ತನ್ನನ್ನು ಭ್ರಷ್ಟ ಎಂದು ಬಿಂಬಿಸಲು ಪ್ರಯತ್ನಿಸಲಾಗುತ್ತಿದೆ: ಈಗ ಒಳ್ಳೆಯದಾಗದಿದ್ದರೆ ಕೆಎಸ್‍ಆರ್‍ಟಿಸಿ ಎಂದಿಗೂ ಉತ್ತಮವಾಗುವುದಿಲ್ಲ: ಬಿಜು ಪ್ರಭಾಕರ್

                 ತಿರುವನಂತಪುರ: ತನ್ನನ್ನು ಭ್ರಷ್ಟ ಎಂದು ಬಿಂಬಿಸಲು ಒಂದು ವರ್ಗದ ನೌಕರರು ಪ್ರಯತ್ನಿಸುತ್ತಿದ್ದಾರೆ ಎಂದು ಕೆಎಸ್‍ಆರ್‍ಟಿಸಿ ಸಿಎಂಡಿ ಬಿಜು ಪ್ರಭಾಕರ್ ಹೇಳಿದ್ದಾರೆ.

                   ಈ ವಿಷಯವನ್ನು ಅವರು ಫೇಸ್ ಬುಕ್ ಲೈವ್ ಮೂಲಕ ಹೇಳಿದ್ದಾರೆ.  ನೌಕರರ ಅನೇಕ ಅಜೆಂಡಾಗಳು ಈಡೇರುವುದಿಲ್ಲ ಎಂದು ಮನವರಿಯಾಗಿರುವುದರಿಂದ ಇದೀಗ ತನ್ನನ್ನು ವಿನಾಃ ಕಾರಣ ದೂಷಿಸಲಾಗುತ್ತಿದೆ ಎಂದು ಬಿಜು ಪ್ರಭಾಕರ್ ಹೇಳಿದ್ದಾರೆ.

          ಇಂದಿನಿಂದ ಐದು ದಿನಗಳ ಕಾಲ ಕೆಎಸ್‍ಆರ್‍ಟಿಸಿಯಲ್ಲಿನ ಬಿಕ್ಕಟ್ಟು ಮತ್ತು ಪರಿಹಾರಗಳನ್ನು ಫೇಸ್‍ಬುಕ್ ಮೂಲಕ ಸಾರ್ವಜನಿಕರಿಗೆ ತಿಳಿಸಲಾಗುವುದು ಎಂದು ಬಿಜು ಪ್ರಭಾಕರ್ ಈ ಹಿಂದೆ ಘೋಷಿಸಿದ್ದರು. ಕೆಎಸ್‍ಆರ್‍ಟಿಸಿಯಲ್ಲಿ ಆಗುತ್ತಿರುವ ತೊಂದರೆಗೆ ನಾನು ಹೊಣೆಯಲ್ಲ ಎಂದು ಹೇಳಿದರು.

         ಕೆಎಸ್ ಆರ್ ಟಿಸಿ ಉತ್ತಮವಾಗಬೇಕಾದರೆ ಅಲ್ಲಿ ಕೆಲಸ ಮಾಡುವ ಎಲ್ಲರೂ ಕೆಲಸ ಮಾಡಬೇಕು. ಈಗ ಚೆನ್ನಾಗಿಲ್ಲದಿದ್ದರೆ ಕೆಎಸ್‍ಆರ್‍ಟಿಸಿ ಮುಂದೆ ಎಂದಿಗೂ  ಒಳ್ಳೆಯದಾಗುವುದಿಲ್ಲ ಎಂದು ಬಿಜು ಪ್ರಭಾಕರ್ ಹೇಳಿದರು. ಆದಾಯವಿದ್ದರೂ ಕೆಎಸ್ ಆರ್ ಟಿಸಿ ವೇತನ ನೀಡುತ್ತಿಲ್ಲ ಎಂಬ ಪ್ರಚಾರ ಸುಳ್ಳಲ್ಲ. ನಿಜವಾದ ಸಮಸ್ಯೆಯೆಂದರೆ ಟ್ರೇಡ್ ಯೂನಿಯನ್ ಗಳ  ಹೆಚ್ಚಿನ ಸಂಖ್ಯೆಯ ಜನರು.

         ವೇತನ ತಡೆಹಿಡಿಯುವುದನ್ನು ವಿರೋಧಿಸಿ ಕಾಂಗ್ರೆಸ್ ಪರ ಸಂಘಟನೆ ಸಿಎಂಡಿ ಮನೆ ಎದುರು ಪ್ರತಿಭಟನೆ ನಡೆಸಿತ್ತು. ಧರಣಿ ಮನೆ ತಲುಪಿರುವ ಹಿನ್ನಲೆಯಲ್ಲಿ ಜವಾಬ್ದಾರಿಯಲ್ಲಿ ಮುಂದುವರಿಯುವ ಅಗತ್ಯವಿಲ್ಲ ಎಂದು ಸಿಎಂಡಿ ನಿಲುವು ತಳೆದಿದ್ದಾರೆ. ಬಿಜು ಪ್ರಭಾಕರ್ ತನ್ನನ್ನು  ಸಿಎಂಡಿ ಸ್ಥಾನದಿಂದ ಕೆಳಗಿಳಿಸುವಂತೆ ಸರ್ಕಾರದ ಮುಂದೆ ಬೇಡಿಕೆ ಇಟ್ಟಿದ್ದಾರೆ. ಇಲ್ಲದಿದ್ದಲ್ಲಿ ಆರೋಗ್ಯದ ಕಾರಣ ನೀಡಿ ಮುಂದಿನ ತಿಂಗಳೊಳಗೆ ರಜೆ ಕೋರಿ ಅರ್ಜಿ ಸಲ್ಲಿಸುವ ಚಿಂತನೆ ನಡೆದಿದೆ ಎಂದು ತಿಳಿದುಬಂದಿದೆ.