ತಿರುವನಂತಪುರಂ: ಕೊಲ್ಲಂನಲ್ಲಿ ಕುಡುಕ ದಂಪತಿಗಳು ಅಮಲೇರಿ ಎಸೆದ ಪರಿಣಾಮ ತಲೆಗೆ ಗಂಭೀರ ಗಾಯಗೊಂಡಿದ್ದ ಎರಡು ವರ್ಷ ಹರೆಯದ ಮಗುವನ್ನು ತಿರುವನಂತಪುರಂ ವೈದ್ಯಕೀಯ ಕಾಲೇಜು ರಕ್ಷಿಸಿ ಮಾನವೀಯತೆ ಮೆರೆದಿದೆ.
ಕೋಮಾ ಹಂತಕ್ಕೆ ತಲುಪಿದ ಮಗುವಿಗೆ ಆಸ್ಪತ್ರೆ ಹಾಗೂ ವೈದ್ಯಕೀಯ ಕಾಲೇಜಿನ ವೈದ್ಯರು ತಜ್ಞ ಚಿಕಿತ್ಸೆ ನೀಡಿ ರಕ್ಷಿಸಿದ್ದಾರೆ.
ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಎಸ್‍ಎಟಿಗೆ ಬಂದು ಮಗುವನ್ನು ಭೇಟಿ ಮಾಡಿದರು. ವೀಣಾ ಜಾರ್ಜ್ ಅವರು ಮಾತನಾಡಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯು ಮಗುವಿನ ಆರೈಕೆ ಮತ್ತು ನಂತರದ ಚಿಕಿತ್ಸೆಯನ್ನು ಖಚಿತಪಡಿಸುತ್ತದೆ. ಮಗುವನ್ನು ನೋಡಿಕೊಳ್ಳಲು ಯಾರೂ ಇಲ್ಲದ ಕಾರಣ ಮಕ್ಕಳ ಕಲ್ಯಾಣ ಸಮಿತಿ ಉಸ್ತುವಾರಿ ವಹಿಸಿ ಇಬ್ಬರು ಪಾಲಕರನ್ನು ನಿಯೋಜಿಸಿದೆ. ಆರೈಕೆಯ ನಿರಂತರತೆಯನ್ನು ಖಚಿತಪಡಿಸಿಕೊಳ್ಳಲಾಗುವುದು. ಇನ್ನು ಮಗುವು ಮಕ್ಕಳ ಕಲ್ಯಾಣ ಸಮಿತಿಯ ರಕ್ಷಣೆಯಲ್ಲಿರುತ್ತದೆ ಎಂದು ಸಚಿವರು ತಿಳಿಸಿದರು.
ಈ ತಿಂಗಳ 9 ರಂದು ಮಗು ಗಂಭೀರ ಗಾಯದೊಂದಿಗೆ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಮಗು ಪ್ರಜ್ಞೆ ತಪ್ಪಿದ ಕಾರಣ ಆಸ್ಪತ್ರೆಗೆ ಕರೆತರಲಾಯಿತು. ಕೂಡಲೇ ಮಗುವನ್ನು ಪೀಡಿಯಾಟ್ರಿಕ್ ಐಸಿಯುಗೆ ದಾಖಲಿಸಿ ವೆಂಟಿಲೇಟರ್ ಚಿಕಿತ್ಸೆ ಸೇರಿದಂತೆ ತಜ್ಞರ ಆರೈಕೆಯನ್ನು ನೀಡಲಾಯಿತು. ರಕ್ತಸ್ರಾವ ನಿಯಂತ್ರಣಕ್ಕೆ ಔಷಧ ನೀಡಲಾಯಿತು. ಫಿಟ್ಸ್ ಮತ್ತು ಊತವನ್ನು ತಪ್ಪಿಸಲು ಹೆಚ್ಚಿನ ಕಾಳಜಿಯನ್ನು ತೆಗೆದುಕೊಳ್ಳಲಾಗಿದೆ. ಎರಡೂವರೆ ವಾರಗಳ ತೀವ್ರ ನಿಗಾ ನಂತರ ಮಗು ಚೇತರಿಸಿಕೊಂಡಿದೆ. ಇಂದು ಡಿಸ್ಚಾರ್ಜ್ ಆಗಿದೆ.
ನರಶಸ್ತ್ರಚಿಕಿತ್ಸೆ, ಮಕ್ಕಳ ನರವಿಜ್ಞಾನ, ಮಕ್ಕಳ ಶಸ್ತ್ರಚಿಕಿತ್ಸೆ ಮತ್ತು ಪೀಡಿಯಾಟ್ರಿಕ್ಸ್ ವಿಭಾಗಗಳ ವೈದ್ಯರ ತಂಡವು ಮಗುವಿನ ಚಿಕಿತ್ಸೆಯ ನೇತೃತ್ವ ವಹಿಸಿತ್ತು.
DOCTYPE html>
.jpg)
