ಹೊಸಂಗಡಿಯಲ್ಲಿ ಅಂಡರ್‍ಪಾಸ್ ಜಲಾವೃತ: ಈಜುಕೊಳ ಸೃಷ್ಟಿ

               ಮಂಜೇಶ್ವರ: ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಭಾರೀ ಮಳೆಗೆ ಹೊಸಂಗಡಿ ನಗರ ಕೇಂದ್ರದ ಅಂಡರ್‍ಪಾಸ್ ಮುಳುಗಡೆಯಾಗಿದೆ.

            ಸುಮಾರು ಮುನ್ನೂರು ಮೀಟರ್ ಭಾಗಶಃ ಪೂರ್ಣಗೊಂಡ ನಿರ್ಮಾಣವು ನೀರಿನಿಂದ ತುಂಬಿದೆ. ಪ್ರಮುಖ ಭಾಗದಲ್ಲಿ ಹತ್ತು ಅಡಿ ಆಳದಲ್ಲಿ ನೀರು ತುಂಬಿದೆ. ಬೃಹತ್ ನೀರಿನ ಅಣೆಕಟ್ಟು ನಿರ್ಮಾಣ ಕಾಮಗಾರಿ ಬಿಕ್ಕಟ್ಟಿಗೆ ಸಿಲುಕಿದೆ.

              ನಿರ್ಮಾಣ ಪ್ರಗತಿ ಮಾತ್ರವಲ್ಲದೆ, ಅಂಡರ್ ಪಾಸ್ ನಿರ್ಮಾಣ ಪೂರ್ಣಗೊಂಡು ತೆರೆದರೂ ಜಲಾವೃತವಾಗುವ ಸಾಧ್ಯತೆ ಇದೆ. ಕಳೆದ ಎರಡು-ಮೂರುಗಳಿಂದ ವ್ಯಾಪಕ ನೀರು ಈ ಅಂಡರ್ ಪಾಸ್ ಒಳಗೆ ಶೇಖರಣೆಯಾಗಿದೆ. ನಿಂತ ನೀರು ಪ್ರಬಲ ಒತ್ತಡದಿಂದ ಕೂಡಿದೆ ಎಂದು ಹೇಳಲಾಗಿದೆ. ಮೇಲಿನ ಭಾಗದಿಂದ ಇಲ್ಲಿಗೆ ನೀರು ಹರಿದು ಬರದಂತೆ ಕೆಲ ಮುನ್ನೆಚ್ಚರಿಕೆ ವಹಿಸಲಾಗಿತ್ತು. ಆದರೆ ಫಲ ನೀಡಿಲ್ಲ. ಸದ್ಯಕ್ಕೆ ಮೋಟರ್ ಅಳವಡಿಸಿ ನೀರು ವಿಲೇವಾರಿಯಲ್ಲದೆ ಬೇರೆ ಮಾರ್ಗವಿಲ್ಲ ಎಂಬ ಸ್ಥಿತಿ ನಿರ್ಮಾಣವಾಗಿದೆ.

             ಕಾಮಗಾರಿ ಪೂರ್ಣಗೊಂಡಿರುವ ಭಾಗದ ತಡೆಗೋಡೆ ಮತ್ತು ರಸ್ತೆಯ ಬಲವರ್ಧಿತ ಮೇಲ್ಮೈಗೆ ಜಲ ತುಂಬಿನಿಂತಿರುವುದು ಅಪಾಯವಾಗಿದೆ. ವಾರದ ಹಿಂದೆ ಸುರಿದ ಅಲ್ಪಸ್ವಲ್ಪ ಮಳೆಗೆ ತೆರೆದಿದ್ದ ಒಂದು ಭಾಗ ಕುಸಿದು ಕಾಮಗಾರಿ ಸ್ಥಗಿತಗೊಂಡಿತ್ತು.

           ಗುತ್ತಿಗೆ ಕಂಪನಿ ಅಧಿಕಾರಿಗಳಿಗೆ ನೀರು ಹರಿಸುವ ಕೆಲಸ ಕಷ್ಟವಾಗಬಹುದು. ಮುಂದಿನ ದಿನಗಳಲ್ಲಿ ಮಳೆಯ ಅಬ್ಬರ ಜೋರಾದರೆ ಏನಾಗಬಹುದು ಎಂಬ ಆತಂಕ ಅಧಿಕಾರಿಗಳನ್ನು ಕಾಡುತ್ತಿದೆ. ಅಂಡರ್ ಪಾಸ್ ನಿರ್ಮಾಣಕ್ಕೆ ಇದು ಸೂಕ್ತ ಸ್ಥಳವಲ್ಲ ಎಂಬ ಆರೋಪಗಳು ಈ ಹಿಂದೆಯೇ ಕೇಳಿಬಂದಿತ್ತು.