ಚಿಕಿತ್ಸೆಯಲ್ಲಿರುವ ರೋಗಿಯನ್ನು ನೋಡಲು ಬಂದವರು ಮಹಿಳಾ ವೈದ್ಯರೊಂದಿಗೆ ಅನುಚಿತ ವರ್ತನೆ: ಹೌಸ್ ಸರ್ಜನ್ ಮೇಲೆ ಹಲ್ಲೆ; ಆರೋಪಿಗಳ ಬಂಧನ

              ಎರ್ನಾಕುಳಂ: ಎರ್ನಾಕುಳಂ ಜನರಲ್ ಆಸ್ಪತ್ರೆಯಲ್ಲಿ ಹೌಸ್ ಸರ್ಜನ್ ಮೇಲೆ ಹಲ್ಲೆ ನಡೆದಿದೆ. ಹೌಸ್ ಸರ್ಜನ್ ಹರೀಶ್ ಮುಹಮ್ಮದ್ ಹಲ್ಲೆಗೊಳಗಾದವರು.

             ನಿನ್ನೆ ಬೆಳಗ್ಗೆ ಈ ಘಟನೆ ನಡೆದಿದೆ. ಮಹಿಳಾ ವೈದ್ಯರ ಅನುಚಿತ ವರ್ತನೆಯನ್ನು ಪ್ರಶ್ನಿಸಿದ್ದಕ್ಕೆ ವೈದ್ಯರಿಗೆ ಥಳಿಸಲಾಗಿದೆ. ಘಟನೆಯಲ್ಲಿ ಮಟ್ಟಂಚೇರಿಯ ಇಬ್ಬರನ್ನು ಪೋಲೀಸರು ಬಂಧಿಸಿದ್ದಾರೆ.

          ಚಿಕಿತ್ಸೆ ಪಡೆಯುತ್ತಿರುವ ರೋಗಿಯನ್ನು ನೋಡಲು ಬಂದವರು ವೈದ್ಯರ ಮೇಲೆ ಹಲ್ಲೆ ನಡೆಸಿದ್ದಾರೆ. ಘಟನೆ ವೇಳೆ ಆರೋಪಿಗಳು ಮದ್ಯದ ಅಮಲಿನಲ್ಲಿದ್ದರು. ಅವರು ಮಹಿಳಾ ವೈದ್ಯರ ದೇಹದ ಮೇಲೆ ಬೀಳಲು ಪ್ರಯತ್ನಿಸುತ್ತಿರುವಾಗ, ಹೌಸ್ ಸರ್ಜನ್ ಮಧ್ಯಪ್ರವೇಶಿಸಿದರು. ಬಳಿಕ ಎರಡು ಗುಂಪುಗಳ ನಡುವೆ ವಾಗ್ವಾದ ನಡೆದಿದೆ.

          ಆಗ ಕ್ಯಾಂಟೀನ್ ನಲ್ಲಿ ಊಟ ಮಾಡುತ್ತಿದ್ದ ವೈದ್ಯರ ಬಳಿ ಬಂದ ಆರೋಪಿಗಳು ಮತ್ತೆ ವೈದ್ಯರೊಂದಿಗೆ ಮಾತಿನ ಚಕಮಕಿ ನಡೆಸಿದ್ದಾರೆ. ನಂತರ ಆರೋಪಿಗಳು ವೈದ್ಯರನ್ನು ಥಳಿಸಿ ನೆಲದ ಮೇಲೆ ಎಸೆದಿದ್ದಾರೆ. ಆಗ ಆರೋಪಿ ಓಡಿ ಹೋಗಿದ್ದಾನೆ. ಆದರೆ ಆರೋಪಿಗಳಲ್ಲಿ ಒಬ್ಬನ ಮೊಬೈಲ್ ಫೆÇೀನ್ ಸ್ಥಳದಲ್ಲೇ ಕಳೆದು ಹೋಗಿತ್ತು. ನಂತರ ಮೊಬೈಲ್ ಪೋನ್ ಕೇಂದ್ರೀಕರಿಸಿ ತನಿಖೆ ನಡೆಸಿದಾಗ ಆರೋಪಿಗಳು ಸಿಕ್ಕಿಬಿದ್ದಿದ್ದಾರೆ.