ಕ್ಲಿಫ್ ಹೌಸ್ ಕಾವಲಿಗೆ 45 ಹೆಚ್ಚುವರಿ ಪೋಲೀಸರು; ಮುಖ್ಯಮಂತ್ರಿ ಜತೆಗೆ 40 ಪೋಲೀಸರ ನಿಯೋಜನೆ: ಹೆಚ್ಚಿದ ಭದ್ರತೆ

             ತಿರುವನಂತಪುರ: ಕ್ಲಿಫ್ ಹೌಸ್ ಭದ್ರತೆಯನ್ನು ಸರ್ಕಾರ ಹೆಚ್ಚಿಸಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಝಡ್ ಪ್ಲಸ್ ಭದ್ರತಾ ವ್ಯವಸ್ಥೆಗೆ 45 ಹೆಚ್ಚುವರಿ ಪೋಲೀಸರನ್ನು ಸೇರ್ಪಡೆಗೊಳಿಸಲಾಗಿದೆ.

             ಕ್ಲಿಫ್‍ಹೌಸ್ ಭದ್ರತೆಗಾಗಿ ಕೆಎಪಿ 5ನೇ ಬೆಟಾಲಿಯನ್‍ನ ಮೂವರು ಎಸ್‍ಐಗಳು ಸೇರಿದಂತೆ ಹೆಚ್ಚುವರಿ 45 ಮಂದಿಯನ್ನು ನಿಯೋಜಿಸಲಾಗಿದೆ. ಕ್ಲಿಫ್‍ಹೌಸ್ ಮತ್ತು ಅದರ ಸುತ್ತಲಿನ ರಸ್ತೆಗಳಲ್ಲಿ ಪೋಲೀಸರು ಭದ್ರತೆಯನ್ನು ಹೆಚ್ಚಿಸಿದ್ದಾರೆ.

           ಕ್ಲಿಫ್ ಹೌಸ್ ನಲ್ಲಿ ಪೋಲೀಸರು 24 ಗಂಟೆಯೂ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಕ್ಲಿಫ್ ಹೌಸ್‍ನಲ್ಲಿ ಆರ್‍ಆರ್‍ಆರ್‍ಎಫ್ ಬೆಟಾಲಿಯನ್‍ನ 45 ಪೋಲೀಸರು ಮತ್ತು ಐವರು ಇನ್ಸ್‍ಪೆಕ್ಟರ್‍ಗಳು ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಇವರಲ್ಲದೆ 15 ಮಂದಿ ಕಮಾಂಡೋಗಳು ಮತ್ತು 15 ಜನರ ಸಾಮಾನ್ಯ ಸ್ಟ್ರೈಕರ್ ಪಡೆ ಇದೆ. ಮುಖ್ಯಮಂತ್ರಿ ಜೊತೆಗೆ 28 ಕಮಾಂಡೋಗಳು ಸೇರಿದಂತೆ 40 ಪೋಲೀಸರು ಸದಾ ಇರುತ್ತಾರೆ. 

            ಎರಡು ಕಮಾಂಡೋ ವಾಹನಗಳಲ್ಲಿ 10 ಮಂದಿ, ಕ್ಷಿಪ್ರ ತಪಾಸಣಾ ತಂಡದಲ್ಲಿ ಎಂಟು ಮಂದಿ, ಸ್ಟ್ರೈಕರ್ ಪೋರ್ಸ್, ಶ್ವಾನದಳ, ಬಾಂಬ್ ಮತ್ತು ಆಂಬುಲೆನ್ಸ್ ವ್ಯವಸ್ಥೆಗಳನ್ನು ಬಲಪಡಿಸಲಾಗಿದೆ. ಪೈಲಟ್, ಎರಡು ಬೆಂಗಾವಲುಗಳು ಮತ್ತು ಒಂದು ಬಿಡಿ ಕಾರನ್ನು ಸಹ ಹೊಂದಿದೆ. ಮುಖ್ಯಮಂತ್ರಿಗಳ ಕಾರ್ಯಕ್ರಮಗಳಲ್ಲಿ ಕ್ಷಿಪ್ರ ಕಾರ್ಯಾಚರಣೆ ಪಡೆ ಮತ್ತು ಎಸ್‍ಐಎಸ್‍ಎಫ್ ಅನ್ನು ನಿಯೋಜಿಸಲಾಗುತ್ತಿದೆ.