100 ಕೋಟಿ ರೂ. ಚೆಕ್​ ದೇಣಿಗೆಯಾಗಿ ಕೊಟ್ಟ ಭಕ್ತ; ಆಮೇಲಿನ ಸಂಗತಿ ಮೂಡಿಸಿತು ಅಚ್ಚರಿ!

              ಹೈದರಾಬಾದ್​: ದೇವಸ್ಥಾನಕ್ಕೆ ಬಂದಿದ್ದ ಭಕ್ತನೊಬ್ಬ 100 ಕೋಟಿ ರೂ. ಮೊತ್ತ ನಮೂದಿಸಿದ್ದ ಚೆಕ್​ ದೇಣಿಗೆಯಾಗಿ ನೀಡಿದ್ದಾನೆ. ಇದುವರೆಗೆ ಯಾರೂ ಇಷ್ಟೊಂದು ದೊಡ್ಡ ಮೊತ್ತದ ದೇಣಿಗೆ ನೀಡದ್ದರಿಂದ ಅಚ್ಚರಿಗೊಂಡ ದೇವಸ್ಥಾನದ ಆಡಳಿತ ಮಂಡಳಿಗೆ, ಆ ಚೆಕ್ ನಗದೀಕರಿಸಿಕೊಳ್ಳಲು ಹೋಗಿದ್ದಾಗ ಅದಕ್ಕಿಂತಲೂ ದೊಡ್ಡ ಅಚ್ಚರಿ ಉಂಟಾಗಿದೆ.

                 ಆಂಧ್ರಪ್ರದೇಶದ ವಿಶಾಖಪಟ್ಟಣದ ಸಿಂಹಾಚಲಂ ಎಂಬಲ್ಲಿನ ಶ್ರೀ ವರಾಹ ಲಕ್ಷ್ಮೀ ನರಸಿಂಹ ದೇವಸ್ಥಾನದಲ್ಲಿ ಈ ಪ್ರಕರಣ ನಡೆದಿದೆ. ಆರಂಭದಲ್ಲಿ ಈತ ಚೆಕ್​ನಲ್ಲಿ 10 ಎಂಬುದನ್ನಷ್ಟೇ ಬರೆದಿದ್ದು, ಬಳಿಕ ಸೊನ್ನೆಗಳನ್ನು ಸೇರಿಸುತ್ತ ಹೋಗಿದ್ದು, ನೂರು ಕೋಟಿ ರೂ. ಎಂದು ನಮೂದಿಸಿದ್ದಾನೆ. ಹೀಗೆ ಭರ್ಜರಿ ಮೊತ್ತದ ದೇಣಿಗೆಯ ಚೆಕ್ ನೋಡಿ ಆಡಳಿತ ಸಿಬ್ಬಂದಿ ಅಚ್ಚರಿಗೊಂಡಿದ್ದರು.

 

        ಆದರೆ ದೇವಸ್ಥಾನದವರು              ಚೆಕ್​ ನಗದೀಕರಿಸಿಕೊಳ್ಳಲು ಬ್ಯಾಂಕ್​ಗೆ ಹೋಗಿದ್ದಾಗ ಅವರಿಗೆ ಅದಕ್ಕಿಂತ ದೊಡ್ಡ ಅಚ್ಚರಿ ಕಾದಿತ್ತು. ನೂರು ಕೋಟಿ ರೂ. ಮೊತ್ತದ ಚೆಕ್​ ನೀಡಿದ್ದ ಆತನ ಖಾತೆಯಲ್ಲಿ ಇದ್ದಿದ್ದು ಬರೀ 17 ರೂಪಾಯಿ. ಆತ ಉದ್ದೇಶಪೂರ್ವಕವಾಗಿ ಈ ಕೃತ್ಯ ಎಸಗಿದ್ದಾಗಿದ್ದಲ್ಲಿ ಆತನ ವಿರುದ್ಧ ಕಾನೂನುಕ್ರಮ ಕೈಗೊಳ್ಳುವುದಾಗಿ ದೇವಸ್ಥಾನದವರು ತಿಳಿಸಿದ್ದಾರೆ.