ಮಕ್ಕಳ ಸಹಾಯವಾಣಿ ರಾಜ್ಯಗಳಿಗೆ ಹಸ್ತಾಂತರ: ಸ್ಮೃತಿ ಇರಾನಿ

              ಭೋಪಾಲ್‌: ಮಕ್ಕಳ ಸಹಾಯವಾಣಿಯನ್ನು ರಾಜ್ಯಗಳಿಗೆ ಹಸ್ತಾಂತರಿಸಲಾಗುವುದು ಎಂದು ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಅವರು ಭಾನುವಾರ ಹೇಳಿದ್ದಾರೆ.

              ಇಲ್ಲಿ ಹಮ್ಮಿಕೊಂಡಿದ್ದ ವಿಚಾರ ಸಂಕಿರಣವೊಂದರಲ್ಲಿ ಮಾತನಾಡಿದ ಅವರು, 'ತೊಂದರೆಗೆ ಸಿಲುಕುವವರು ಮಾಡುವ ಕರೆಗಳನ್ನು ಸ್ಥಳೀಯ ಪೊಲೀಸ್‌ ಠಾಣೆಗಳಲ್ಲಿ ಸ್ವೀಕರಿಸಿದರೆ, ಸಮಸ್ಯೆಗಳನ್ನು ಶೀಘ್ರ ಪರಿಹರಿಸಲು ಸಾಧ್ಯ' ಎಂದು ತಿಳಿಸಿದ್ದಾರೆ.

              ಮಕ್ಕಳ ಸಹಾಯವಾಣಿ 1098, 24 ಗಂಟೆಗಳೂ ಕಾರ್ಯನಿರ್ವಹಿಸುವ ತುರ್ತು ದೂರವಾಣಿ ಸೇವೆಯಾಗಿದ್ದು, 26 ವರ್ಷಗಳಿಂದ ಮಕ್ಕಳಿಗೆ ನೆರವು ನೀಡುತ್ತಿದೆ.

                ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವಾಲಯದ ಅಧೀನದಲ್ಲಿ ಕಾರ್ಯ ನಿರ್ವಹಿಸುವ ಚೈಲ್ಡ್‌ಲೈನ್ ಇಂಡಿಯಾ ಫೌಂಡೇಶನ್ (ಸಿಐಎಫ್‌) ದೇಶದಾದ್ಯಂತ ಮಕ್ಕಳ ಸಹಾಯವಾಣಿ 1098ರ ಮೇಲ್ವಿಚಾರಣೆ ಮತ್ತು ನಿರ್ವಹಣೆ ಮಾಡುತ್ತಿದೆ.