'ಕ್ಲೀನ್ ಮೈಂಡ್, ಬ್ರೈಟ್ ಪ್ಯೂಚರ್: ಡ್ರಗ್ ಫ್ರೀ ಕ್ಯಾಂಪಸ್'; ಜೂನಿಯರ್ ರೆಡ್ ಕ್ರಾಸ್ ನಿಂದ ವ್ಯಾಪಕ ಪ್ರಚಾರ ತಂತ್ರ

                ತಿರುವನಂತಪುರಂ: ಶಾಲೆಗಳಲ್ಲಿ ಮಾದಕ ದ್ರವ್ಯ ಮುಕ್ತ ವಾತಾವರಣವನ್ನು ಉತ್ತೇಜಿಸಲು ಜೂನಿಯರ್ ರೆಡ್‍ಕ್ರಾಸ್ 'ಸ್ವಚ್ಛ ಮನಸ್ಸು, ಉಜ್ವಲ ಭವಿಷ್ಯ: ಡ್ರಗ್ ಫ್ರೀ ಕ್ಯಾಂಪಸ್' ಎಂಬ ಸಮಗ್ರ ಅಭಿಯಾನವನ್ನು ಆಯೋಜಿಸಲಿದೆ.

        ಆರೋಗ್ಯಕರ ಕ್ಯಾಂಪಸ್ ಪರಿಸರ ಲಕ್ಷ್ಯವಾಗಿದ್ದು,  ವೈಯಕ್ತಿಕ ಬೆಳವಣಿಗೆ, ಶೈಕ್ಷಣಿಕ ಯಶಸ್ಸು ಮತ್ತು ಒಟ್ಟಾರೆ ಯೋಗಕ್ಷೇಮವನ್ನು ಉತ್ತೇಜಿಸುತ್ತದೆ.

              ಜಾಗೃತಿ ಮೂಡಿಸುವುದು, ಸಮುದಾಯದ ಮೈತ್ರಿಗಳನ್ನು ನಿರ್ಮಿಸುವುದು, ಪೋಷಕ-ವಿದ್ಯಾರ್ಥಿ ಸಹಯೋಗವನ್ನು ಬಲಪಡಿಸುವುದು,  ಅಧ್ಯಾಪಕರು ಮತ್ತು ಸಿಬ್ಬಂದಿಯನ್ನು ಸಬಲೀಕರಣಗೊಳಿಸುವುದು ಮತ್ತು ಸಕಾರಾತ್ಮಕ ವಾತಾವರಣವನ್ನು ಸೃಷ್ಟಿಸುವ ಗುರಿಯನ್ನು ಹೊಂದಿದೆ. ರೆಡ್ ಕ್ರಾಸ್ ಕೇರಳ ಘಟಕದ ಅಧ್ಯಕ್ಷ ರಂಜಿತ್ ಕಾರ್ತಿಕೇಯನ್ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯು ರೂಪುರೇಷೆ ಸಿದ್ಧಪಡಿಸಿದೆ.

            ವಿದ್ಯಾರ್ಥಿಗಳು, ಪೋಷಕರು ಮತ್ತು ಶಿಕ್ಷಕರಿಗೆ ಸಂವಾದಾತ್ಮಕ ಕಾರ್ಯಾಗಾರಗಳು ಮತ್ತು ಸೆಮಿನಾರ್‍ಗಳನ್ನು ನಡೆಸುವುದು, ವಿದ್ಯಾರ್ಥಿಗಳನ್ನು ಮಾದಕವಸ್ತು-ಜಾಗೃತಿ ಏಜೆಂಟ್‍ಗಳಾಗಲು ಸಶಕ್ತಗೊಳಿಸುವುದು, ಪೋಷಕರಿಗೆ ತಿಳಿವಳಿಕೆ ಸೆಷನ್‍ಗಳನ್ನು ಆಯೋಜಿಸುವುದು, ಶಿಕ್ಷಕರು ಮತ್ತು ಸಿಬ್ಬಂದಿಗೆ ಅವರ ಅರಿವಿನ ವಿಸ್ತಾರತೆಗೆ ತರಬೇತಿ ಕಾರ್ಯಾಗಾರಗಳನ್ನು ನಡೆಸುವುದು, ಪೋಸ್ಟರ್‍ಗಳು ಮತ್ತು ಬ್ಯಾನರ್‍ಗಳು ಸೇರಿದಂತೆ ಕ್ಯಾಂಪಸ್‍ನಾದ್ಯಂತ ಜಾಗೃತಿ ಅಭಿಯಾನಗಳನ್ನು ಆಯೋಜಿಸುವುದು. ಮತ್ತು ಮಾದಕ ದ್ರವ್ಯ ಮುಕ್ತ ಕ್ಯಾಂಪಸ್ ಅನ್ನು ನಿರ್ವಹಿಸಲು ಸಕ್ರಿಯವಾಗಿ ಕೊಡುಗೆ ನೀಡುವ ವಿದ್ಯಾರ್ಥಿಗಳನ್ನು ಗುರುತಿಸಲಾಗುವುದು. ವಿವಿಧ ಕಾರ್ಯಕ್ರಮಗಳನ್ನು ಜಾರಿಗೊಳಿಸಲಾಗುವುದು.

              ರೆಡ್‍ಕ್ರಾಸ್ ಉಪಾಧ್ಯಕ್ಷ ಜೋಬಿ ಥಾಮಸ್ ನೇತೃತ್ವದಲ್ಲಿ ಬಿಡುಗಡೆಯಾದ ಹೊಸ ಜಾಗೃತಿ ಲೇಖನವನ್ನು ಎಲ್ಲಾ ಜಿಲ್ಲೆಗಳಲ್ಲಿ ವಿತರಿಸಲಾಗುವುದು. ಜೂನಿಯರ್ ರೆಡ್ ಕ್ರಾಸ್ ರಾಜ್ಯ ಸಂಯೋಜಕರಾಗಿ ಆರ್ ಶಿವನ್ ಪಿಳ್ಳೈ ಮತ್ತು ಜಂಟಿ ಸಂಯೋಜಕರಾಗಿ ಟಿ.ಎಸ್. ಅರುಣ್, ಪಿ. ವಿನೋದ್ ಆಯ್ಕೆಯಾದರು.

                ಕಾರ್ಯದರ್ಶಿ ಆರ್.ಸಂತೋμï ಕುಮಾರ್, ಉಪಾಧ್ಯಕ್ಷ ಜೋಬಿ ಥಾಮಸ್, ಜಿಲ್ಲಾ ಸಂಯೋಜಕ ಬಿನು ಕೆ.ಪವಿತ್ರನ್, ಮುಹಮ್ಮದ್ ಯಾಸಿನ್, ಪ್ರವೀಣ್, ಜಾರ್ಜ್ ಜೇಕಬ್, ಅನಿಲ್ ಕುಮಾರ್, ಟ್ವಿನ್ಸಿ, ಶೇನ್ಸಿ ಅಗಸ್ಟಿನ್, ಸಿಂಧು ಸೈಮನ್, ರೀನಾ, ಮುಹಮ್ಮದ್ ಕೇತದತ್, ಸುಧೀಂದ್ರನ್ ಉಪಸ್ಥಿತರಿದ್ದರು.