ಉತ್ತರನ ಪತ್ನಿಯಾಗಿ ಅಭಿನಯಿಸಿದ ಪತ್ತನಂತಿಟ್ಟ ಜಿಲ್ಲಾಧಿಕಾರಿ: 'ಬಹಳ ಆಸೆಯಿಂದ ಈ ಪಾತ್ರ ಮಾಡಿದ್ದೇನೆ'; ದಿವ್ಯಾ ಎಸ್ ಅಯ್ಯರ್

              ಪತ್ತನಂತಿಟ್ಟ: ಪತ್ತನಂತಿಟ್ಟ ಜಿಲ್ಲಾಧಿಕಾರಿ ದಿವ್ಯಾ ಎಸ್.ಅಯ್ಯರ್ ಉತ್ತರ ಕುಮಾರನ ಪತ್ನಿ ವೇಷಧಾರಿಯಾಗಿದ್ದಾರೆ. ಜಿಲ್ಲಾಧಿಕಾರಿಯ ಹೊಸ ಲುಕ್ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ.

           ಇದೀಗ ಕಲೆಕ್ಟರ್ ದಿವ್ಯಾ ಎಸ್ ಅಯ್ಯರ್ ಅವರು ಉತ್ತರ ಪತ್ನಿಯಾಗಿ ವೇದಿಕೆಯಲ್ಲಿ ಕಥಕ್ಕಳಿ ಪ್ರದರ್ಶಿಸಿದ ಸಂತಸವನ್ನು ಹಂಚಿಕೊಂಡಿದ್ದಾರೆ. ಪ್ರಮುಖ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಜಿಲ್ಲಾಧಿಕಾರಿ ಮನಸ್ಸು ಬಿಚ್ಚಿಟ್ಟಿರುವರು. ಪ್ಯಾಶನ್ ಫಾಲೋ ಮಾಡುವುದು ಸುಲಭವಲ್ಲ, ಆದರೆ ತುಂಬಾ ಆಸೆಯಿಂದ ಈ ಪಾತ್ರ ಮಾಡಿದ್ದೇನೆ ಎನ್ನುತ್ತಾರೆ ಕಲೆಕ್ಟರ್ ದಿವ್ಯಾ ಎಸ್ ಅಯ್ಯರ್.

            “ಕಥಕ್ಕಳಿಯಲ್ಲಿ ವೇಶಮಾಡುವುದು ಬಹಳ ಹಿಂದಿನಿಂದಲೂ ನನ್ನ ಬಕೆಟ್ ಲಿಸ್ಟ್‍ನಲ್ಲಿದೆ. ದೆಹಲಿಯಲ್ಲಿ ಒಮ್ಮೆ ಕಥಕ್ಕಳಿ ವೇಷಭೂಷಣ ತೊಟ್ಟಿದ್ದೆ. ನಂತರ ಕಥಕ್ಕಳಿ ಕಾರ್ಯಾಗಾರದಲ್ಲಿ ಭಾಗವಹಿಸಿದ್ದೆ. ಆದರೆ ಪತ್ತನಂತಿಟ್ಟದ ಐರೂರು ಕಥಕ್ಕಳಿ ಗ್ರಾಮದಲ್ಲಿ ಗಂಭೀರವಾಗಿ ಅಧ್ಯಯನ ಮಾಡುವ ಅವಕಾಶ ಸಿಕ್ಕಿತು. ನಾನು ಅಂಬಾಲಸ್ ಮತ್ತು ದೂರದರ್ಶನದಲ್ಲಿ ಕಥಕ್ಕಳಿ ನೋಡಿದ್ದೇನೆ ಮತ್ತು ಕಥಕ್ಕಳಿ ಸಂಗೀತವನ್ನೂ ಕಲಿತಿದ್ದೇನೆ. ಅದನ್ನು ಬಿಟ್ಟರೆ ಹೆಚ್ಚಿನ ಸಂಬಂಧವಿರಲಿಲ್ಲ” ಎಂದಿರುವರು.

          ಆದರೆ ನಾನು ಕೇರಳದಿಂದ ಹೊರಗೆ ಹೋದಾಗ, ಕಥಕ್ಕಳಿ ನಮ್ಮ ದೇಶದ ವಿಶಿಷ್ಟ ಲಕ್ಷಣ ಎಂದು ನಾನು ಅರಿತುಕೊಂಡೆ. ಜಗತ್ತಿನ ಎಲ್ಲೇ ಇರಲಿ, ಕೇರಳ ಎಂದಾಕ್ಷಣ ನೆನಪಿಗೆ ಬರುವುದು ಕಥಕ್ಕಳಿ ಮುಖ. ಆಗ ಕಥಕ್ಕಳಿಯ ಬಗ್ಗೆ ಸ್ವಲ್ಪ ಓದಿದೆ. ಮಸ್ಸೂರಿಯ ಐಎಎಸ್ ಅಕಾಡೆಮಿಯಲ್ಲಿ, ಒಮ್ಮೆ ಕಥಕ್ಕಳಿ ವೇಷಭೂಷಣವನ್ನು ಧರಿಸಿದ್ದೆ.  ಕಲೆ ಮತ್ತು ಸಂಸ್ಕøತಿಯನ್ನು ಇತರರಿಗೆ ಅರ್ಥವಾಗುವಂತೆ ಮಾಡುವುದು ನನ್ನ ಉದ್ದೇಶವಾಗಿತ್ತು. ಸ್ವಲ್ಪ ಕಾಲ ಕಥಕ್ಕಳಿ ಅಧ್ಯಯನ ಮಾಡಿದ್ದೆ ಎಂದು  ಕಲೆಕ್ಟರ್ ದಿವ್ಯಾ ಎಸ್ ಅಯ್ಯರ್ ಹೇಳಿದರು.

           ಪತ್ತನಂತಿಟ್ಟ ಜಿಲ್ಲಾ ಕಥಕ್ಕಳಿ ಕ್ಲಬ್ ಆಶ್ರಯದಲ್ಲಿ ಜಿಲ್ಲೆಯ ಶಾಲೆಗಳಲ್ಲಿ ಆರಂಭಿಸಲಾಗುತ್ತಿರುವ ಸ್ಟೂಡೆಂಟ್ಸ್ ಕಥಕ್ಕಳಿ ಕ್ಲಬ್ ಉದ್ಘಾಟನೆಗೆ ಜಿಲ್ಲಾಧಿಕಾರಿ ದಿವ್ಯಾ ಎಸ್ ಅಯ್ಯರ್ ಅವರು ಕಥಕ್ಕಳಿ ಪ್ರಸ್ತುತಪಡಿಸಿದರು. ಪಥನಂತಿಟ್ಟದ ಮಾರ್ಥೋಮಾ ಸ್ಕೂಲ್ ಸಭಾಂಗಣದಲ್ಲಿ ವೇದಿಕೆ ಕಲ್ಪಿಸಲಾಗಿತ್ತು. 

          ಇರೈಮ್ಮನ್ ತಂಬಿಯವರ ಪ್ರಸಿದ್ಧ ಉತ್ತರಾಸ್ವಯಂವರಂ ಕಥಕ್ಕಳಿಯ ಲಾಸ್ಯ ನೃತ್ಯ ದೃಶ್ಯವನ್ನು ಉತ್ತರನ್ ಮತ್ತು ಅವರ ಪತ್ನಿಯರೊಂದಿಗೆ ವೇದಿಕೆಯಲ್ಲಿ ಪ್ರದರ್ಶಿಸಲಾಯಿತು. ಉತ್ತರನ್ ಆಗಿ ಕಲಾಮಂಡಲಂ ವೈಶಾಖ ಮತ್ತು ಎರಡನೇ ಪತ್ನಿಯಾಗಿ ಕಲಾಮಂಡಲಂ ವಿಷ್ಣು ಕೂಡ ಅಖಾಡಕ್ಕಿಳಿದರು. ವಿರಾಟ ರಾಜಕುಮಾರ ಉತ್ತರಾಂತನ ಇಬ್ಬರು ಪತ್ನಿಯರಲ್ಲಿ ಒಬ್ಬಳಾಗಿ ಕಲೆಕ್ಟರ್ ದಿವ್ಯಾ ಎಸ್ ಅಯ್ಯರ್ ವೇದಿಕೆಯಲ್ಲಿ ಗಮನ ಸೆಳೆದರು. 

          ಇದೇ ವೇಳೆ ಸಾಕಷ್ಟು ತರಬೇತಿಯ ಅಗತ್ಯವಿರುವ ಕಥಕ್ಕಳಿಯನ್ನು ಕಡಿಮೆ ಅವಧಿಯಲ್ಲಿ ಅಭ್ಯಾಸ ಮಾಡಿ ಒಂದು ಗಂಟೆಯ ಶೃಂಗಾರಪದವು ಮುಗಿದಾಗ ಪ್ರೇಕ್ಷಕರು ಚಪ್ಪಾಳೆ ತಟ್ಟಿದರು. ದಿವ್ಯಾ ಎಸ್ ಅಯ್ಯರ್ ಈ ಹಿಂದೆ ಭರತನಾಟ್ಯ ಕೂಚುಪುಡಿ ಅಧ್ಯಯನ ಮಾಡಿದವರೂ ಹೌದು. ಉತ್ತರನ ಪತ್ನಿಯನ್ನು ಅವಿಸ್ಮರಣೀಯವಾಗಿಸಲು ದಿವ್ಯಾ ಎಸ್ ಅಯ್ಯರ್ ಅವರಿಗೆ ತಮ್ಮ ಸಹಜ ಪ್ರತಿಭೆಯಿಂದಲೇ ಸಾಧ್ಯವಾಯಿತು ಎಂದು ಕಥಕ್ಕಳಿ ಕಲಾವಿದರು, ರಸಿಕರು ಅಂದಾಜಿಸಿದ್ದಾರೆ.