ಓಣಂ ಮಾರುಕಟ್ಟೆ: ರಾಜ್ಯಾದ್ಯಂತ ಚೆಕ್ ಪೋಸ್ಟ್‍ಗಳಲ್ಲಿ ಆಹಾರ ಸುರಕ್ಷತಾ ಇಲಾಖೆಯ ತಪಾಸಣೆ ತೀವ್ರ

                  ತಿರುವನಂತಪುರ: ನಿನ್ನೆ ಸಂಜೆ ವರೆಗಿನ ಕಳೆದ 24 ಗಂಟೆಗಳಲ್ಲಿ ಚೆಕ್ ಪೋಸ್ಟ್ ಗಳಲ್ಲಿ ಒಟ್ಟು 155 ತಪಾಸಣೆ ನಡೆಸಲಾಗಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ.

                      ಹಾಲು ಮತ್ತು ಹಾಲಿನ ಉತ್ಪನ್ನಗಳ 130 ಕಣ್ಗಾವಲು ಮಾದರಿಗಳನ್ನು ಪರೀಕ್ಷೆಗಾಗಿ ಸಂಗ್ರಹಿಸಲಾಗಿದೆ. ಮೀನು ಸಹಿತ ಇತರ ಮಾಂಸಾಹಾರ ವಸ್ತುಗಳ 17 ಮಾದರಿಗಳು, ತರಕಾರಿಗಳ 8 ಮಾದರಿಗಳು ಮತ್ತು ಸಸ್ಯಜನ್ಯ ಎಣ್ಣೆಯ ಒಂದು ಕಣ್ಗಾವಲು ಮಾದರಿಯನ್ನು ಸಂಗ್ರಹಿಸಲಾಗಿದೆ. ಹಾಲಿನ 7 ಶಾಸನಬದ್ಧ ಮಾದರಿಗಳನ್ನು ಸಹ ಸಂಗ್ರಹಿಸಲಾಗಿದೆ. ಮುಂದಿನ ದಿನಗಳಲ್ಲಿ ತಪಾಸಣೆ ಮುಂದುವರಿಯಲಿದೆ ಎಂದು ಸಚಿವರು ತಿಳಿಸಿದರು.

                   ಗುರುವಾರ ಬೆಳಗ್ಗೆ 6 ಗಂಟೆಯಿಂದ ಹಗಲು ರಾತ್ರಿ ನಿರಂತರ ತಪಾಸಣೆ ಆರಂಭವಾಯಿತು. ಕುಮಳಿ, ಪಾರಶಾಲ, ಆರ್ಯಂಕಾವ್, ಮೀನಾಕ್ಷಿಪುರಂ, ವಾಳಯಾರ್, ಮಂಜೇಶ್ವರ ಚೆಕ್ ಪೋಸ್ಟ್ ಗಳಲ್ಲಿ ಅಧಿಕಾರಿಗಳ ನೇತೃತ್ವದಲ್ಲಿ ತಪಾಸಣೆ ನಡೆಯುತ್ತಿದೆ. ಆಹಾರ ಸುರಕ್ಷತಾ ಇಲಾಖೆಯು ಓಣಂ ಮಾರುಕಟ್ಟೆ ಮತ್ತು ಚೆಕ್ ಪೋಸ್ಟ್‍ಗಳಲ್ಲಿ ಕಲಬೆರಕೆ ರಹಿತ ಆಹಾರ ಸಾರ್ವಜನಿಕರಿಗೆ ಲಭ್ಯವಾಗುವಂತೆ ತಪಾಸಣೆಯನ್ನು ತೀವ್ರಗೊಳಿಸಿದೆ. ನೆರೆಯ ರಾಜ್ಯಗಳಿಂದ ಓಣ ಮಾರುಕಟ್ಟೆಗೆ ಆಗಮಿಸುವ ಆಹಾರ ಪದಾರ್ಥಗಳ ಗುಣಮಟ್ಟದ ಬಗ್ಗೆ ಇಲಾಖೆ ಕಟ್ಟುನಿಟ್ಟಿನ ಪರಿಶೀಲನೆ ನಡೆಸುತ್ತಿದೆ. ಹೆಚ್ಚುವರಿ ಹಾಲು ಮತ್ತು ಹಾಲಿನ ಉತ್ಪನ್ನಗಳ ಗುಣಮಟ್ಟ ಪರೀಕ್ಷೆ ನಡೆಯುತ್ತಿದೆ. ಇದಲ್ಲದೇ ಓಣಂ ಮಾರುಕಟ್ಟೆಯ ಪರಿಶೀಲನೆ ಜೋರಾಗಿಯೇ ಮುಂದುವರಿದಿದೆ.