ತಿರುವನಂತಪುರ: ರಾಜ್ಯದ ಸರ್ಕಾರಿ ವೈದ್ಯಕೀಯ ಕಾಲೇಜುಗಳಲ್ಲಿ 43 ಹೊಸ ವೈದ್ಯಕೀಯ ಪಿಜಿ ಸೀಟುಗಳಿಗೆ ಕೇಂದ್ರ ಅನುಮತಿ ನೀಡಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ. ಆಲಪ್ಪುಳ ವೈದ್ಯಕೀಯ ಕಾಲೇಜು 13, ಎರ್ನಾಕುಳಂ ವೈದ್ಯಕೀಯ ಕಾಲೇಜು 15 ಮತ್ತು ಕಣ್ಣೂರು ವೈದ್ಯಕೀಯ ಕಾಲೇಜು 15 ಸೀಟುಗಳನ್ನು ಹೆಚ್ಚಿಸಲಾಗುತ್ತಿದೆ.
ರಾಜ್ಯದ ಸರ್ಕಾರಿ ವೈದ್ಯಕೀಯ ಕಾಲೇಜುಗಳಲ್ಲಿ ಪಿಜಿ ಸೀಟುಗಳ ಬಲವರ್ಧನೆ ಮತ್ತು ಮೇಲ್ದರ್ಜೆಗೇರಿಸುವ ಯೋಜನೆಯ ಪ್ರಕಾರ ಸೀಟುಗಳನ್ನು ಹೆಚ್ಚಿಸಲಾಗಿದೆ. ಈ ಸರ್ಕಾರ ಬಂದ ನಂತರ 28 ವಿಶೇಷ ಸೀಟುಗಳು ಮತ್ತು 9 ಸೂಪರ್ ಸ್ಪೆಷಾಲಿಟಿ ಸೀಟುಗಳಿಗೆ ಕಡಿಮೆ ಅವಧಿಯಲ್ಲಿ ಅನುಮೋದನೆ ಪಡೆಯಲು ಸಾಧ್ಯವಾಗಿದೆ. ಇದಲ್ಲದೇ 43 ಪಿಜಿ ಸೀಟುಗಳೂ ಲಭ್ಯವಿವೆ.
ಇದರಿಂದ ರಾಜ್ಯದ ವೈದ್ಯಕೀಯ ಕಾಲೇಜುಗಳ ಬೆಳವಣಿಗೆಗೆ ಸಹಕಾರಿಯಾಗಲಿದೆ ಎಂದು ಸಚಿವರು ತಿಳಿಸಿದರು. ಅಲಪ್ಪುಳ ವೈದ್ಯಕೀಯ ಕಾಲೇಜಿನಲ್ಲಿ ಅರಿವಳಿಕೆ 2, ಕಮ್ಯುನಿಟಿ ಮೆಡಿಸಿನ್ 2, ಡರ್ಮಟಾಲಜಿ 1, ಪೋರೆನ್ಸಿಕ್ ಮೆಡಿಸಿನ್ 1, ಜನರಲ್ ಮೆಡಿಸಿನ್ 2, ಜನರಲ್ ಸರ್ಜರಿ 2, ಪೆಥಾಲಜಿ 1, ಫಾರ್ಮಾಕಾಲಜಿ 1 ಮತ್ತು ಟ್ರಾನ್ಸ್‍ಪ್ಯೂಷನ್ ಮೆಡಿಸಿನ್ 1 ಮಂಜೂರಾಗಿದೆ.
ಎರ್ನಾಕುಳಂ ಮೆಡಿಕಲ್ ಕಾಲೇಜಿನಲ್ಲಿ ಅರಿವಳಿಕೆ 2, ಆರ್ಥೋಪೆಡಿಕ್ಸ್ 2, ಜನರಲ್ ಮೆಡಿಸಿನ್ 1, ರೇಡಿಯೋ ಡಯಾಗ್ನೋಸಿಸ್ 2, ಸ್ತ್ರೀರೋಗ ಶಾಸ್ತ್ರ 2, ಜನರಲ್ ಸರ್ಜರಿ 2, ಕಮ್ಯುನಿಟಿ ಮೆಡಿಸಿನ್ 1, ಪೋರೆನ್ಸಿಕ್ ಮೆಡಿಸಿನ್ 1, ರೆಸ್ಪಿರೇಟರಿ ಮೆಡಿಸಿನ್ 1 ಮತ್ತು ನೇತ್ರಶಾಸ್ತ್ರ 1 ಮಂಜೂರಾಗಿದೆ.
ಕಣ್ಣೂರು ವೈದ್ಯಕೀಯ ಕಾಲೇಜಿನಲ್ಲಿ ಅನಸ್ತೇಷಿಯಾ 1, ಜನರಲ್ ಮೆಡಿಸಿನ್ 1, ರೇಡಿಯೋ ಡಯಾಗ್ನೋಸಿಸ್ 2, ಸ್ತ್ರೀರೋಗ ಶಾಸ್ತ್ರ 1, ಜನರಲ್ ಸರ್ಜರಿ 1, ಪೀಡಿಯಾಟ್ರಿಕ್ಸ್ 2, ಪೋರೆನ್ಸಿಕ್ ಮೆಡಿಸಿನ್ 2, ರೆಸ್ಪಿರೇಟರಿ ಮೆಡಿಸಿನ್ 1, ಎಮರ್ಜೆನ್ಸಿ ಮೆಡಿಸಿನ್ 2 ಮತ್ತು ಆರ್ಥೋಪೆಡಿಕ್ಸ್ 2 ವಿಭಾಗಗಳಲ್ಲಿ ಪಿಜಿ ಸೀಟುಗಳನ್ನು ಹಂಚಿಕೆ ಮಾಡಲಾಗಿದೆ.
ಈ ಮಧ್ಯೆ ಕಾಸರಗೋಡು ಜಿಲ್ಲೆಯ ಉಕ್ಕಿನಡ್ಕದಲ್ಲಿರುವ ಕಾಸರಗೋಡು ವೈದ್ಯಕೀಯ ಕಾಲೇಜಿಗೆ ಸಂಬಂಧಿಸಿ ಯಾವುದೇ ಮಾಹಿತಿ ನೀಡದಿರುವುದು ಸಂಶಯಗಳಿಗೆ ಕಾರಣವಾಗಿದೆ.
DOCTYPE html>
