ನಿಪಾ: ಆನ್‍ಲೈನ್ ತರಗತಿಗಳಿಗೆ ಸೂಚನೆ

                   ತಿರುವನಂತಪುರಂ: ನಿಪಾ ಜಾಗೃತಾ ಅವಧಿಯಲ್ಲಿ ಕಂಟೈನ್‍ಮೆಂಟ್ ಝೋನ್‍ನಲ್ಲಿರುವ ಎಲ್ಲಾ ಶಿಕ್ಷಣ ಸಂಸ್ಥೆಗಳಲ್ಲಿ ಆನ್‍ಲೈನ್ ತರಗತಿಗಳನ್ನು ನಡೆಸಲು ನಿರ್ಧರಿಸಲಾಗಿದೆ.

                       ಆನ್‍ಲೈನ್ ತರಗತಿಗಳ ಮೂಲಕ ಮಕ್ಕಳಿಗೆ ಪಾಠ ಮಾಡಲು ಶಿಕ್ಷಣ ಸಚಿವ ವಿ. ಶಿವಂಕುಟ್ಟಿ, ಸಾರ್ವಜನಿಕ ಶಿಕ್ಷಣ ಇಲಾಖೆ ನಿರ್ದೇಶಕ ಶಾನವಾಸ್ ನಿರ್ದೇಶನ ನೀಡಿದರು. ಸಾಕ್ಷರತಾ ಮಿಷನ್‍ನ 10ನೇ ತರಗತಿಯ ಸಮತ್ವ ಪರೀಕ್ಷೆ ನಡೆಯುತ್ತಿದೆ. ಕಂಟೈನ್‍ಮೆಂಟ್ ಝೋನ್‍ನಲ್ಲಿರುವ ಎಲ್ಲಾ ವಿದ್ಯಾರ್ಥಿಗಳ ಸಮತ್ವ ಪರೀಕ್ಷೆಯನ್ನು ಮುಂದೂಡಲಾಗುವುದು. ಇತರ ಕೇಂದ್ರಗಳಲ್ಲಿನ ಪರೀಕ್ಷೆಗಳಿಗೆ ಯಾವುದೇ ಬದಲಾವಣೆಗಳಿರುವುದಿಲ್ಲ. 

              ಕೋಝಿಕ್ಕೋಡ್ ಜಿಲ್ಲೆಯ ಆಯಂಜರಿ ಗ್ರಾಮ ಪಂಚಾಯಿತಿಯ ವಾರ್ಡ್‍ಗಳು -1,2,3,4,5,12,13,14,15, ಮಾರುತೋಂಕರ ಗ್ರಾಮ ಪಂಚಾಯಿತಿ- 1,2,3,4,5,12,13,14 ವಾರ್ಡ್‍ಗಳು, ತಿರುವಳ್ಳೂರು ಗ್ರಾ.ಪಂ. ಪಂಚಾಯತ್ - 1,2 ,20 ವಾರ್ಡುಗಳು, ಕುಟ್ಯಾಡಿ ಗ್ರಾಮ ಪಂಚಾಯತ್ - 3,4,5,6,7,8,9,10 ವಾರ್ಡ್‍ಗಳು, ಕಾಯಕೋಡಿ ಗ್ರಾಮ ಪಂಚಾಯತ್ - 5,6,7,8,9 ವಾರ್ಡ್ ಗಳು, ವಿಲ್ಯಾಪಳ್ಳ ಗ್ರಾಮ ಪಂಚಾಯತ್ - 6 ,7 ವಾರ್ಡ್, ಕಾವಿಲುಂ ಪಾರಾ ಗ್ರಾಮ ಪಂಚಾಯತ್ - ವಾರ್ಡ್ 2, 10, 11, 12, 13, 14, 15 ಮತ್ತು 16 ಅನ್ನು ಕಂಟೈನ್‍ಮೆಂಟ್ ವಲಯ ಎಂದು ಘೋಷಿಸಲಾಗಿದೆ. ಈ ವಲಯಗಳ ಒಳಗೆ ಅಥವಾ ಹೊರಗೆ ಯಾವುದೇ ಪ್ರಯಾಣವನ್ನು ಅನುಮತಿಸಲಾಗುವುದಿಲ್ಲ. ವಲಯದಲ್ಲಿ ಅಗತ್ಯ ವಸ್ತುಗಳ ಚಿಲ್ಲರೆ ಮಾರಾಟ ಮಳಿಗೆಗಳನ್ನು ಮಾತ್ರ ಅನುಮತಿಸಲಾಗಿದೆ.