ಮಣಿಪುರ ಘಟನೆ : ಕೆಥೋಲಿಕ್ ಸಭಾ ನೇತೃತ್ವದಲ್ಲಿ ಕಯ್ಯಾರಿನಲ್ಲಿ ಪ್ರತಿಭಟನೆ

                   ಉಪ್ಪಳ: ಮಣಿಪುರದಲ್ಲಿ ನಡೆಯುತ್ತಿರುವ ಹಿಂಸೆ ಮತ್ತು  ದೌರ್ಜನ್ಯ ದ ಖಂಡಿಸಿ ಕೆಥೋಲಿಕ್ ಸಭಾ ನೇತೃತ್ವದಲ್ಲಿ ಕಯ್ಯಾರ್ ಕ್ರಿಸ್ತ ರಾಜ ಚರ್ಚ್ ಪರಿಸರದಲ್ಲಿ ಭಾನುವಾರ ಮೌನ ಪ್ರತಿಭಟನೆ  ನಡೆಯಿತು. 

            ಸಂತ್ರಸ್ತ ಮಣಿಪುರ ಜನತೆಗೆ ಸೌಹಾರ್ದ ಬೆಂಬಲ ವಾಗಿ ನಡೆದ ಪ್ರತಿಭಟನೆಯಲ್ಲಿ ನೂರಾರು ಮಂದಿ ಪಾಲ್ಗೊಂಡಿದ್ದರು. 

             ಧರ್ಮಗುರು ಫಾದರ್ ವಿಶಾಲ್  ಮೋನಿಸ್, ಕೆಥೋಲಿಕ್ ಸಭಾ ಅಧ್ಯಕ್ಷ ಪ್ರವೀಣ್ ಪ್ರಕಾಶ್ ಕ್ರಾಸ್ತ, ಪಾಲನಾ ಸಮಿತಿ ಉಪಾಧ್ಯಕ್ಷ  ರೋಶನ್ ಡಿ ಸೋಜ, ಕಾರ್ಯದರ್ಶಿ ಝೀನಾ ಮೊದಲಾದವರು ಉಪಸ್ಥಿತರಿದ್ದರು. ಮಂಗಳೂರು ಧರ್ಮಪ್ರಾಂತ್ಯಕ್ಕೊಳಪಟ್ಟ  ಚರ್ಚ್ ಗಳಲ್ಲಿ  ಕೆಥೋಲಿಕ್ ಸಭಾ ಕೇಂದ್ರ ಸಮಿತಿ ನೇತೃತ್ವದಲ್ಲಿ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿತ್ತು.