ಜನನ ಮತ್ತು ಮರಣ ನೋಂದಣಿಗೆ ಪೋಷಕರ ಆಧಾರ್ ಕಡ್ಡಾಯ

               ಈಗ ದೇಶದಲ್ಲಿ ಜನನ ಮತ್ತು ಮರಣ ನೋಂದಣಿಗೆ ಪೋಷಕರ ಆಧಾರ್ ಕಡ್ಡಾಯವಾಗಿದೆ. ಈ ಸಂಬಂಧ ತಿದ್ದುಪಡಿ ಮಸೂದೆಯನ್ನು ಲೋಕಸಭೆ ಅಂಗೀಕರಿಸಿದೆ.

                 ಈ ತಿದ್ದುಪಡಿಯು ರಾಷ್ಟ್ರೀಯ ಮತ್ತು ರಾಜ್ಯ ಮಟ್ಟದಲ್ಲಿ ಜನನ ಮತ್ತು ಮರಣಗಳ ನೋಂದಣಿಗೆ ಸ್ಪಷ್ಟವಾದ ಡೇಟಾ ಬೇಸ್ ಅನ್ನು ರಚಿಸುವ ಗುರಿಯನ್ನು ಹೊಂದಿದೆ.

                      ಜನಸಂಖ್ಯಾ ದಾಖಲಾತಿಗಳು, ಚುನಾವಣೆಗಳು ಮತ್ತು ಪಡಿತರ ಚೀಟಿಗಳನ್ನು ತಯಾರಿಸಲು ಡೇಟಾ ಬೇಸ್ ಉಪಯುಕ್ತವಾಗಿದೆ ಎಂದು ಅಂದಾಜಿಸಲಾಗಿದೆ. ಜನನದ ಸಮಯದಲ್ಲಿ ನೋಂದಣಿ ಮಾಡಲು ಸಾಧ್ಯವಾಗದಿದ್ದರೆ, ನಿಗದಿತ ಮೊತ್ತವನ್ನು ಪಾವತಿಸಿ ಜಿಲ್ಲಾ ನೋಂದಣಾಧಿಕಾರಿಯಲ್ಲಿ ನಂತರ ಮಾಡಬಹುದು. ಶಿಕ್ಷಣ, ಚುನಾವಣೆ, ಉದ್ಯೋಗ, ವಿವಾಹ,  ಸರ್ಕಾರಿ ಉದ್ಯೋಗ ಇತ್ಯಾದಿಗಳಿಗೆ ಜನನ ಪ್ರಮಾಣಪತ್ರವು ಪ್ರಮುಖ ದಾಖಲೆಯಾಗಿದೆ. ಮತದಾನಕ್ಕೆ ಜನನ ಪ್ರಮಾಣ ಪತ್ರವೂ ಕಡ್ಡಾಯವಾಗಲಿದೆ.

              ಮೃತ ವ್ಯಕ್ತಿಯ ಪ್ರಮಾಣಪತ್ರದ ನಕಲು ಪ್ರತಿಯನ್ನು ಪಡೆದಾಗ ಅದನ್ನು ರಿಜಿಸ್ಟ್ರಾರ್‍ಗೆ ನೀಡಬಾರದು ಎಂದೂ ಮಸೂದೆಯಲ್ಲಿ ತಿಳಿಸಲಾಗಿದೆ. ನೋಂದಣಿಗಳನ್ನು ಸಮನ್ವಯಗೊಳಿಸಲು ರಾಷ್ಟ್ರೀಯ ಮಟ್ಟದಲ್ಲಿ ರಿಜಿಸ್ಟ್ರಾರ್ ಜನರಲ್, ರಾಜ್ಯ ಮಟ್ಟದಲ್ಲಿ ಮುಖ್ಯ ರಿಜಿಸ್ಟ್ರಾರ್ ಮತ್ತು ಜಿಲ್ಲಾ ಮಟ್ಟದಲ್ಲಿ ರಿಜಿಸ್ಟ್ರಾರ್ ಅನ್ನು ನೇಮಿಸಲಾಗುವುದು ಎಂದು ಮಸೂದೆ ಹೇಳುತ್ತದೆ.