ಇತಿಹಾಸ ಬದಲಿಸಿದ ರಮ್ಲಾ: ದೇವಾಲಯದ ಕಲೆಗೆ ಪಾದಾರ್ಪಣೆ ಮಾಡಿದ ಮೊದಲ ಮುಸ್ಲಿಂ ಮಹಿಳೆ

              ತಿರುವನಂತಪುರಂ: ಆಲಯ ಕಲೆಯ ವೃತ್ತಿಜೀವನಕ್ಕೆ ಪಾದಾರ್ಪಣೆ ಮಾಡಿದ ಮೊದಲ ಮುಸ್ಲಿಂ ಮಹಿಳೆ ಶಿಬಿನಾ ರಮ್ಲಾ ದಾಖಲೆ ನಿರ್ಮಿಸಿದ್ದಾರೆ. ತಿರುವನಂತಪುರಂ ಶ್ರೀಕರಿಯಂ ನಿವಾಸಿ ಶಿಬಿನಾ ರಮ್ಲಾ ಅವರು ನಂಗ್ಯಾರ್‍ಕೂತ್‍ನಲ್ಲಿ ಪಾದಾರ್ಪಣೆ ಮಾಡಿದರು.

                    ಶ್ರೀಕೃಷ್ಣ ಲೀಲಾ ನಂಗ್ಯಾರ್ ಕೂತ್ ನಾಟ್ಯಗೃಹದಲ್ಲಿ ಒಂದು ಗಂಟೆ ಕಾಲ  ಕಿರೀಟ ಧರಿಸಿ ರಮ್ಲಾ ಪ್ರದರ್ಶನ ನೀಡಿದರು. 

            ಬೆಂಗಳೂರಿನಲ್ಲಿ ಎಚ್‍ಆರ್ ಅಸೋಸಿಯೇಟ್ ಆಗಿರುವ ಶಿಬಿನಾ ಮೋಹಿನಿಯಾಟ್ಟಂ ಕೂಡ ಅಧ್ಯಯನ ಮಾಡಿದ್ದಾರೆ. ಶಿಬಿನಾ ನಂಗ್ಯಾರ್‍ಕೂತ್ ಕಲಾವಿದೆ ಮಾರ್ಗಿ ಉಷಾ ಅವರ ಬಳಿ ಆನ್‍ಲೈನ್‍ನಲ್ಲಿ ಅಧ್ಯಯನ ಮಾಡಿದರು. ಬಿಡುವಿಲ್ಲದ ಕೆಲಸದ ಮಧ್ಯೆ ರಾತ್ರಿಯೇ ಅಧ್ಯಯನ ಮಾಡಿದ್ದರು. ಒಂದು ತಿಂಗಳ ಹಿಂದೆ ವಲಿಯಶಾಲಾ ಮಾರ್ಗಿ ಕೊಟ್ಟಾಯಂ ವಿದ್ಯಾಲಯಕ್ಕೆ ಆಗಮಿಸಿ ಗುರು ಉಷಾ ಅವರ ಮಾರ್ಗದರ್ಶನದಲ್ಲಿ ಚೊಚ್ಚಲ ಪ್ರವೇಶಕ್ಕೆ ಸಿದ್ಧತೆ ನಡೆಸಿದ್ದರು.

              ಕಲೆಗೂ ಜಾತಿಗೂ ಧರ್ಮಕ್ಕೂ ಸಂಬಂಧವಿಲ್ಲ ಎಂಬುದು ರಮ್ಲಾ ಅವರ ವಾದ.  ಇತರ ಧರ್ಮದ ಜನರಿಗೆ ಪ್ರವೇಶವನ್ನು ಅನುಮತಿಸುವ ದೇವಾಲಯಗಳಿಗೆ ರಮ್ಲಾ ಪ್ರದರ್ಶನ ನೀಡಲು ಉತ್ಸುಕರಾಗಿದ್ದಾರೆ.  ದೇವಸ್ಥಾನಗಳಲ್ಲಿ ನಂಗ್ಯಾರಕೂತ್ ಪ್ರದರ್ಶಿಸಬೇಕೆಂಬುದು ಶಿಬಿನಾಳ ಆಸೆ.