ಕೊಚ್ಚಿ: ಚಿತ್ರ ನಿರ್ದೇಶಕ ಕಿರಣ್ ಜಿ ನಾಥ್ (48) ಸುಟ್ಟಗಾಯಗಳಿಂದ ಸಾವನ್ನಪ್ಪಿದ್ದಾರೆ. ಕರುವಾಟ ಮೂಲದ ಇವರು ಯುಸಿ ಕಾಲೇಜು ಬಳಿಯ ಇಲ್ಲಿಕುಳ್ಳ ಎಂಬಲ್ಲಿನ ಮನೆಯಲ್ಲಿ ಸುಟ್ಟು ಕರಕಲಾದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾನೆ. ಸಾವು ನಿಗೂಢವಾಗಿದೆ ಎಂದು ಸಂಬಂಧಿಕರು ಆರೋಪಿಸಿದ್ದಾರೆ.
ಪತ್ನಿ ಜಯಲಕ್ಷ್ಮಿ ಕೆಲಸ ಮುಗಿಸಿ ಮನೆಗೆ ಬಂದಾಗ ಕಿರಣ್ ಸುಟ್ಟು ಕರಕಲಾದ ಸ್ಥಿತಿಯಲ್ಲಿ ಮೃತಪಟ್ಟಿರುವುದು ಕಂಡು ಬಂದಿದೆ. ಜಯಲಕ್ಷ್ಮಿ ಕೆಲಸ ಮಾಡುವ ಪರವೂರು ತಾಲೂಕಿನ ಕೃಷಿ ಗ್ರಾಮೀಣಾಭಿವೃದ್ಧಿ ಬ್ಯಾಂಕ್‍ನ ಆಡಳಿತ ಸಮಿತಿ ಸದಸ್ಯರಾಗಿರುವ ಸ್ಥಳೀಯ ಕಾಂಗ್ರೆಸ್ ಮುಖಂಡರು ತನಗೆ ಮಾನಸಿಕ ಹಿಂಸೆ ನೀಡುತ್ತಿದ್ದಾರೆ ಎಂದು ಆರೋಪಿಸಿ ಮಹಿಳೆ ದೂರು ದಾಖಲಿಸಿದ್ದರು. ದೂರಿನ ಮೇರೆಗೆ ಬ್ಯಾಂಕ್ ಸದಸ್ಯನ ಸಹೋದರ ನೇತೃತ್ವದ ಗುಂಪು ಇತ್ತೀಚೆಗೆ ಕಿರಣ್‍ಗೆ ಥಳಿಸಿದೆ ಮತ್ತು ಇದರಿಂದ ಕಿರಣ್ ಮತ್ತು ಅವರ ಪತ್ನಿ ಇಬ್ಬರೂ ಮಾನಸಿಕ ಒತ್ತಡಕ್ಕೆ ಒಳಗಾಗಿದ್ದರು ಎಂದು ಸಂಬಂಧಿಕರು ತಿಳಿಸಿದ್ದಾರೆ.
ಕಿರಣ್ ಜಿ ನಾಥ್ ಅವರು 2020 ರ 'ಕಲಾಮಂಡಲಂ ಹೈದರಾಲಿ' ಚಿತ್ರದ ನಿರ್ದೇಶಕರು. ಆಲುವಾ ಜಿಲ್ಲಾಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆಯ ನಂತರ ಮೃತದೇಹದ ಸಂಸ್ಕಾರ ನಡೆಯಿತು. ಅಲುವಾ ಈಸ್ಟ್ ಪೋಲೀಸರು ಅಸಹಜ ಸಾವು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
DOCTYPE html>
