ಶಾಲಾ ಕಟ್ಟಡದಿಂದ ಜಿಗಿದ 12ನೇ ತರಗತಿ ವಿದ್ಯಾರ್ಥಿನಿ; ತನಿಖೆ ಆರಂಭ

                  ನವದೆಹಲಿ: 'ಉತ್ತರ ದೆಹಲಿಯ ಸಿವಿಲ್‌ ಲೈನ್ಸ್‌ನಲ್ಲಿರುವ ಶಾಲಾ ಕಟ್ಟಡವೊಂದರ ಮೂರನೇ ಮಹಡಿಯಿಂದ 12ನೇ ತರಗತಿ ವಿದ್ಯಾರ್ಥಿನಿಯೊಬ್ಬಳು ಮಂಗಳವಾರ ಜಿಗಿದಿದ್ದಾಳೆ' ಎಂದು ಪೊಲೀಸರು ತಿಳಿಸಿದ್ದಾರೆ.

                   'ಎಸ್‌ಬಿಬಿಎಂ ಸರ್ವೋದಯ ವಿದ್ಯಾಲಯದ ವಿದ್ಯಾರ್ಥಿನಿ ಬೆಳಿಗ್ಗೆ 11.55ಕ್ಕೆ ಕಟ್ಟಡದಿಂದ ಜಿಗಿದಿದ್ದಾಳೆ.

                  ಆಕೆಯನ್ನು ಸುಶ್ರುತ್‌ ಟ್ರಾಮಾ ಸೆಂಟರ್‌ಗೆ ದಾಖಲಿಸಲಾಗಿದ್ದು, ಆಸ್ಪತ್ರೆ ಅಧಿಕಾರಿಗಳು ಘಟನೆ ಕುರಿತು ಮಾಹಿತಿ ನೀಡಿದ್ದಾರೆ' ಎಂದರು.

                     'ಪ್ರಸ್ತುತ ವಿದ್ಯಾರ್ಥಿನಿಗೆ ಚಿಕಿತ್ಸೆ ನೀಡಲಾಗುತ್ತಿದ್ದು, ತನಿಖೆ ಪ್ರಗತಿಯಲ್ಲಿದೆ' ಎಂದೂ ಅವರು ಹೇಳಿದರು.