ಯವಿಧಾನಗಳನ್ನು ಅನುಸರಿಸದೆ ಮೊಬೈಲ್ ಪೋನ್‍ಗಳನ್ನು ವಶಪಡಿಸಿಕೊಳ್ಳಬೇಡಿ. ಮಾಧ್ಯಮ ಕಾರ್ಯಕರ್ತರು ಪ್ರಜಾಪ್ರಭುತ್ವದ ನಾಲ್ಕನೇ ಸ್ತಂಭ. ಪೋಲೀಸರ ವೈಫಲ್ಯದಿಂದ ಪ್ರಕರಣದ ಪ್ರಮುಖ ಆರೋಪಿ ಶಾಜನ್ ಸ್ಕಾರಿಯಾನನ್ನು ಹಿಡಿಯಲು ಸಾಧ್ಯವಾಗಿಲ್ಲ. ಈ ರೀತಿ ಎಲ್ಲ ಮಾಧ್ಯಮ ಕಾರ್ಯಕರ್ತರ ಮೊಬೈಲ್ ಪೋನ್ ಗಳನ್ನು ವಶಪಡಿಸಿಕೊಳ್ಳುತ್ತೀರಾ ಎಂದು ಕೋರ್ಟ್ ಕೇಳಿದೆ.

                 ಜುಲೈ 4 ರಂದು ಮರುನಾಡನ್ ಮಲಯಾಳಿ ವೆಬ್ ಚಾನೆಲ್ ಕಚೇರಿ ಮೇಲೆ ಪೋಲೀಸರು ದಾಳಿ ನಡೆಸಿ ಕಂಪ್ಯೂಟರ್ ಮತ್ತು ಕ್ಯಾಮೆರಾಗಳನ್ನು ವಶಪಡಿಸಿಕೊಂಡಿದ್ದರು. 25 ಕಂಪ್ಯೂಟರ್‍ಗಳು ಮತ್ತು ನಾಲ್ಕು ಲ್ಯಾಪ್‍ಟಾಪ್‍ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಅಲ್ಲದೆ, ಜೀನಾಸ್ ಅವರ ಮನೆಗಳು ಮತ್ತು ಮಾಲೀಕ ಶಾಜನ್ ಸ್ಕಾರಿಯಾಗೆ ಸಂಬಂಧಿಸಿದ ವ್ಯಕ್ತಿಗಳನ್ನು ಶೋಧಿಸಿ ಪೋನ್‍ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಮಾಧ್ಯಮ ಕಾರ್ಯಕರ್ತ ವಿಶಾಖಾನ್ ಸಲ್ಲಿಸಿದ್ದ ಅರ್ಜಿಯಲ್ಲಿ ನ್ಯಾಯಾಲಯ ಪೆÇಲೀಸರನ್ನು ತೀವ್ರವಾಗಿ ಟೀಕಿಸಿದೆ.

              ಶಾಸಕ ಪಿ.ವಿ. ಶ್ರೀನಿಜಿನ್ À ನೀಡಿದ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲಿಸಿಕೊಂಡ ಪೋಲೀಸರು ಈ ಕ್ರಮ ಕೈಗೊಂಡಿದ್ದಾರೆ. ಸಂಸ್ಥೆಯ ಮಾಲೀಕ ಶಾಜನ್ ವಿರುದ್ಧ ಭಾರತೀಯ ದಂಡ ಸಂಹಿತೆಯ ವಿವಿಧ ವಿಭಾಗಗಳ ಅಡಿಯಲ್ಲಿ ಪರಿಶಿಷ್ಟ ಜಾತಿಗಳ ಮೇಲಿನ ದೌರ್ಜನ್ಯ ತಡೆಗೆ ಪ್ರಕರಣ ದಾಖಲಿಸಲಾಗಿದೆ.

.