ಕೆ.ಎಸ್.ಆರ್.ಟಿ.ಸಿ ಬೆಂಗಳೂರಿಗೆ ಅತ್ಯಾಧುನಿಕ ಸೌಲಭ್ಯಗಳ ಬಸ್ ಸಂಚಾರ ಆರಂಭ: ನಿಲ್ದಾಣಗಳು ಮತ್ತು ವೇಳಾಪಟ್ಟಿ ಇಂತಿದೆ

            ತಿರುವನಂತಪುರಂ: ಕೆಎಸ್‍ಆರ್‍ಟಿಸಿ ಅತ್ಯಾಧುನಿಕ ಸೌಲಭ್ಯಗಳೊಂದಿಗೆ ತಿರುವನಂತಪುರದಿಂದ ಬೆಂಗಳೂರಿಗೆ ಸೇವೆ ಆರಂಭಿಸಿದೆ.

          ಹೈಬ್ರಿಡ್ ಹೈಟೆಕ್ ಎಸಿ ಸೀಟರ್ ಕಮ್ ಸ್ಲೀಪರ್ ಬಸ್ಸುಗಳು ಬೆಂಗಳೂರಿಗೆ ಸಂಚಾರ ಆರಂಭಿಸಿವೆ. ಆನ್‍ಲೈನ್ ಕಾಯ್ದಿರಿಸುವಿಕೆಯ ಮೂಲಕ ಟಿಕೆಟ್‍ಗಳನ್ನು ಕಾಯ್ದಿರಿಸಬೇಕು. ಬಸ್‍ನ ವಿಶೇಷತೆಗಳು, ನಿಲ್ದಾಣಗಳು ಮತ್ತು ಸಮಯಗಳನ್ನು ಇಂತಿವೆ.

           ಕೆಎಸ್‍ಆರ್‍ಟಿಸಿಯು ಬಸ್‍ನ ಎಲ್ಲಾ ಸೀಟುಗಳು ಮತ್ತು ಬರ್ತ್‍ಗಳಲ್ಲಿ ಚಾರ್ಜಿಂಗ್ ಸೌಲಭ್ಯ, ಮೊಬೈಲ್ ಪೋನ್ ಇರಿಸಲು ಮೊಬೈಲ್ ಪೌಚ್ ಮತ್ತು ಸಣ್ಣ ಕೈ ಸಾಮಾನುಗಳನ್ನು ಇಡಲು ಲಗೇಜ್ ಸ್ಥಳಾವಕಾಶದಂತಹ ಸೌಲಭ್ಯಗಳನ್ನು ಹೊಸದಾಗಿ ಸಿದ್ಧಪಡಿಸಿದೆ. ಬಸ್ ಸುರಕ್ಷತೆಗಾಗಿ 2 ತುರ್ತು ಬಾಗಿಲುಗಳನ್ನು ಹೊಂದಿದೆ ಮತ್ತು ಎಲ್ಲಾ ನಾಲ್ಕು ಬದಿಗಳಲ್ಲಿ ಎಲ್ಇಡಿ ಡಿಸ್ಪ್ಲೇ ಬೋರ್ಡ್ ಹೊಂದಿದೆ. ಅಲ್ಲದೆ ಆನ್ ಲೈನ್ ಟ್ರ್ಯಾಕಿಂಗ್ ವ್ಯವಸ್ಥೆ ಮತ್ತು ಐ ಅಲರ್ಟ್ ಕೂಡ ಹೊಸ ಬಸ್ ನ ವಿಶೇಷತೆಗಳಾಗಿವೆ.

            ಬಸ್ ತಿರುವನಂತಪುರದಿಂದ ಮಧ್ಯಾಹ್ನ 2:30 ಕ್ಕೆ ಸೇವೆಯನ್ನು ಪ್ರಾರಂಭಿಸುತ್ತದೆ ಮತ್ತು ಮರುದಿನ ಬೆಳಿಗ್ಗೆ 8 ಗಂಟೆಗೆ ಬೆಂಗಳೂರು ತಲುಪುತ್ತದೆ. ಹಿಂದಿರುಗುವ ಬಸ್ ಬೆಂಗಳೂರಿನಿಂದ ಮಧ್ಯಾಹ್ನ 1 ಗಂಟೆಗೆ ಹೊರಟು ಮರುದಿನ ಬೆಳಿಗ್ಗೆ 6:50 ಕ್ಕೆ ತಿರುವನಂತಪುರಂ ತಲುಪುತ್ತದೆ. 2:1 ಆಸನಗಳೊಂದಿಗೆ 27 ಆಸನಗಳು ಮತ್ತು ಹೆಚ್ಚಿನ ಸೌಕರ್ಯಗಳೊಂದಿಗೆ ಅರೆ-ಸ್ಲೀಪರ್ ಆಸನUಳಿದ್ದು,  15 ಸ್ಲೀಪರ್ ಆಸನಗಳಿವೆ.

           ತಿರುವನಂತಪುರಂನಿಂದ ಆರಂಭವಾಗುವ ಬಸ್ ಕೊಟ್ಟಾಯಂ, ತ್ರಿಶೂರ್, ಕೋಝಿಕ್ಕೋಡ್, ಸುಲ್ತಾನ್‍ಬತ್ತೇರಿ ಮತ್ತು ಮೈಸೂರು ಮೂಲಕ ಬೆಂಗಳೂರು ತಲುಪಲಿದೆ. ತಿರುವನಂತಪುರಂ - ಬೆಂಗಳೂರು ಹೈಬ್ರಿಡ್ ಹೈಟೆಕ್ ಎಸಿ ಸೀಟರ್ ಕಮ್ ಸ್ಲೀಪರ್ ಬಸ್ ರಾಜಧಾನಿಯಿಂದ ಮಧ್ಯಾಹ್ನ 02:30 ಕ್ಕೆ ಹೊರಡುತ್ತದೆ ನಂತರ 06:40 - ಕೊಟ್ಟಾಯಂ, 10:25 - ತ್ರಿಶೂರ್, 01:30 - ಕೋಝಿಕ್ಕೋಡ್, 03:45  - ಸುಲ್ತಾನ್ ಬತ್ತೇರಿ, 05:35  - ಮೈಸೂರು, 08:00  - ಬೆಂಗಳೂರಿಗೆ ತಲುಪಲಿದೆ.

             ಬೆಂಗಳೂರು - ತಿರುವನಂತಪುರಂ ಹೈಬ್ರಿಡ್ ಹೈಟೆಕ್ ಎಸಿ ಸೀಟರ್ ಕಮ್ ಸ್ಲೀಪರ್ ಬಸ್ ಮಧ್ಯಾಹ್ನ 01:00 ಗಂಟೆಗೆ ಸೇವೆಯನ್ನು ಪ್ರಾರಂಭಿಸುತ್ತದೆ. 04:00 - ಮೈಸೂರು, 06:20  - ಸುಲ್ತಾನ್ ಬತ್ತೇರಿ, 09:15  - ಕೋಝಿಕ್ಕೋಡ್, 00:25 - ತ್ರಿಶೂರ್ 03:20 - ಕೊಟ್ಟಾಯಂ, 06:50  - ತಿರುವನಂತಪುರಂ ತಲಪಲಿದೆ. ಟಿಕೆಟ್‍ಗಳು www.onlineksrtcswift. com  ಆನ್‍ಲೈನ್ ಮತ್ತು ವೆಬ್‍ಸೈಟ್‍ಗಳ ಮೂಲಕ ಮತ್ತು ಮೊಬೈಲ್ ಅಪ್ಲಿಕೇಶನ್ ente ksrtc, neo oprs ಮೂಲಕ ಲಭಿಸಲಿದೆ.