ಹಳಿ ತಪ್ಪಿದ ಗೂಡ್ಸ್ ರೈಲು: ಏಳು ರೈಲುಗಳ ಸಂಚಾರ ಸ್ಥಗಿತ

                     ಜೈಪುರ: ಗೂಡ್ಸ್‌ ರೈಲಿನ ಎರಡು ಬೋಗಿಗಳು ಶನಿವಾರ ಬೆಳಗ್ಗೆ ಹಳಿ ತಪ್ಪಿದ ಪರಿಣಾಮ ಕನಿಷ್ಠ ಏಳು ರೈಲುಗಳ ಸಂಚಾರವನ್ನು ಸ್ಥಗಿತಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

                   ಜೈಪುರ-ಮದರ್ ರೈಲ್ವೆ ವಿಭಾಗದ ಅಸಲ್‌ಪುರ ಜೊಬನಾರ್‌ ಮತ್ತು ಹಿರ್ನೋಡ ನಿಲ್ದಾಣಗಳ ನಡುವೆ ಈ ಘಟನೆ ವರದಿಯಾಗಿದೆ.

                ಬೋಗಿಗಳನ್ನು ಹೊರತೆಗೆದು, ಹಳಿಗಳನ್ನು ಸರಿಪಡಿಸುವ ಕಾರ್ಯ ಪ್ರಗತಿಯಲ್ಲಿದೆ. ಹೀಗಾಗಿ ನೈಋತ್ಯ ರೈಲ್ವೆಯು ಜೈಪುರ-ಮರ್ವಾರ್‌, ಜೈಪುರ-ಜೋಧಪುರ, ಜೈಪುರ-ಅಜ್ಮೀರ್‌ ಹಾಗೂ ಜೈಪುರ-ಸೂರತ್‌ಗಢ ಮಾರ್ಗವಾಗಿ ಸಂಚರಿಸುವ ಒಟ್ಟು ಏಳು ರೈಲುಗಳ ಸಂಚಾರವನ್ನು ಶನಿವಾರ ಸ್ಥಗಿತಗೊಳಿದೆ.