ಪೆರ್ಮುದೆ: ವಾರ್ಷಿಕ ಮಹೋತ್ಸವ

             ಕುಂಬಳೆ: ಪೆರ್ಮುದೆ ಲಾರೆನ್ಸ್ ನಗರದ ಸೈಂಟ್ ಲಾರೆನ್ಸ್ ದಿ ಮಾರ್ಟಿರ್ ಇಗರ್ಜಿಯಲ್ಲಿ ಭಾನುವಾರ ಸಾಂತಾ ಲಾರೆನ್ಸಾರ ವಾರ್ಷಿಕ ಮಹೋತ್ಸವ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ಜರಗಿತು. ಇಗರ್ಜಿ ಪರಿಸರದಲ್ಲಿ ನೂತನವಾಗಿ ನಿರ್ಮಿಸಲಾದ ಸಾಂತಾ ಲಾರೆನ್ಸಾರ ಗ್ರೋಟ್ಟೋ ಆಶೀರ್ವಚನ ನಡೆಯಿತು. ಕಾಸರಗೋಡು ಧರ್ಮವಲಯದ ಪ್ರಧಾನ ಧರ್ಮಗುರು ವಂ. ಫಾ. ಸ್ಟ್ಯಾನಿ ಪಿರೇರಾ ಗ್ರೋಟ್ಟೋ ಆಶೀರ್ವಚನ ನಡೆಸಿದರು. ಗ್ರೋಟ್ಟೋ ನಿರ್ಮಿಸಲು ಆರ್ಥಿಕ ಸಹಾಯ ನೀಡಿದ ನವೀನ್ ರಂಜಿತ್ ಡಿಸೋಜ ಓಡಂಗಲ್ಲು ಇವರ ತಾಯಿ ಕಾರ್ಮಿನ್ ಡಿಸೋಜ ಅವರು ಗ್ರೋಟ್ಟೋ ಉದ್ಘಾಟಿಸಿದರು. ಜೋನ್ ಡಿಸೋಜ ಓಡಂಗಲ್ಲು ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು. ಇಗರ್ಜಿಯ ಧರ್ಮಗುರು ವಂ. ಫಾ. ಮೆಲ್ವಿನ್ ಫೆರ್ನಾಂಡಿಸ್ ಮತ್ತಿತರರು ಉಪಸ್ಥಿತರಿದ್ದರು. 

           ಸಂಭ್ರಮಿಕ ದಿವ್ಯಬಲಿಪೂಜೆಯಲ್ಲಿ ಕಾಸರಗೋಡು ಧರ್ಮವಲಯದ ಪ್ರಧಾನ ಧರ್ಮಗುರು, ಬೇಳ ಶೋಕಮಾತಾ ಇಗರ್ಜಿಯ ಧರ್ಮಗುರುಗಳಾದ ವಂ. ಫಾ. ಸ್ಟ್ಯಾನಿ ಪಿರೇರಾ ಮುಖ್ಯ ಅತಿಥಿಯಾಗಿ ಭಾಗವಹಿಸಿದರು. ಪೆರ್ಮುದೆ ಇಗರ್ಜಿಯ ಧರ್ಮಗುರು ವಂ. ಫಾ. ಮೆಲ್ವಿನ್ ಫೆರ್ನಾಂಡಿಸ್, ಫಾ. ಗ್ಲ್ಯಾಡ್ವಿನ್ ಪ್ರಶಾಂತ್ ಪಿಂಟೊ ಬೆಳ್ಳೂರು, ಫಾ. ಸೆಬಾಸ್ಟಿಯನ್ ಪೀಟರ್, ಫಾ. ಕ್ಲೌಡ್, ಫಾ. ರೆಜಿನಾಲ್ಡ್ ಡಿಮೆಲ್ಲೊ, ಫಾ. ವಿಜಯ್ ಡಿಸೋಜ, ಫಾ. ಆಂಟನಿ ಸ್ವಾಮಿ, ಧರ್ಮಭಗಿಣಿಯರು ಮತ್ತಿತರರು ಉಪಸ್ಥಿತರಿದ್ದರು.