ಸರ್ಕಾರದ ಆರ್ಥಿಕ ಬಿಕ್ಕಟ್ಟು; ಆದಾಯ ಹೆಚ್ಚಿಸಲು ವೈದ್ಯಕೀಯ ಕಾಲೇಜುಗಳಲ್ಲಿ ಶುಲ್ಕ ಹೆಚ್ಚಳ

             ತಿರುವನಂತಪುರಂ: ಸರ್ಕಾರಿ ಮತ್ತು ಖಾಸಗಿ ವೈದ್ಯಕೀಯ ಕಾಲೇಜುಗಳಲ್ಲಿನ ವಿವಿಧ ಪ್ರಕ್ರಿಯೆಗಳ ಶುಲ್ಕವನ್ನು ವೈದ್ಯಕೀಯ ಶಿಕ್ಷಣ ಇಲಾಖೆ ತೀವ್ರವಾಗಿ ಏರಿಸಿದೆ.

         ಸರ್ಕಾರ ತೀವ್ರ ಆರ್ಥಿಕ ಮುಗ್ಗಟ್ಟು ಎದುರಿಸುತ್ತಿರುವ ಹಿನ್ನೆಲೆಯಲ್ಲಿ ಹೆಚ್ಚಿನ ಆದಾಯ ಗಳಿಸಲು ಶುಲ್ಕ ಹೆಚ್ಚಿಸಲಾಗಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

             ಹೊಸ ಸ್ವಯಂ-ಪೋಷಕ ವೈದ್ಯಕೀಯ ಕಾಲೇಜುಗಳನ್ನು ಪ್ರಾರಂಭಿಸಲು ಪರಿಶೀಲನೆಗಾಗಿ 28,750 ಡಿಎಂಇಗೆ ಪಾವತಿಸಬೇಕಾಗಿತ್ತು. ಆದರೆ ಇನ್ನು ಮುಂದೆ 37500 ಪಾವತಿಸಬೇಕು. 50000 ರಿಂದ 75000 ವರೆಗಿನ ಹೊಸ ಕೋರ್ಸ್‍ಗಳನ್ನು ಪ್ರಾರಂಭಿಸಲು ಯಾವುದೇ ನಿರಾಕ್ಷೇಪಣಾ ದಾಖಲೆಗಾಗಿ ಶುಲ್ಕ ಪಾವತಿಸಬೇಕಾಗುತ್ತದೆ.

           ಕಾಲೇಜುಗಳಲ್ಲಿ ಮೂರಕ್ಕಿಂತ ಹೆಚ್ಚು ಕೋರ್ಸ್‍ಗಳಿಗೆ ಪ್ರತಿ ಕೋರ್ಸ್‍ಗೆ 15000 ರೂ.ಹೆಚ್ಚಳವಾಗಿದೆ. ಮೂರಕ್ಕಿಂತ ಹೆಚ್ಚು ಕೋರ್ಸ್‍ಗಳ ಸೀಟು ಹೆಚ್ಚಳಕ್ಕೆ ಎನ್‍ಒಸಿ ರೂ.25000ದಿಂದ ರೂ.50000ಕ್ಕೆ ಏರಿಕೆಯಾಗಿದೆ.

          ವಿದೇಶಕ್ಕೆ ದುಡಿಯಲು ಮತ್ತು ವ್ಯಾಸಂಗಕ್ಕೆ ತೆರಳುವವರು ಪಾವತಿಸಬೇಕಾದ ಶುಲ್ಕವನ್ನು 1 ಲಕ್ಷದಿಂದ 2 ಲಕ್ಷಕ್ಕೆ ಹೆಚ್ಚಿಸಲಾಗಿದೆ. ಸಹಾಯಕ ಪ್ರಾಧ್ಯಾಪಕರು ಮತ್ತು ಮೇಲ್ಪಟ್ಟವರು ದೇಶದ ಇತರೆಡೆ ವೈದ್ಯಕೀಯ ಸಂಸ್ಥೆಗಳಲ್ಲಿ ಕೆಲಸ ಮಾಡಲು 1 ಲಕ್ಷ ರೂ.ಪಾವತಿಸಬೇಕು. ಈ ಮೊದಲು 50000 ರೂ.ಮಾತ್ರ ಶುಲ್ಕವಿತ್ತು.