ಆರ್ಥಿಕ ಬಿಕ್ಕಟ್ಟಿನ ನಡುವೆ ಹೊರೆ ಹೊತ್ತ ಸರ್ಕಾರ: ಮೃತ ಮಾಜಿ ಶಾಸಕರ ಸಾಲ ಇತ್ಯರ್ಥಪಡಿಸಲು ಹಣಕಾಸು ಇಲಾಖೆಯಿಂದ ಹಣ ಪಾವತಿ

                ತಿರುವನಂತಪುರ: ಮಾಜಿ ಶಾಸಕ ದಿ. ಕೆ.ವಿ.ವಿಜಯದಾಸ್ ಅವರ ಆರ್ಥಿಕ ಹೊರೆ  ವಜಾಗೊಳಿಸಲು ಸರ್ಕಾರ ನಿರ್ಧರಿಸಿದ್ದು, ಹಣಕಾಸು ಇಲಾಖೆಯ ಖಾತೆಯಿಂದ 5.45 ಲಕ್ಷ ರೂ. ಪಡೆಯಲಾಗಿದೆ.

              ಈ ಹಿಂದೆ ಮುಖ್ಯಮಂತ್ರಿಗಳ ಪರಿಹಾರ ನಿಧಿಯ ಹಣವನ್ನು ಮೃತ ಶಾಸಕ ಮತ್ತು ರಾಜಕೀಯ ಮುಖಂಡರ ಸಾಲ ಮರು ಪಾವತಿಗೆ ಬಳಸಲಾಗಿದೆ ಎಂಬ ವಿವಾದ ಉಂಟಾಗಿತ್ತು.

            ವಿಜಯದಾಸ್ ಅವರು ಮನೆ ಕಟ್ಟಲು ಪಡೆದ ಸಾಲದಲ್ಲಿ 5.34 ಲಕ್ಷ ಹಾಗೂ ವಾಹನ ಸಾಲದಲ್ಲಿ 11 ಸಾವಿರ ಬಾಕಿಯನ್ನು ಮನ್ನಾ ಮಾಡಲಾಗಿದೆ. ವಿಧಾನಸಭೆ ಸಚಿವಾಲಯದ ಪತ್ರ ಆಧರಿಸಿ ಈ ಕ್ರಮ ಕೈಗೊಳ್ಳಲಾಗಿದೆ. ಪಾಲಕ್ಕಾಡ್ ಕೊಂಗಾಡ್ ಕ್ಷೇತ್ರದಿಂದ ವಿಧಾನಸಭೆಗೆ ಆಯ್ಕೆಯಾಗಿದ್ದ ವಿಜಯದಾಸ್ 2021ರ ಜನವರಿಯಲ್ಲಿ ನಿಧನರಾಗಿದ್ದರು.

              ಮಾಜಿ ಶಾಸಕ ರಾಮಚಂದ್ರನ್ ನಾಯರ್ ಮತ್ತು ಎನ್‍ಸಿಪಿ ನಾಯಕ ಉಳವೂರು ವಿಜಯನ್ ಅವರ ಹೊರೆಯನ್ನು ತೀರಿಸಲು ಮುಖ್ಯಮಂತ್ರಿಗಳ ಪರಿಹಾರ ನಿಧಿಯಿಂದ ಹಣವನ್ನು ಬಳಸಿದ ಪ್ರಕರಣವು ಬಾಕಿ ಇರುವಾಗಲೇ ಸರ್ಕಾರದ ಹೊಸ ನಿರ್ಧಾರವು ಬಂದಿದೆ.