ಕಳೆದ ಓಣಂನ ದಣಿವು ನೀಗಿಸಲು ಮುಂದಾದ ಸರ್ಕಾರ: ರಾಜ್ಯಪಾಲರನ್ನು ಆಹ್ವಾನಿಸಿದ ರಿಯಾಜ್ ಮತ್ತು ಶಿವನ್ ಕುಟ್ಟಿ

            ತಿರುವನಂತಪುರಂ: ಓಣಂ ಆಚರಣೆಗೆ ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಅವರನ್ನು ಸರ್ಕಾರ ಆಹ್ವಾನಿಸಿದೆ. ಕಳೆದ ವರ್ಷದ ಓಣಂ ಆಚರಣೆಯಲ್ಲಿ ರಾಜ್ಯಪಾಲರಿಗೆ ಆಹ್ವಾನ ನೀಡದೆ ಚರ್ಚೆಗೆ ಗ್ರಾಸವಾಗಿತ್ತು.

            ಈ ಬಾರಿ ವಿವಾದಕ್ಕೂ ಮುನ್ನ ನಿನ್ನೆ ಮಧ್ಯಾಹ್ನ ಸಚಿವರಾದ ಪಿ.ಎ. ಮುಹಮ್ಮದ್ ರಿಯಾಝ್ ಮತ್ತು ವಿ. ಶಿವನ್‍ಕುಟ್ಟಿ ಅವರು ರಾಜಭವನಕ್ಕೆ ಆಗಮಿಸಿ ಓಣಂ ಆಚರಣೆ ಮತ್ತು ಮೆರವಣಿಗೆಗೆ ರಾಜ್ಯಪಾಲರನ್ನು ಆಹ್ವಾನಿಸಿದರು. ರಾಜ್ಯಪಾಲರು ಸೆಪ್ಟೆಂಬರ್ 2 ರಂದು ತಿರುವನಂತಪುರದಲ್ಲಿ ಪ್ರವಾಸೋದ್ಯಮ ಸಪ್ತಾಹಕ್ಕೆ ಚಾಲನೆ ನೀಡಲಿದ್ದಾರೆ.

            ಸಚಿವರು ರಾಜ್ಯಪಾಲರಿಗೆ ಮುಂಡು(ಧೋತಿ), ಜುಬ್ಬಾ ಹಾಗೂ ರಾಜ್ಯಪಾಲರ ಪತ್ನಿ ರೇಷ್ಮಾ  ಆರಿಫ್ ಮೊಹಮ್ಮದ್ ಖಾನ್ ಅವರಿಗೆ ಕಸವ್ ಸೀರೆಯನ್ನು ನೀಡಿದರು. ನಂತರ ಸಚಿವರುಗಳು ರಾಜ್ಯಪಾಲರನ್ನು ಸೆಪ್ಟೆಂಬರ್ 2 ರಂದು ಓಣಂ ಮೆರವಣಿಗೆಗೆ ಧ್ವಜಾರೋಹಣ ಮಾಡಲು ಬರುವಂತೆ ಮನವಿ ಮಾಡಿದರು. 26ರಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ವಿಧಾನಸೌಧದ ಭವನದ ಶಂಕರನಾರಾಯಣ ತಂಬಿ ಸಭಾಂಗಣದಲ್ಲಿ ನಾಗರಿಕ ಗಣ್ಯರಿಗೆ ಓಣಸದ್ಯ(ಓಣಂ ಭೋಜನ) ಸಿದ್ಧಪಡಿಸಿದ್ದಾರೆ. ಆದರೆ ಅಂದು ರಾಜ್ಯಪಾಲರು ರಾಜಧಾನಿಯಲ್ಲಿ ಇರುವುದಿಲ್ಲ ಹಾಗಾಗಿ ಓಣಸದ್ಯದಲ್ಲಿ ಭಾಗವಹಿಸುವುದಿಲ್ಲ.

           ಸಾಮಾನ್ಯವಾಗಿ ಪ್ರತಿ ವರ್ಷ ಓಣಂ ಮೆರವಣಿಗೆಯನ್ನು ರಾಜ್ಯಪಾಲರು ಧ್ವಜಾರೋಹಣ ಮಾಡುತ್ತಾರೆ. ಆದರೆ ಕಳೆದ ವರ್ಷ ಸರ್ಕಾರ ಮತ್ತು ರಾಜ್ಯಪಾಲರ ನಡುವಿನ ಶೀತಲ ಸಮರದ  ಹಿನ್ನೆಲೆಯಲ್ಲಿ ಸರ್ಕಾರ ಓಣಂ ಆಚರಣೆಗೆ ರಾಜ್ಯಪಾಲರನ್ನು ಆಹ್ವಾನಿಸಿರಲಿಲ್ಲ. ನಂತರ ಕಳೆದ ವರ್ಷ ಅಟ್ಟಪಾಡಿಯಲ್ಲಿ ರಾಜ್ಯಪಾಲರ ಓಣಂ ಆಚರಣೆ ನಡೆದಿತ್ತು. ಓಣಂ ಸಪ್ತಾಹ ಆಚರಣೆಗೆ ಪ್ರವಾಸೋದ್ಯಮ ಸಚಿವರು ರಾಜ್ಯಪಾಲರನ್ನು ಆಹ್ವಾನಿಸುವುದು ವಾಡಿಕೆ. ಆದರೆ ಈ ವೇಳೆ ಪ್ರವಾಸೋದ್ಯಮ ಸಚಿವ ಮೊಹಮ್ಮದ್ ರಿಯಾಜ್ ಅವರೊಂದಿಗೆ ಶಿಕ್ಷಣ ಸಚಿವ ಶಿವನ್ ಕುಟ್ಟಿ ಬಂದಿದ್ದರು.