ಎರಡನೇ ಬಾರಿಗೆ ಸಚಿವ ಸಂಪುಟ ಪುನಾರಚನೆ ಸಾಧ್ಯತೆ; ಕಡನ್ನಪ್ಪಳ್ಳಿ ಮತ್ತು ಗಣೇಶ್ ಕುಮಾರ್ ಗೆ ಸಚಿವ ಸ್ಥಾನ?: ವೀಣಾಗೆ ಕೊಕ್?

                  ತಿರುವನಂತಪುರಂ: ರಾಜ್ಯ ಸಚಿವ ಸಂಪುಟವನ್ನು ಪುನರ್ ರೂಪೀಕರಿಸುವ  ಸಾಧ್ಯತೆ ಇದೆ. ಎಡರಂಗದ ಘಟಕ ಪಕ್ಷ ಸೇರಿದಂತೆ ಸಚಿವರಲ್ಲಿ ಬದಲಾವಣೆಗಳಾಗಿವೆ.

               ಪಿಣರಾಯಿ ಸರ್ಕಾರ ಎರಡೂವರೆ ವರ್ಷ ಪೂರೈಸುವ ನವೆಂಬರ್ 20ಕ್ಕೆ ಮೊದಲು ಇತರರನ್ನು ಘಟಕ ಪಕ್ಷಗಳ ಸಚಿವ ಸ್ಥಾನಕ್ಕೆ ಪರಿಗಣಿಸಲಾಗುತ್ತಿದೆ. ಸಚಿವರ ಬದಲಾವಣೆಯು ಎರಡನೇ ಪಿಣರಾಯಿ ಸರ್ಕಾರದ ಆಡಳಿತ ವೈಫಲ್ಯವನ್ನು ಲಕ್ಷ್ಯವಿರಿಸಿ ಇರಲಿದೆ. 

                ಸಾರಿಗೆ ಸಚಿವ ಆಂಟೋನಿ ರಾಜು ಮತ್ತು ಬಂದರು ಸಚಿವ ಅಹ್ಮದ್ ದೇವರಕೋವಿಲ್ ಅವರು ಪುನಾರಚನೆಯಲ್ಲಿ ರಾಜೀನಾಮೆ ನೀಡುವ ಸಾಧ್ಯತೆಯಿದೆ. ಬದಲಿಗೆ ಕಾಂಗ್ರೆಸ್ (ಎಸ್) ನಾಯಕ ಕಡನ್ನಪ್ಪಳ್ಳಿ ರಾಮಚಂದ್ರನ್ ಮತ್ತು ಕೇರಳ ಕಾಂಗ್ರೆಸ್ (ಬಿ) ನಾಯಕ ಕೆಬಿ ಗಣೇಶ್ ಕುಮಾರ್ ಸಂಪುಟ ಸೇರುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ. ಕೆ.ಬಿ.ಗಣೇಶ್ ಕುಮಾರ್ ಅವರು ಈ ಹಿಂದೆಯೇ ನಿರ್ವಹಿಸಿದ್ದರಿಂದ ಸಾರಿಗೆ ಇಲಾಖೆ ಅಗತ್ಯವಿಲ್ಲ ಎಂದು ಈಗಾಗಲೇ ಮಾಹಿತಿ ನೀಡಿದ್ದಾರೆ. ಗಣೇಶ್ ಕುಮಾರ್ ಗೆ ಅರಣ್ಯ ಇಲಾಖೆ ವಹಿಸುವ ಸಾಧ್ಯತೆಯಿದೆ. ಮರುಸಂಘಟನೆ ಕುರಿತು ಚರ್ಚಿಸಲು ಎಡರಂಗ ಮುಂದಿನ ವಾರ ಸಭೆ ನಡೆಸಲಿದೆ.

               ಆರೋಗ್ಯ ಇಲಾಖೆಯಲ್ಲಿ ವಿಫಲರಾಗಿರುವ ವೀಣಾ ಜಾರ್ಜ್ ಅವರನ್ನು ಸಚಿವ ಸ್ಥಾನದಿಂದ ಕೆಳಗಿಳಿಸಲು ಸರ್ಕಾರ ಆಸಕ್ತಿ ವಹಿಸಿದೆ ಎನ್ನಲಾಗಿದೆ. ಆರೋಗ್ಯ ಇಲಾಖೆಯಲ್ಲಿ ಅμÁ್ಟಗಿ ಮಿಂಚಲು ಸಾಧ್ಯವಾಗಿಲ್ಲ ಎಂಬ ಟೀಕೆಗಳು ಪಕ್ಷದಿಂದಲೇ ವ್ಯಕ್ತವಾಗಿದೆ. ಇದರಿಂದ ವೀಣಾ ಜಾರ್ಜ್ ಗೆ ಮುಖಭಂಗವಾಗಲಿದೆ. ಆದರೆ ವೀಣಾ ಜಾರ್ಜ್ ಪ್ರತಿನಿಧಿಸುತ್ತಿದ್ದ ಕೋಮುವಾದಿ ಶಕ್ತಿಗಳ ವಿರುದ್ಧ ಸೆಣಸಲು ಪಿಣರಾಯಿ ವಿಜಯನ್ ಅವರಿಗೆ ಸಾಧ್ಯವಾಗಲಿಲ್ಲ. ಹೀಗಾಗಿ ವೀಣಾ ಜಾರ್ಜ್ ಗೆ ಎಲ್ಲೋ ಒಂದು ಕಡೆ ಸೌಕರ್ಯ ಕಲ್ಪಿಸಿದರೆ ಸಾಕು ಎನ್ನುವ ಪರಿಸ್ಥಿತಿ ಇದೆ. ವೀಣಾ ಅವರನ್ನು ಸ್ಪೀಕರ್ ಮಾಡಿ ಆರೋಗ್ಯ ಇಲಾಖೆಯನ್ನು ಹಾಲಿ ಸ್ಪೀಕರ್ ಎ.ಎನ್.ಎಂ.ಶಂಸೀರ್ ಅವರಿಗೆ ನೀಡಲು ಸರ್ಕಾರ ಪ್ರಯತ್ನಿಸುತ್ತಿದೆ. ಆದರೆ ಸಂಪುಟಕ್ಕೆ ಹೊಸ ಮುಖವೂ ಆಗಿರುವ ಲೋಕೋಪಯೋಗಿ ಮತ್ತು ಪ್ರವಾಸೋದ್ಯಮ ಇಲಾಖೆ ಸಚಿವ ಮೊಹಮ್ಮದ್ ರಿಯಾಜ್ ಅವರ ಇಲಾಖೆಗಳಲ್ಲಿ ಬದಲಾವಣೆ ಇರದೆಂದು ಹೇಳಲಾಗಿದೆ. .

              ಇದೇ ವೇಳೆ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ಸಾರಿಗೆ ಸಚಿವ ಆಂಟನಿ ರಾಜು, ಸಚಿವ ಸಂಪುಟ ಪುನಾರಚನೆ ಕುರಿತು ಮಾಧ್ಯಮಗಳ ಮೂಲಕ ತಿಳಿದುಕೊಂಡಿದ್ದು, ಸಚಿವ ಸ್ಥಾನದಿಂದ ಕೆಳಗಿಳಿಯಬೇಕಾದರೆ ನಾನೇ ಕೆಳಗಿಳಿಯುತ್ತೇನೆ ಎಂದು ಹೇಳಿದ್ದಾರೆ. ಎಡರಂಗದಲ್ಲಿಯೇ ಇರುತ್ತೇನೆ ಎಂದು ತಿಳಿಸಿದರು.