ಎಸ್ಎಫ್ಐ ಮುಖಂಡ ನಿಖಿಲ್ ಥಾಮಸ್ ನಕಲಿ ಪದವಿ ಪ್ರಕರಣ; ಪ್ರಮುಖ ಆರೋಪಿ ಮುಹಮ್ಮದ್ ರಿಯಾಜ್ ಬಂಧನ

            ಚೆನ್ನೈ: ಎಸ್‍ಎಫ್‍ಐ ಮಾಜಿ ನಾಯಕ ನಿಖಿಲ್ ಥಾಮಸ್ ನಕಲಿ ಪದವಿ ಪ್ರಕರಣದ ಪ್ರಮುಖ ಆರೋಪಿಯನ್ನು ಬಂಧಿಸಲಾಗಿದೆ. ತಮಿಳುನಾಡು ಮೂಲದ ಮಹಮ್ಮದ್ ರಿಯಾಜ್ ಬಂಧಿತ ಆರೋಪಿ.

          ಚೆನ್ನೈನಲ್ಲಿ ಪೋಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ.  ಚೆನ್ನೈನಲ್ಲಿ ಎಜುಕೇರ್ ಎಂಬ ಸಂಸ್ಥೆಯನ್ನು ನಡೆಸುತ್ತಿದ್ದ. ಈ ಸಂಸ್ಥೆಯ ಮೂಲಕ ನಕಲಿ ಪದವಿ ಪ್ರಮಾಣ ಪತ್ರ ಕೇರಳ ತಲುಪಿದೆ. ಈತನೇ ಪ್ರಕರಣದ ಮೂರನೇ ಆರೋಪಿ ಸಾಜು ಶಶಿಧರನಿಗೆ ನಕಲಿ ಪ್ರಮಾಣಪತ್ರವನ್ನು ನೀಡಿದ್ದ.

        ಕಾಯಂಕುಳಂ ಪೋಲೀಸರು ನಿನ್ನೆ ಚೆನ್ನೈಗೆ ತೆರಳಿ ಮೊಹಮ್ಮದ್ ರಿಯಾಝ್ ನನ್ನು ಬಂಧಿಸಿದ್ದಾರೆ. ನಕಲಿ ಸರ್ಟಿಫಿಕೇಟ್ ಮಾಡಿಕೊಟ್ಟಿದ್ದಕ್ಕೆ 40,000 ರೂಪಾಯಿ ಪಡೆದಿರುವುದಾಗಿ ಆರೋಪಿ ತನ್ನ ಹೇಳಿಕೆಯಲ್ಲಿ ಒಪ್ಪಿಕೊಂಡಿದ್ದಾನೆ. ಆರೋಪಿ ದೂರವಾಣಿ ಕರೆ ದಾಖಲೆಗಳನ್ನೂ ಪೋಲೀಸರಿಗೆ ನೀಡಿದ್ದಾನೆ.

          ಕಾಯಂಕುಳಂ ಎಂಎಸ್‍ಎಂ ಕಾಲೇಜಿನ ಪ್ರಥಮ ವರ್ಷದ ಎಂಕಾಂ ವಿದ್ಯಾರ್ಥಿ ನಿಖಿಲ್ ಥಾಮಸ್ ನಕಲಿ ಪ್ರಮಾಣಪತ್ರ ನೀಡಿ ಪ್ರವೇಶ ಪಡೆದಿದ್ದ. ಬಿಕಾಂ ಪೂರ್ಣಗೊಳಿಸದ ನಿಖಿಲ್ ಥಾಮಸ್ ನಕಲಿ ಪ್ರಮಾಣಪತ್ರದೊಂದಿಗೆ ಛತ್ತೀಸ್‍ಗಢದ ಕಳಿಂಗ ವಿಶ್ವವಿದ್ಯಾಲಯಕ್ಕೆ ಪ್ರವೇಶ ಪಡೆದಿದ್ದ.

        ಪ್ರಕರಣದಲ್ಲಿ ಕಾಲೇಜು ಅಧಿಕಾರಿಗಳ ಕಡೆಯಿಂದ ಗಂಭೀರ ಲೋಪವಾಗಿದೆ ಎಂದು ಕೇರಳ ವಿಶ್ವವಿದ್ಯಾನಿಲಯ ಮಾಹಿತಿ ನೀಡಿತ್ತು. ಶಿಕ್ಷಕರು ವಿದ್ಯಾರ್ಥಿಯನ್ನು ಗುರುತಿಸದಿರುವುದು ಗಂಭೀರವಾಗಿದ್ದು, ಸಿಂಡಿಕೇಟ್ ಸಭೆಯ ನಿರ್ಧಾರದ ಮೇಲೆ ಕ್ರಮ ಕೈಗೊಳ್ಳುವುದು. ಪ್ರಾಂಶುಪಾಲರು ಮತ್ತು ವಾಣಿಜ್ಯ ವಿಭಾಗದ ಮುಖ್ಯಸ್ಥರು ಜವಾಬ್ದಾರರಾಗಿರುತ್ತಾರೆ. ಇದಕ್ಕೂ ಮುನ್ನ ಶೋಕಾಸ್ ನೋಟಿಸ್ ನೀಡಲಾಗುವುದು.