ನಾಳೆಯಿಂದ ಪ್ಲಸ್ ಒನ್ ತರಗತಿಗಳು ಆರಂಭ: ಸಭೆ ನಡೆಸಿದ ಸಚಿವರು

                 ತಿರುವನಂತಪುರಂ; ನಾಳೆ ಪ್ಲಸ್ ಒನ್ ತರಗತಿಗಳು ಪ್ರಾರಂಭವಾಗಲಿದ್ದು, ಸಚಿವ ವಿ ಶಿವನ್‍ಕುಟ್ಟಿ ಅವರು ಅಧಿಕಾರಿಗಳ ಸಭೆ ಕರೆದಿದ್ದಾರೆ.

            ಹೈಯರ್ ಸೆಕೆಂಡರಿ ಪ್ರಾದೇಶಿಕ ಉಪನಿರ್ದೇಶಕರು, ವಿಎಚ್‍ಎಸ್‍ಇ ಸಹಾಯಕ ನಿರ್ದೇಶಕರು ಮುಂತಾದವರ ಸಭೆಯನ್ನು ಕರೆಯಲಾಯಿತು.

           ಪ್ಲಸ್ ಒನ್ ಪ್ರವೇಶದ ಮುಖ್ಯ ಹಂತದ ಎಲ್ಲಾ ಮೂರು ಹಂಚಿಕೆಗಳು ಪೂರ್ಣಗೊಂಡಿವೆ. ಹೈಯರ್ ಸೆಕೆಂಡರಿಯಲ್ಲಿ 46 ವಿಷಯ ಸಂಯೋಜನೆಯಲ್ಲಿ 57 ವಿಷಯಗಳು ಅಧ್ಯಯನಕ್ಕೆ ಲಭ್ಯವಿವೆ.Éನ್.ಎಸ್.ಕ್ಯು.ಎಫ್ ಪ್ರಕಾರ ವೊಕೇಶನಲ್ ಹೈಯರ್ ಸೆಕೆಂಡರಿಯಲ್ಲಿ ಹೊಸ ಕೋರ್ಸ್‍ಗಳು ಬಂದಿವೆ.

           ಶಾಲಾ, ಪ್ರಾಂಶುಪಾಲರು ಮತ್ತು ತರಗತಿಯ ಪ್ರಭಾರ ಶಿಕ್ಷಕರ ದೂರವಾಣಿ ಸಂಖ್ಯೆಯನ್ನು ವಿದ್ಯಾರ್ಥಿಗಳಿಗೆ ನೀಡಬೇಕು. ಇದರೊಂದಿಗೆ ತರಗತಿಯ ಪ್ರಭಾರ ಶಿಕ್ಷಕರು ಮೊದಲ ದಿನವೇ ತರಗತಿಯಲ್ಲಿರುವ ವಿದ್ಯಾರ್ಥಿಗಳ ಪೋಷಕರ ದೂರವಾಣಿ ಸಂಖ್ಯೆಯನ್ನು ಸಂಗ್ರಹಿಸಿ ಇಟ್ಟುಕೊಳ್ಳಬೇಕು.               ವಿದ್ಯಾರ್ಥಿ ತರಗತಿಗೆ ಬಾರದಿದ್ದರೆ ಪೋಷಕರಿಗೆ ಮಾಹಿತಿ ನೀಡುವಂತೆಯೂ ಸೂಚಿಸಲಾಗಿದೆ. ಪ್ರಧಾನ ಕಾರ್ಯದರ್ಶಿ ರಾಣಿ ಜಾರ್ಜ್ ಐಎಎಸ್, ಸಾರ್ವಜನಿಕ ಶಿಕ್ಷಣ ನಿರ್ದೇಶಕ ಶಾನವಾಸ್, ಶೈಕ್ಷಣಿಕ ಜಂಟಿ ನಿರ್ದೇಶಕ ಸುರೇಶ್ ಕುಮಾರ್, ವಿಎಚ್‍ಎಸ್‍ಇ ಉಪ ನಿರ್ದೇಶಕಿ ಸಿಂಧು ಮತ್ತಿತರರು ಸಭೆಯಲ್ಲಿ ಭಾಗವಹಿಸಿದ್ದರು.