ಕೇರಳದ ಆರ್ಥಿಕ ಬಿಕ್ಕಟ್ಟಿನ ಪರಿಣಾಮ ಮುಂದಿನ ಪೀಳಿಗೆಯನ್ನು ಭಾಧಿಸಲಿದೆ: ಅಲ್ಫೋನ್ಸ್ ಕಣ್ಣಂತಾನಂ

               ನವದೆಹಲಿ: ಕೇರಳದ ಪ್ರಸ್ತುತ ಆರ್ಥಿಕ ಬಿಕ್ಕಟ್ಟಿನ ಪರಿಣಾಮಗಳನ್ನು ಭವಿಷ್ಯದ ಪೀಳಿಗೆ ಎದುರಿಸಬೇಕಾಗುತ್ತದೆ ಎಂದು ಬಿಜೆಪಿ ನಾಯಕ ಅಲ್ಫೋನ್ಸ್ ಕಣ್ಣಂತಾನಂ ಹೇಳಿದ್ದಾರೆ.

                       ಸಾಲದ ಸುಳಿಯಲ್ಲಿ ಮುಳುಗಿರುವಾಗ ರಾಜ್ಯ ಹೇಗೆ ಮುನ್ನಡೆಯುತ್ತದೆ ಎಂದು ಪ್ರಶ್ನಿಸಿದರು. ದೆಹಲಿಯಲ್ಲಿ ಮಾಧ್ಯಮ ಪ್ರತಿನಿಧಿಗಳಿಗೆ ಪ್ರತಿಕ್ರಿಯಿಸಿದ ಅವರು ಪ್ರಸ್ತುತ ಕೇರಳದ ಆರ್ಥಿಕ ಪರಿಸ್ಥಿತಿ ತುಂಬಾ ಕೆಟ್ಟದಾಗಿದೆ. ಆರ್ಥಿಕವಾಗಿ ಸಂಪೂರ್ಣ ಕುಸಿದಿದೆ.  ಪಿಂಚಣಿ ನೀಡಲು ಹಣವಿಲ್ಲ. ನಾವು 2019 ರ ಅಂಕಿಅಂಶಗಳನ್ನು ನೋಡಿದರೆ, ಹೆಚ್ಚಿನ ಶೇಕಡಾವಾರು ಪಿಂಚಣಿದಾರರು ಹೆಚ್ಚುವರಿ ಬಡತನ ಭತ್ಯೆಯನ್ನು ಪಡೆದಿಲ್ಲ. ಇದರಲ್ಲಿ 70,000 ಜನರು ಈಗ ಜೀವಿಸಿಲ್ಲ. ಕೇರಳ ಇಂದು ಅತ್ಯಂತ ಸಾಲದ ರಾಜ್ಯವಾಗಿದೆ. ಒಂದು ರಾಜ್ಯ ಹೀಗೇ ಮುಂದುವರೆಯುವುದು ಹೇಗೆ? ಇಂತಹ ಪರಿಸ್ಥಿತಿಯಲ್ಲೂ ಸಾಲ ಪಡೆಯುತ್ತಲೇ ಇದ್ದಾರೆ. ಇದು ಭವಿಷ್ಯದ ಪೀಳಿಗೆಗೆ ದೊಡ್ಡ ಹೊಣೆಗಾರಿಕೆಯಾಗಲಿದೆ ಎಂದು ಅಲ್ಫೋನ್ಸ್ ಕಣ್ಣಂತಾನಂ ಪ್ರತಿಕ್ರಿಯಿಸಿದ್ದಾರೆ.

                   ಇದೇ ವೇಳೆ ಕೇರಳ ತೀವ್ರ ಆರ್ಥಿಕ ಬಿಕ್ಕಟ್ಟಿನತ್ತ ಸಾಗುತ್ತಿದೆ ಎಂದು ನಿನ್ನೆ ಪ್ರತಿಕ್ರಿಯಿಸಿದ್ದ ವಿತ್ತ ಸಚಿವ ಕೆ.ಎನ್.ಬಾಲಗೋಪಾಲ್, ಇದಕ್ಕೆ ಕೇಂದ್ರವೇ ಕಾರಣ ಎಂದು ಆರೋಪಿಸಿದ್ದರು. ಕೇವಲ ನಿರ್ವಹಣಾ ವೆಚ್ಚಕ್ಕೆ 19,000 ಕೋಟಿ ಅಗತ್ಯವಿದೆ. ಆದರೆ ಸಾಲ ಪಡೆಯಲು ಕೇಂದ್ರ ಒಪ್ಪುತ್ತಿಲ್ಲ. ಮೊದಲು ಕೈಗಳನ್ನು ಮಾತ್ರ ಕಟ್ಟಲಾಗುತ್ತಿತುದ್ದೀಗ ಬೆರಳುಗಳನ್ನು ದಾಟಿವೆ. ಹೀಗಾಗಿ ಸಾಲ ಪಡೆಯಲು ಸಾಧ್ಯವಾಗುತ್ತಿಲ್ಲ ಎಂದು ಹಣಕಾಸು ಸಚಿವರು ತಿಳಿಸಿದರು.

                  ಬೆಲೆ ಏರಿಕೆಯಿಂದಾಗಿ ಮಲಯಾಳಿಗಳು ಪರದಾಡುತ್ತಿದ್ದು, ಸಾಲದ ಸುಳಿಯಲ್ಲಿ ಸಿಲುಕಿರುವ ರಾಜ್ಯ ಮತ್ತೆ ಸಾಲದ ಹುಡುಕಾಟದಲ್ಲಿ ನಿರತವಾಗಿದೆ. ಕೇರಳದ ಸದ್ಯದ ಬಿಕ್ಕಟ್ಟಿಗೆ ಎಡ ಸರ್ಕಾರದ ದುಂದುವೆಚ್ಚವೇ ಕಾರಣ ಎಂಬುದು ಟೀಕೆ.