ಶಸ್ತ್ರಚಿಕಿತ್ಸೆಯಲ್ಲಿ ಲೋಪ: ಕಾಲುಗಳ ಚಲನಶೀಲತೆಯನ್ನು ಕಳೆದುಕೊಂಡ ಯುವಕ: ವೈದ್ಯರ ವಿರುದ್ಧ ದೂರು

             ವಯನಾಡು: ಶಸ್ತ್ರ ಚಿಕಿತ್ಸೆಯಲ್ಲಿ ಉಂಟಾದ ಲೋಪದಿಂದ ಯುವಕನೊಬ್ಬ ಕಾಲಿನ ಚಲನವಲನ ಕಳೆದುಕೊಂಡಿದ್ದಾನೆ ಎಂದು ದೂರಲಾಗಿದೆ. ಮಾನಂತವಾಡಿ ಮೆಡಿಕಲ್ ಕಾಲೇಜು ವಿರುದ್ಧ ಆರೋಪವಿದೆ.

          ಪೆರಿಯ ನಿವಾಸಿ ಹಾಶಿಮ್ ವೈದ್ಯಕೀಯ ಲೋಪದಿಂದ ಕಾಲಿನ ಚಲನವಲನ ಕಳೆದುಕೊಂಡಿದ್ದಾರೆ. ವೆರಿಕೋಸ್ ವೇನ್ಸ್ ಚಿಕಿತ್ಸೆಗೆ ಬಂದಿದ್ದ ಯುವಕನ ರಕ್ತನಾಳ ಕತ್ತರಿಸಲಾಗಿದೆ ಎಂದು ಆರೋಪಿಸಲಾಗಿದೆ. ಕಾಲು ಚಲಿಸುವ ಸಾಮಥ್ರ್ಯ ಕಳೆದುಕೊಂಡು ಸರ್ಕಾರಿ ನೌಕರಿ ಕಳೆದುಕೊಳ್ಳುವ ಪರಿಸ್ಥಿತಿ ಹಶಿ ಅವರದ್ದು.

         ಹಾಶಿಮ್ ಚಿಕಿತ್ಸೆಗಾಗಿ ಫೆಬ್ರವರಿ 2, 2023 ರಂದು ದಾಖಲಾಗಿದ್ದರು. ಮರುದಿನವೇ ಶಸ್ತ್ರಚಿಕಿತ್ಸೆ ನಡೆಸಲಾಯಿತು. ನಂತರ ನೋವು ತೀವ್ರಗೊಂಡಿದ್ದರಿಂದ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿಗೆ ಸ್ಥಳಾಂತರಿಸಲಾಯಿತು. ಪರೀಕ್ಷೆಯ ನಂತರ ಚಿಕಿತ್ಸೆಯಲ್ಲಿನ ಲೋಪವೇ ಸಮಸ್ಯೆಗೆ ಕಾರಣ ಎಂದು ತಿಳಿದುಬಂದಿದೆ.

            ಹಾಶಿಮ್ ಮುಂದಿನ 16 ದಿನಗಳನ್ನು ಐಸಿಯುನಲ್ಲಿ ಕಳೆದರು. ಇಲ್ಲಿಂದ ಖಾಸಗಿ ಆಸ್ಪತ್ರೆಗೆ ತೆರಳಿದರೂ ಚಿಕಿತ್ಸೆ ಫಲಕಾರಿಯಾಗಲಿಲ್ಲ. ಈಗಾಗಲೇ ನಾಲ್ಕು ಆಸ್ಪತ್ರೆಗಳಲ್ಲಿ ಸುಮಾರು ಹನ್ನೆರಡು ಶಸ್ತ್ರಚಿಕಿತ್ಸೆಗಳನ್ನು ಮಾಡಲಾಗಿದೆ. ಆದರೆ ಯಾವುದೇ ಪರಿಣಾಮವಿಲ್ಲ ಮತ್ತು ಮೊಣಕಾಲು ಕೆಳಗೆ ಚಲನ ಸಾಮಥ್ರ್ಯ ಕಳಕೊಂಡಿದ್ದಾರೆ.