ನೆಲ್ಲಿಕಾಯಿ ಜೇನಿನಲ್ಲಿ ಹಾಕಿ ತಿಂದರೆ ಇಷ್ಟೆಲ್ಲಾ ಗುಣಗಳಿವೆ ಗೊತ್ತಾ?

 ನೆಲ್ಲಿಕಾಯಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು, ಇದರಲ್ಲಿರುವ ಪೋಷಕಾಂಶ ಒಟ್ಟು ಮೊತ್ತ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ನೆಲ್ಲಿಕಾಯಿಯನ್ನು ಉಪ್ಪಿನಲ್ಲಿ ಹಾಕಿ ಸೇವಿಸುತ್ತಾರೆ, ಆದರೆ ನೆಲ್ಲಿಕಾಯಿಯನ್ನು ಜೇನಿನಲ್ಲಿ ಹಾಕಿ ಸೇವಿಸಿದ್ದೀರಾ? ಇದರಿಂದ ದೊರೆಯುವ ಪ್ರಯೋಜನಗಳ ಬಗ್ಗೆ ಗೊತ್ತಿದೆಯೇ? ತೂಕ ಇಳಿಕೆಯಿಂದ ಹಿಡಿದು ಯಾವೆಲ್ಲಾ ಪ್ರಯೋಜನಗಳು ದೊರೆಯುವುದು ಎಂಬೆಲ್ಲಾ ಮಾಹಿತಿ ತಿಳಿಯೋಣ:

ನೆಲ್ಲಿಕಾಯಿಯನ್ನು ಜೇನಿನಲ್ಲಿ ಹಾಕಿ ಹೇಗೆ ಬಳಸಬೇಕು?
ನೆಲ್ಲಿಕಾಯಿಯನ್ನು ಹಾಗೇ ತಿಂದರೆ ತುಂಬಾ ಪ್ರಯೋಜನಕಾರಿ, ಆದರೆ ಕೆಲವರಿಗೆ ಹಾಗೇ ತಿನ್ನಲು ಕಷ್ಟ, ಈ ಕಾರಣಕ್ಕೆ ಉಪ್ಪಿನಲ್ಲಿ ಹಾಕಿ ಸೇವಿಸುತ್ತಾರೆ, ಆದರೆ ಹೆಚ್ಚು ಉಪ್ಪಿನಂಶ ತಿನ್ನುವುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದಲ್ಲ, ಆದ್ದರಿಂದ ಜೇನಿನಲ್ಲಿ ಹಾಕಿ ತಿಂದರೆ ಒಳ್ಳೆಯದು. ಜೇನಿನಲ್ಲಿ ಹಾಕಿಟ್ಟರೆ ತುಂಬಾ ಸಮಯ ಬಾಳಿಕೆ ಕೂಡ ಬರುವುದು. ಅಲ್ಲದೆ ಈ ನೆಲ್ಲಿಕಾಯಿ ತಿನ್ನಲು ಕೂಡ ತುಂಬಾನೇ ರುಚಿಯಾಗಿರುತ್ತದೆ.

ಇದನ್ನು ತಿನ್ನುವುದರಿಂದ ಈ ಪ್ರಮುಖ ಪ್ರಯೋಜನಗಳು ದೊರೆಯಲಿದೆ
* ರೋಗ ನಿರೋಧಕ ಶಕ್ತಿ ಹೆಚ್ಚಾಗುವುದು
ನೆಲ್ಲಿಕಾಯಿ ಹಾಗೂ ಜೇನು ತುಂಬಾನೇ ಒಳ್ಳೆಯದು. ಜೇನಿನಲ್ಲಿ ಹಾಕಿದ ನೆಲ್ಲಿಕಾಯಿ ತಿನ್ನುವುದರಿಂದ ವಿಟಮಿನ್‌ ಸಿ ದೊರೆಯುವುದು, ಅಲ್ಲದೆ ಜೇನಿನಲ್ಲಿ ಆ್ಯಂಟಿಬ್ಯಾಕ್ಟಿರಿಯಾ ಗುಣವಿದೆ. ಇದರಿಂದ ಬ್ಯಾಕ್ಟಿರಿಯಾ ಹಾಗೂ ಸೋಂಕಾಣುಗಳ ವಿರುದ್ಧ ರಕ್ಷಣೆ ಸಿಗಲಿದ.

ದೇಹದಲ್ಲಿರುವ ಕಶ್ಮಲವನ್ನು ಹೊರಹಾಕಲು ಸಹಕಾರಿ
ದೇಹದಲ್ಲಿರುವ ಕಶ್ಮಲವನ್ನು ಹೊರಹಾಕಲು ಇದು ತುಂಬಾನೇ ಸಹಕಾರಿಯಾಗಿದೆ. ದೇಹದಲ್ಲಿ ಕಶ್ಮಲಗಳಿದ್ದರೆ ಇದರಿಂದ ಕಾಯಿಲೆಗಳು ಬರುವುದು, ಕ್ಯಾನ್ಸರ್ ಕಣಗಳು ಉಂಟಾಗುವುದು. ಅದೇ ದೇಹದಲ್ಲಿರುವ ಕಶ್ಮಲಗಳು ಹೊರ ಹೋದರೆ ದೇಹದ ಆರೋಗ್ಯ ವೃದ್ಧಿಸುವುದು, ಕಾಯಿಲೆ ಬೀಳುವುದು ಕಡಿಮೆಯಾಗುವುದು.

ಜೀರ್ಣಕ್ರಿಯೆಗೆ ಒಳ್ಳೆಯದು
ದೇಹವು ಪೋಷಕಾಂಶವನ್ನು ಹೀರಿಕೊಳ್ಳಲು ಹಾಗೂ ಜೀರ್ಣಕ್ರಿಯೆ ಉತ್ತಮವಾಗಿ ನಿರ್ವಹಿಸಲು ಜೇನಿನಲ್ಲಿ ಹಾಕಿದ ನೆಲ್ಲಿಕಾಯಿ ತುಂಬಾನೇ ಪ್ರಯೋಜನಕಾರಿಯಾಗಿದೆ. ಜೀರ್ಣಕ್ರಿಯತೆ ಚೆನ್ನಾಗಿದ್ದರೆ ಒಟ್ಟುಮೊತ್ತ ಆರೋಗ್ಯ ಕೂಡ ಚೆನ್ನಾಗಿರುತ್ತದೆ. ಹೊಟ್ಟೆಯ ಆರೋಗ್ಯ ಉತ್ತಮವಾಗಿಡಲು ಜೇನಿನಲ್ಲಿ ಹಾಕಿದ ನೆಲ್ಲಿಕಾಯಿ ಸಹಕಾರಿಯಾಗಿದೆ.

ಹೃದಯದ ಆರೋಗ್ಯಕ್ಕೆ ಒಳ್ಳೆಯದು
ನೆಲ್ಲಿಕಾಯಿ ಮತ್ತು ಜೇನಿನ ಕಾಂಬಿನೇಷನ್ ಹೃದಯದ ಆರೋಗ್ಯಕ್ಕೂ ಕೂಡ ತುಂಬಾನೇ ಒಳ್ಳೆಯದು. ಇದು ಕೊಲೆಸ್ಟ್ರಾಲ್ ಕಡಿಮೆ ಮಾಡಲು ಸಹಕಾರಿಯಾಗಿದೆ. ಕೆಟ್ಟ ಕೊಲೆಸ್ಟ್ರಾಲ್‌ ಕಡಿಮೆ ಮಾಡುವುದರಿಂದ ಹೃದಯದ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು.

ತ್ವಚೆಯ ಹೊಳಪು ಹೆಚ್ಚಿಸುತ್ತದೆ
ಜೇನು ಹಾಗೂ ನೆಲ್ಲಿಕಾಯಿ ಕಾಂಬಿನೇಷನ್ ತ್ವಚೆಯ ಹೊಳಪು ಹೆಚ್ಚಿಸಲು ಕೂಡ ಸಹಕಾರಿ. ಇವುಗಳಲ್ಲಿರುವ ವಿಟಮಿನ್‌ ಸಿ ಕೊಲೆಜಿನ್ ಉತ್ಪತ್ತಿಗೆ ಸಹಕಾರಿ, ಇದರಿಂದಾಗಿ ತ್ವಚೆಯಲ್ಲಿ ಯೌವನದ ಕಳೆ ಕಾಪಾಡಬಹುದು. ಅದಲ್ಲದೆ ಅನೇಕ ಬಗೆಯ ತ್ವಚೆ ಸಮಸ್ಯೆ ಹೋಗಲಾಡಿಸಲು ಕೂಡ ತುಂಬಾನೇ ಸಹಕಾರಿಯಾಗಿದೆ.

ಉಸಿರಾಟದ ಸಮಸ್ಯೆ ಇರುವವರಿಗೆ ಅತ್ಯುತ್ತಮವಾಗಿದೆ
ಯಾರಿಗೆ ಉಸಿರಾಟದ ಸಮಸ್ಯೆ ಇದೆಯೋ ಅವರು ಇದನ್ನು ಬಳಸಿದರೆ ಉಸಿರಾಟದ ಸಮಸ್ಯೆ ಕಡಿಮೆಯಾಗಲು ಅಥವಾ ನಿಯಂತ್ರಣದಲ್ಲಿಡಲು ಸಹಕಾರಿಯಾಗಿದೆ.

ಮೈ ತೂಕ ಕಡಿಮೆಯಾಗಲು ಸಹಕಾರಿಯಾಗಿದೆ
ಮೈ ತೂಕ ಕಡಿಮೆ ಮಾಡಬೇಕು ಎಂದು ಪ್ರಯತ್ನಿಸುತ್ತಿರುವವರು ಇದನ್ನು ತಿನ್ನುವುದು ಒಳ್ಳೆಯದು. ಸ್ನಾಕ್ಸ್‌ ತಿನ್ನಬೇಕೆಂದಿನಿಸಿದಾಗ ಇದನ್ನು ತಿನ್ನುವುದರಿಂದ ರುಚಿಯಾಗಿರುತ್ತದೆ ಅಲ್ಲದೆ ಹಸಿವು ನಿಯಂತ್ರಿಸಲಯ ಸಹಕಾರಿಯಾಗಿದೆ.