ಕೊಚ್ಚಿ: ತರಕಾರಿ ಬೆಲೆಗಳು ಗಗನಮುಖವಾಗಿರುವ ಮಧ್ಯೆ ಓಣಂ ಹಬ್ಬದ ಮೊದಲು ಬೇಡಿಕೆ ಹೆಚ್ಚಾಗುವ ಸಾಧ್ಯತೆಯನ್ನು ಪೂರೈಸಲು ನೆರೆಯ ರಾಜ್ಯಗಳಿಂದ ತರಕಾರಿಗಳನ್ನು ಖರೀದಿಸಲು ರಾಜ್ಯ ಸರ್ಕಾರ ನಿರ್ಧರಿಸಿದೆ.
ಈ ಬಗ್ಗೆ ಮಾಹಿತಿ ನೀಡಿರುವ ಕೃಷಿ ಸಚಿವ ಪಿ ಪ್ರಸಾದ್, ಬಿಕ್ಕಟ್ಟನ್ನು ತಗ್ಗಿಸಲು ತಮಿಳುನಾಡು ಮತ್ತು ಕರ್ನಾಟಕ ಸೇರಿದಂತೆ ಇತರ ರಾಜ್ಯಗಳ ತರಕಾರಿ ಉತ್ಪಾದಕರೊಂದಿಗೆ ಈಗಾಗಲೇ ಚರ್ಚೆ ನಡೆಸಲಾಗಿದೆ ಎಂದಿರುವರು.
ಕೆಲವು ವರ್ಷಗಳ ಹಿಂದೆ ನಾವು ಇದೇ ರೀತಿಯ ಸಮಸ್ಯೆಯನ್ನು ಎದುರಿಸಿದ್ದೇವೆ. ಆ ಸಮಯದಲ್ಲಿ, ನಾವು ಹಬ್ಬದ ಸೀಸನ್‍ನಲ್ಲಿ ಬೇಡಿಕೆಯನ್ನು ನಿರ್ವಹಿಸಲು ಟ್ರಕ್‍ನಲ್ಲಿ ತರಕಾರಿಗಳನ್ನು ತರುತ್ತಿದ್ದೆವು. ಕೆಲವು ತರಕಾರಿಗಳ ಬೆಲೆ ಹೆಚ್ಚಾದರೆ, ಓಣಂಗೆ ಮುಂಚಿತವಾಗಿ ಬೇಡಿಕೆಯನ್ನು ಪೂರೈಸಲು ತರಕಾರಿ ಉತ್ಪಾದಕ ಸಂಸ್ಥೆಗಳಿಂದ ನೇರವಾಗಿ ಖರೀದಿಸಲಾಗುವುದು. ಅವರೊಂದಿಗೆ ಈಗಾಗಲೇ ಮಾತುಕತೆ ಮುಗಿದಿದೆ ಎಂದು ಸಚಿವರು ಹೇಳಿದರು.
ಪ್ರಮುಖವಾಗಿ ಇತರ ರಾಜ್ಯಗಳಲ್ಲಿ ಬೆಳೆಯುವ ತರಕಾರಿಗಳ ಬೆಲೆಗಳು, ಬೆಳೆಯುವ ಪ್ರದೇಶಗಳಲ್ಲಿ ಮಳೆಯಿಂದಾಗಿ ಸಾರ್ವಕಾಲಿಕ ಗರಿಷ್ಠ ಬೆಲೆ ದಾಖಲಿಸಿವೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಟೊಮೆಟೊ ಬೆಲೆ ಸುಮಾರು 150 ರೂ.ಗೆ ತಲುಪಿದ್ದು, ಶುಂಠಿಯ ಬೆಲೆ ಕೆಜಿಗೆ 300 ರೂ. 55/ಕೆಜಿಗೆ ಮಾರಾಟವಾಗುತ್ತಿದ್ದ ಹಸಿ ಮೆಣಸು 80-85 ರೂ. ನಡುವೆ ಏರಿಳಿತವಾಗುತ್ತಿದೆ.
DOCTYPE html>
