UPI ಲೈಟ್ ಪ್ರಾರಂಭಿಸಿದ Google Pay : ನೀವು ತಿಳಿದುಕೊಳ್ಳಬೇಕಾದದ್ದು ಇಷ್ಟು

                

               ಯುಪಿಐ ಪಿನ್ ಅಗತ್ಯವಿಲ್ಲದೇ ತ್ವರಿತ ವಹಿವಾಟುಗಳನ್ನು ಮಾಡಲು ಬಳಕೆದಾರರಿಗೆ ಸಹಾಯ ಮಾಡಲು  Google Pay UPI Lite  ಅನ್ನು ಪ್ರಾರಂಭಿಸಿದೆ.

                        ಯುಪಿಐ ಲೈಟ್ ಖಾತೆಯ ಮೂಲಕ ದಿನಕ್ಕೆ ಎರಡು ಬಾರಿ ರೂ 2,000 ವಹಿವಾಟುಗಳನ್ನು ಮಾಡಬಹುದು. ಒಬ್ಬ ಬಳಕೆದಾರರು ಒಂದು ಬಾರಿಗೆ ರೂ.200 ವರೆಗಿನ ವಹಿವಾಟುಗಳನ್ನು ಮಾಡಬಹುದು.

                Google Pay ಅಪ್ಲಿಕೇಶನ್ ಬಳಕೆದಾರರು ತಮ್ಮ ಪ್ರೊಫೈಲ್ ಪುಟದಿಂದ ಯುಪಿಐ ಲೈಟ್ ಅನ್ನು ಟ್ಯಾಪ್ ಮಾಡುವ ಮೂಲಕ ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸಬಹುದು. ವಹಿವಾಟನ್ನು ಪೂರ್ಣಗೊಳಿಸಲು ಬಳಕೆದಾರರು ಪಿನ್-ಫ್ರೀ ಅನ್ನು ಟ್ಯಾಪ್ ಮಾಡಬೇಕಾಗುತ್ತದೆ. 200 ರೂ.ವರೆಗಿನ ವಹಿವಾಟುಗಳಿಗೆ ಆ್ಯಪ್ ಪ್ರತ್ಯೇಕ ವ್ಯಾಲೆಟ್ ಅನ್ನು ಹೊಂದಿರುತ್ತದೆ. ಯುಪಿಐ ಲೈಟ್ ಅನ್ನು ಸಕ್ರಿಯಗೊಳಿಸಿದಲ್ಲಿ, ರೂ 200 ಕ್ಕಿಂತ ಕಡಿಮೆ ಎಲ್ಲಾ ಪಾವತಿಗಳನ್ನು ಅದರ ಮೂಲಕ ಮಾಡಲಾಗುತ್ತದೆ. ಈ ವಹಿವಾಟುಗಳನ್ನು ನಿರ್ವಹಿಸಲು ಯುಪಿಐ ಪಿನ್ ಅನ್ನು ನಮೂದಿಸುವ ಅಗತ್ಯವಿಲ್ಲ. ಇವು ಸಣ್ಣ ವಹಿವಾಟುಗಳಾಗಿರುವುದರಿಂದ ಬ್ಯಾಂಕ್ ಸ್ಟೇಟ್‍ಮೆಂಟ್ ಅಥವಾ ಪಾಸ್‍ಬುಕ್‍ನಲ್ಲಿ ದಾಖಲಾಗುವುದಿಲ್ಲ.

             ವಾಲೆಟ್‍ಗೆ ಸೇರಿಸಲಾದ ಹಣವನ್ನು ಮಾತ್ರ ವರದಿಯಲ್ಲಿ ಸೇರಿಸಲಾಗುತ್ತದೆ. ಇಂತಹ ವಿಧಾನಗಳು ದೇಶದಲ್ಲಿ ಡಿಜಿಟಲ್ ಪಾವತಿಯ ಅಳವಡಿಕೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ಗೂಗಲ್ ವಿಪಿ ಉತ್ಪನ್ನ ನಿರ್ವಹಣೆಯ ಅಂಬರೀಶ್ ಕೆಂಗೆ ಹೇಳಿರುವರು.