ಎಲ್‌ಪಿಜಿ ದರ ಕಡಿತ: ರಕ್ಷಾಬಂಧನ್‌ ಸಂಭ್ರಮ ಹೆಚ್ಚಿಸಲಿದೆ -ಮೋದಿ

                ನವದೆಹಲಿ: 'ಗೃಹಬಳಕೆಯ ಎಲ್‌ಪಿಜಿ ಸಿಲಿಂಡರ್‌ನ ದರವು ₹ 200 ಕಡಿತಗೊಂಡಿರುವುದರಿಂದ ಸೋದರಿಯರಿಗೆ ಅನುಕೂಲವಾಗದ್ದು, ಅವರ ಬದುಕು ಇನ್ನಷ್ಟು ಸರಳವಾಗಲಿದೆ. ಅಲ್ಲದೆ, ಕುಟುಂಬದಲ್ಲಿ ರಕ್ಷಾ ಬಂಧನ್‌ ಹಬ್ಬದ ಸಂಭ್ರಮವು ಮತ್ತಷ್ಟು ಹೆಚ್ಚಲಿದೆ' ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

                  'ನನ್ನ ಪ್ರತಿಯೊಬ್ಬ ಸಹೋದರಿಯರೂ ಸಂತಸ ಮತ್ತು ಆರೋಗ್ಯದಿಂದ ಇರಬೇಕು ಎಂದು ನಾನು ದೇವರಲ್ಲಿ ಪ್ರಾರ್ಥಿಸುತ್ತೇನೆ' ಎಂದು ಪ್ರಧಾನಿ ಅವರು 'ಎಕ್ಸ್‌' ಜಾಲತಾಣದಲ್ಲಿ ಮಂಗಳವಾರ ಸಂದೇಶ ಪೋಸ್ಟ್‌ ಮಾಡಿದ್ದಾರೆ.