ಬಿಹಾರ: ಪಾಲಕರು ತಮ್ಮ ಮಗು ಒಳ್ಳೆಯ ಸಮಯಕ್ಕೆ ಜನಿಸಬೇಕೆಂದು ನಿರೀಕ್ಷಿಸುತ್ತಾರೆ. ಪ್ರಸ್ತುತ ಅನೇಕ ಜನರು ಶಸ್ತ್ರಚಿಕಿತ್ಸೆ ಮೂಲಕವಾಗಿ ಯಾವ ದಿನ ಮಗು ಜನಿಸಬೇಕು ಎಂದು ವೈದ್ಯರ ಬಳಿ ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಖುತ್ತಾರೆ. ಇದು ಟ್ರೆಂಡ್ ಆಗಿಬಿಟ್ಟಿದೆ. ಬಿಹಾರದಲ್ಲೂ ಇಂತಹ ಟ್ರೆಂಡ್ ನಡೆಯುತ್ತಿದೆ.
ಇತ್ತೀಚೆಗಷ್ಟೇ ಶ್ರೀಕೃಷ್ಣನ ಜನ್ಮದಿನದಂದು ಹೆರಿಗೆ ಆಗಬೇಕೆನ್ನುವ ಗರ್ಭಿಣಿಯರು 1000 ಮಕ್ಕಳಿಗೆ ಜನ್ಮ ಕೊಟ್ಟಿದ್ದಾರೆ. ಶ್ರೀಕೃಷ್ಣ ಜನ್ಮಾಷ್ಟಮಿ ಶಿಶುಗಳ ಜನನದೊಂದಿಗೆ ಬಿಹಾರದ ಸಾರ್ವಜನಿಕ ಮತ್ತು ಖಾಸಗಿ ಆಸ್ಪತ್ರೆಗಳಲ್ಲಿ ಸಂಚಲನ ಉಂಟಾಗಿದೆ.
ಈ ವರ್ಷದ ಬಹುತೇಕ ಹಬ್ಬದ ದಿನಾಂಕಗಳು ಗೊಂದಲಮಯವಾಗಿವೆ. ರಾಖಿ ಹಬ್ಬ, ಶ್ರೀಕೃಷ್ಣ ಜನ್ಮಾಷ್ಟಮಿ, ವಿನಾಯಕ ಚವಿತಿ ಹಬ್ಬದ ದಿನಾಂಕಗಳಲ್ಲಿ ಗೊಂದಲ ಉಂಟಾಗಿದೆ. ಇದರ ಭಾಗವಾಗಿ, ಕೆಲವರು ಶ್ರೀ ಕೃಷ್ಣ ಜನ್ಮಾಷ್ಟಮಿಯ ಹಬ್ಬವನ್ನು ಸೆಪ್ಟೆಂಬರ್ 6 (2023) ಮತ್ತು ಸೆಪ್ಟೆಂಬರ್ 7 ಅಲ್ಲ ಎಂದು ಭಾವಿಸಿದ್ದರು. ಇದರಿಂದಾಗಿ ಕೆಲವು ಪ್ರದೇಶಗಳಲ್ಲಿ ಸೆ.6ರಂದು ಆಚರಿಸಿದರೆ, ಹಲವೆಡೆ ಕೆಲವರು 7ರಂದು ಆಚರಿಸುತ್ತಾರೆ. ಈ ಕ್ರಮದಲ್ಲಿ ಬಿಹಾರದಲ್ಲಿ ನ.6ರಂದು ಶ್ರೀಕೃಷ್ಣ ಜನ್ಮಾಷ್ಟಮಿಯನ್ನು ಆಚರಿಸಲಾಯಿತು. ಇದರಿಂದ ಶ್ರೀಕೃಷ್ಣ ಜನ್ಮಾಷ್ಟಮಿಯ ದಿನವೇ ತಮ್ಮ ಮಕ್ಕಳು ಹುಟ್ಟಬೇಕು ಎಂದುಕೊಂಡವರು ಮಧ್ಯರಾತ್ರಿ 12.00 ಗಂಟೆಗೆ ಮುಹೂರ್ತ ನಿಶ್ಚಯಿಸಿ ಸಿಸೇರಿಯನ್ ಮಾಡಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ.
ಜನ್ಮದಿನ ಆಚರಿಸಿಕೊಳ್ಳುವವರಿಗೆ ವಂಡರ್ಲಾದಲ್ಲಿ ಉಚಿತ ಟಿಕೆಟ್; ಇಲ್ಲಿದೆ ವಿವರ..
ಕೆಲವರಿಗೆ ಆಕಸ್ಮಿಕವಾಗಿ ಹಬ್ಬದ ದಿನವೇ ಹೆರಿಗೆಯಾಗಿದೆ. ಇನ್ನು ಕೆಲವರು 6 ಮತ್ತು 7ರಂದು ಹೆರಿಗೆ ಆಗುವಂತೆ ವೈದ್ಯರ ಚರ್ಚಿಸಿ ಸಿಸೇರಿಯನ್ ಮಾಡಿಸಿಕೊಂಡಿದ್ದಾರೆ. ಆದ್ದರಿಂದ ಬುಧವಾರ (ಸೆಪ್ಟೆಂಬರ್ 6, 2023) ಮಧ್ಯಾಹ್ನ 3 ಗಂಟೆಯವರೆಗೆ ಬಿಹಾರದ ವಿವಿಧ ಜಿಲ್ಲೆಗಳಲ್ಲಿ ಸರ್ಕಾರಿ ಮತ್ತು ಖಾಸಗಿ ಆಸ್ಪತ್ರೆಗಳಲ್ಲಿ 500 ಕ್ಕೂ ಹೆಚ್ಚು ಮಹಿಳೆಯರು ಶಿಶುಗಳಿಗೆ ಜನ್ಮ ನೀಡಿದ್ದಾರೆ. ಅವರಲ್ಲಿ 150 ಮಂದಿ ರಾಜಧಾನಿ ಪಾಟ್ನಾದಲ್ಲಿ ಜನ್ಮ ನೀಡಿದ್ದಾರೆ. ಬಿಹಾರದಲ್ಲಿ ದಿನವಿಡೀ ನಡೆದ ಹೆರಿಗೆಗಳನ್ನು ಸೇರಿಸಿದರೆ 1000 ಮೀರುತ್ತದೆ ಎಂದು ವೈದ್ಯರು ಹೇಳಿದ್ದಾರೆ.
ಈ ಕುರಿತಾಗಿ ಮಾತನಾಡಿದ ವೈದ್ಯರು, ಪ್ರಸ್ತುತ ಚಿಕಿತ್ಸಾ ವಿಧಾನಗಳೊಂದಿಗೆ.. ಅಂದರೆ ನಾಲ್ಕೈದು ದಿನಗಳ ಮುಂಚೆ ಅಥವಾ ನಂತರದ ಶಸ್ತ್ರಕ್ರಿಯೆಯ ವಿಧಾನದಿಂದ ಹೆರಿಗೆಯಾಗಬಹುದು. ಆದರೆ ಹೆರಿಗೆಗೆ ಇನ್ನೂ 10-15 ದಿನವಿದ್ದರೂ ಕೆಲವರಿಗೆ ಹಬ್ಬದ ದಿನವೇ ಹೆರಿಗೆ ಆಗಬೇಕು ಆದರೆ ಒಪ್ಪದಿದ್ದರೂ ಒತ್ತಡ ಹೇರುತ್ತಿದ್ದಾರೆ. ಅವರ ಆಶಯವನ್ನು ಪರಿಗಣಿಸಿದರೂ ಗರ್ಭದಲ್ಲಿರುವ ಮಗುವಿನ ಸ್ಥಿತಿ ನೋಡಿಯೇ ಯಾವಾಗ ಹೆರಿಗೆ ಮಾಡಬೇಕೆಂದು ನಿರ್ಧರಿಸುತ್ತೇವೆ. ಏನೇ ಆದರೂ ಬೇಗ ಹೆರಿಗೆಗಳು ಸರಿಯಲ್ಲ ಎಂದಿದ್ದಾರೆ.
DOCTYPE html>
