ಲಖನೌ: ಹೆಚ್ಐವಿ ಏಡ್ಸ್ ರೋಗ ಒಂದು ರೆಟ್ರೋ ವೈರಸ್ ಆಗಿದ್ದು, 1930ರ ದಶಕದಲ್ಲಿ ಪಶ್ಚಿಮ ಆಫ್ರಿಕಾದ ಚಿಂಪಾಜಿಗಳಲ್ಲಿ ಮೊದಲು ಕಾಣಿಸಿಕೊಂಡಿತ್ತು. ಈ ರೋಗವು ಚಿಂಪಾಂಜಿಗಳನ್ನು ಬೇಟೆಯಾಡುವ ವೇಳೆ ರಕ್ತ ವರ್ಗಾವಣೆಯ ಮೂಲಕ ಮನುಷ್ಯರಲ್ಲೂ ಸಹ ಕಾಣಿಸಿಕೊಂಡಿತ್ತು.
ನಂತರದ ದಶಕಗಳಲ್ಲಿ ಆಫ್ರಿಕಾ ಸೇರಿದಂತೆ ವಿಶ್ವದ ಇತರೆ ಭಾಗಗಳಲ್ಲೂ ಸಹ ಈ ವೈರಸ್ ಹರಡಲು ಶುರುವಾಯಿತು ಎಂದು ಹೇಳಲಾಗಿದೆ. ಅನೇಕ ಮಹಿಳೆಯರು ಈ ವೈರಸ್ ಸೋಂಕಿಗೆ ಒಳಗಾಗಿದ್ದಾರೆ ಮತ್ತು ಇದು ಗರ್ಭಾವಸ್ಥೆಯಲ್ಲಿ ಮತ್ತು ಹೆರಿಗೆಯ ಸಮಯದಲ್ಲಿ ಶಿಶುಗಳಿಗೆ ವರ್ಗಾವಣೆಯಾಗುತ್ತದೆ.
81 ಮಂದಿಗೆ ಸೋಂಕು
ಇದೀಗ ಘಟನೆಯೊಂದರಲ್ಲಿ 81ಕ್ಕೂ ಹೆಚ್ಚು ಗರ್ಭಿಣಿಯರು ಹೆಚ್ಐವಿ ಏಡ್ಸ್ ಸೋಂಕಿಗೆ ತುತ್ತಾಗಿರುವ ಘಟನೆ ಉತ್ತರಪ್ರದೇಶದ ಮೀರತ್ನಲ್ಲಿ ಬೆಳಕಿಗೆ ಬಂದಿದೆ. ಕಳೆದ 16 ತಿಂಗಳ ಅಂತರದಲ್ಲಿ ಗರ್ಭಿಣಿಯರಲ್ಲಿ ಇದು ಹೆಚ್ಚಾಗಿ ಕಾಣಿಸಿಕೊಂಡಿದೆ. ಆರೋಗ್ಯ ಇಲಾಖೆಯೂ ಈ ಸಂಬಂಧ ಸೋಂಕಿತ ಗರ್ಭಿಣಿಯರ ಮೇಲೆ ತೀವ್ರ ನಿಗಾ ವಹಿಸಿದೆ ಎಂದು ವೈದ್ಯರೊಬ್ಬರು ತಿಳಿಸಿದ್ದಾರೆ.
ಮೀರತ್ನ ಲಾಲಾ ಲಜಪತ್ ರಾಯ್ ಮೆಡಿಕಲ್ ಕಾಲೇಜಿನ ಆಯಂಟಿ ರೆಟ್ರೋ ವೈರಸ್(ATR) ಥೆರಪಿ ಕೇಂದ್ರ ನೀಡಿದ ವರದಿ ಆಧಾರದ ಮೇಲೆ ಗರ್ಭಿಣಿಯರು ಸೋಂಕಿಗೆ ತುತ್ತಾಗಿರುವುದು ಬೆಳಕಿಗೆ ಬಂದಿದೆ. 81 ಗರ್ಭಿಣಿಯರನ್ನು ಆಯಂಟಿ ರೆಟ್ರೋ ಥೆರಪಿಗೆ ಒಳಪಡಿಸಿದಾಗ ಅವರಿಗೆ ಸೋಂಕು ದೃಢಪಟ್ಟಿದೆ.
ಸೂಜಿಗಳಿಂದ ಹರಡಿರಬಹುದು
2022-23ರ ಅವಧಿಯಲ್ಲಿ ಈ ಸೋಂಕು ಮಹಿಳೆಯರಿಗೆ ಹೆಚ್ಚಾಗಿ ತಗುಲಿದ್ದು, ಗರ್ಭಿಣೀಯರಿಗೆ ಹಾಗೂ ಬಾಣಂತಿಯರಿಗೆ ಸರ್ಕಾರದ ವತಿಯಿಂದ ಚಿಕಿತ್ಸೆ ನೀಡಲಾಗುತ್ತಿದೆ. ಜನಿಸಿರುವ ಮಕ್ಕಳಿಗೆ 18ತಿಂಗಳೂ ಪೂರ್ಣಗೊಂಡ ನಂತರ ಹೆಚ್ಐವಿ ಪರೀಕ್ಷೆಗೆ ಒಳಪಡಿಸಲಾಗುವುದು ಎಂದು ನೋಡಲ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಮಹಿಳೆಯರಿಗೆ ಸೋಂಕು ಹೇಗೆ ತಗುಲಿತು ಎಂಬ ಬಗ್ಗೆ ಮಾಹಿತಿ ನಮ್ಮಲಿಲ್ಲ. ಈ ಸಂಬಂಧ ಆರೋಗ್ಯ ಇಲಾಖೆ ವತಿಯಿಂದ ತಂಡ ಒಂದನ್ನು ರಚಿಸಲಾಗಿದ್ದು, ವರದಿ ಬಂದ ನಂತರ ಮುಂದಿನ ಕ್ರಮ ಕೈಗೊಳ್ಳಲಾಗುವುದು. ಸೋಂಕು ಸಂಬೋಗ ಹಾಗೂ ಸರ್ಕಾರಿ ಆಸ್ಪತ್ರೆಗಳಲ್ಲಿ ಚುಚ್ಚುವ ಸೂಜಿಗಳಿಂದ ಹರಡಿರಬಹುದು ಎಂಬ ಶಂಕೆಯಿದೆ ಎಂದು ಜಿಲ್ಲಾ ವೈದ್ಯಾಧಿಕಾರಿ ಅಖಿಲೇಶ್ ಮೋಹನ್ ಪ್ರಸಾದ್ ತಿಳಿಸಿದ್ದಾರೆ.
DOCTYPE html>
.jpg)
